12
'Ixaheritsixi Kurutani meka'axɨawawetɨ
1 Meripaitɨ 'ixaheritsixi yuhutame te'aitamete mepɨwara'iwaxɨ wakwie Kurutani 'anutaɨye tau manatineika hepatsie mukuma, 'aki manuyekatsie 'Axinuni ye'atɨkaitɨ Heximuni hɨriyaritsie pɨye'atɨkatei, yaxeikɨa 'Arawa tau manatineika hepatsie mukuma.
2 Xewitɨ pɨtitewakai Tsikuni 'amuxeutsixi tiwa'aitɨwame, 'uwenieya Hetsiwuni kiekariyaritsie kaniuwekaitɨni. 'Ikɨ pɨti'aitakai 'Aruhexi ye'atɨkaime, mɨkɨ kiekari 'Axinuni 'aki tetsita pɨyemakai, meta 'aki Kawuki manuyekatsie pɨye'atɨkatei 'amunitsixi wakwie manuye'atɨka. Tsikuni kwieya pɨhɨkɨtɨkai mayeweri meta hixɨapa 'atɨ Karaha kwieyari. 3 'Arawa tau manatineika hepatsie pɨye'atɨkatei meta Kinereti harakuna mayematsie paitɨ, manata Haramara Mɨmɨki mayematsie paitɨ, Weti-Yetsimuti kiekariyari huyeyari 'utɨa, matsi 'akuxi hetɨana paitɨ, Pitsikaha yemuriyaritsie mukɨatsie paitɨ.
4 Xewitɨta ti'aitame 'Uhuki pɨtitewakai, Watsani kiekariyaritsie ti'aitame, xepahitsixi tewiyari 'imatɨrieka mieme pɨhɨkɨtɨkai 'Atsitaruti meta 'Erurehi mukatei. 5 'Ikɨ ti'aitame pɨti'aitakai Heximuni hɨriyaritsie meta Tsarikaha mɨrayetewatsie, meta naitsarie Watsani kwieyaritsie, Ketsuxi meta Mahaka wakwie manuye'atɨkatsiepai pɨye'atɨkatei, meta Karaha hixɨapa 'arɨkame, meta Tsikuni kwieya manuye'atɨkatsiepaitɨ ti'aitame Hetsiwuni kiekame.
6 'Ixaheritsixi Muitsexi tiwa'aitɨakaku Yawé ti'uximayatsiriwame, mɨkɨ te'aitamete mekaniwara'iwa. 'Ana Muitsexi Yawé ti'uximayatsiriwame, mɨkɨ kwie kaniwaruti'inɨatsirieni Xuweni, Kahari waxiɨyarima meta Manatsexi xiɨyarimama hixɨata me'arɨkame.
Te'aitamete Kutsuhexi mɨwara'iwaxɨ
7 'Ena mepɨhekɨa te'aitamete 'ixaheritsixi memɨwara'iwaxɨ Kutsuhexi tiwa'aitɨakaku waxapayari. Wakwie kanikumanekaitɨni Kurutani tau manukayeika hepatsie, 'akaniyeukaitɨni Wahari-Kahari paitɨ kaniye'atɨkateitɨni, Riwanu mayeweritsie, meta Karaki hɨriyaritsie paitɨ, Tsehixi kwieyari maye'atɨka. Kutsuhexi kaniyetuani 'ikɨ te'aitamete wakwie 'Ixaheri nuiwarimama mɨtiwapiinitɨnikɨ. 8 Mɨkɨ kwie hipatɨ muhɨriyatsie katini'anekaitɨni, mayeweweritsie tau manukayeika hepatsie muyeka, 'Arawa, mukɨatsarietsie, makumawetsie meta Nekexi kwieyaritsie. Mɨkɨ kwie hetitsixi wakwie kanihɨkɨtɨkaitɨni meta 'amuxeutsixi, kananeutsixi, peretseutsixi, heweutsixi metatsiere kewutseutsixi. 'Ikɨ kanihɨkɨtɨni te'aitamete waxapayari:
9 ti'aitame Keriku mieme,
ti'aitame 'Ahi kiekame, kiekari Weteri mehurawa,
10 ti'aitame Kerutsareme kiekame,
ti'aitame Hewuruni kiekame,
11 ti'aitame Karimuti kiekame,
ti'aitame Rakixi kiekame,
12 ti'aitame 'Ekuruni kiekame,
ti'aitame Ketsehexi kiekame,
13 ti'aitame Rewixi kiekame,
ti'aitame Kerexi kiekame,
14 ti'aitame Kuxima kiekame,
ti'aitame 'Arari kiekame,
15 ti'aitame Riwina kiekame,
ti'aitame 'Arurani kiekame,
16 ti'aitame Makera kiekame,
ti'aitame Weteri kiekame,
17 ti'aitame Tapuhaki kiekame,
ti'aitame Hepexi kiekame,
18 ti'aitame 'Apeki kiekame,
ti'aitame Tsaruni kiekame,
19 ti'aitame Marumi kiekame,
ti'aitame Katsuxi kiekame,
20 ti'aitame Tsimiruni-Merumi kiekame,
ti'aitame 'Akitsahapi kiekame,
21 ti'aitame Tanaki kiekame,
ti'aitame Mekiru kiekame,
22 ti'aitame Tseretsi kiekame,
ti'aitame Kunehani kiekame, Kaximeru hɨriyaritsie mɨti'ane,
23 ti'aitame Ruxi kiekame, Naputi-Ruxi mɨreyetewatsie mɨti'ane,
ti'aitame Kuhimi kiekame, Kirikari 'aurie mɨti'ane
24 meta ti'aitame Tiritsa kiekame.
Yunaitɨ te'aitamete xeitewiyari heimana tamamata heimana xewi mekaniyupaɨmekaitɨni.