132
(Nɨa 132:8-10 – 2Kem 6:41-42)
Ku'uwamete wakwikari.
1 Yawé, Rawiri kena'eriwani
meta kemɨtiuka'eniwa.
2 Kena'eriwani kemɨtiuyuhɨritɨa Yawé hetsɨa,
Kakuwu hetsie Mɨtɨrɨkaɨye kemɨtiutahɨawixɨ:
3 «Ne nekie nepɨkatayerɨni,
meta 'etsiwatɨma ne'utatsie nepɨkaka'uxipieni,
4 meta nepɨkaheukuni,
'etsiwatɨma nepɨka'anukɨpe,
5 xɨka neka'itaxeiyaweni 'akuxi Yawé hakewa
tukieya nemetawewieni Mɨtɨrɨkaɨye Kakuwu meyexeiya».
6 'Epɨrata tɨratu kakuniyari teputamari,
hikɨ tepeitaxei Yakaxi kwieyaritsie:
7 «Hikɨmɨ tekanihuni tukitana paitɨ,
hɨxiena tepekatunuma'uni».
8 Yawé, kenanukukexi 'atukita kenenua pemuwaka'uxipienitsie,
'ekɨ meta 'atɨratu kakuniyari mɨtɨrɨkaɨye.
9 Mawari wewiwamete 'aixɨa meke'uyukuyurieni kemɨreuyewetse.
'Ahetsie memɨtewiya mekemetsinɨawani meyutemamawietɨ.
10 Rawiri ti'a'uximayatsiriwame pemɨnaki'eriekɨ,
pepɨka'iku'e'eiriwani pemenayexei.
11 Yawé Rawiri mɨpaɨ katiniuhɨritɨani
mɨkɨ yapɨtikayani pɨka'ipata:
«Xeime 'anuiwaritɨme
'a'uwenitsie nekanayemɨkɨ.
12 Xɨka 'aniwema netɨratu mehaye'atɨani
meta ne'aitsikate nemɨwata'ɨkitɨani,
hikɨ mɨkɨ waniwema
'a'uwenitsie mepayaxe yuheyemekɨ».
13 Yawé, Kerutsareme panayexei,
mana yukie mayeitɨanikɨ pinakixɨ, mɨpaɨ putayɨ:
14 «'Ena netuki nepɨtakeni yuheyemekɨ,
'ena ne'ukaitɨ nepɨtita'aita, mɨpaɨ mɨnetinakekɨ.
15 'Aixɨa nepɨtiyurieka 'ikwai 'ikɨ kiekaritsie timieme,
meta tixaɨtɨ memɨkatehexeiya 'ikwai nepɨwamikwani.
16 Mawari wewiwamete wikweitsitɨarikakɨ nekaniwatikemaritɨamɨkɨ,
meta hetsiena memɨtewiya mekanitanɨawakuni meyutemamawietɨ.
17 »Hikɨ tawarita Rawiri tɨrɨkariya nepɨpitɨani,
meta nemenayexei kɨxemeya nepɨtaiya.
18 Memeye'unie tewiyarika nepɨwapitɨani,
peru mɨkɨ matsi kurunaya mariwetɨ payani 'utimerɨkatɨ».