परमेस्वर को सच्चो वचन ख जाननू 1पतरस 1

पतरस का पहला पस्र

पतरस की पहली चिठ्टी

भूमिका

पतरस की चिठ्टी प्रेरित पतरस दुवारा लिखो गयो थो। पतरस न अपनी चिठ्टी की सुरूआत याहा कहते वाहा कोन हतो अऊर को ख लिख रहयो थो। ओ न न उन सभी मसी हुन की चिठ्टी संबोधित कियो जिन्हे ओ न, “अजनबी” 1:1; 1:17; 2:11 कहयो थो। उन न अपनो पाठको ख इस तरह कई बार संदर्भित करियो काहेकि वी विभिन्न देस हुन म बिखरा हुआ था। काहेकि याहा चिठ्टी कई मायना म इफिसीयो ख लिखी गई पोलुस की चिठ्टी से मिलतो जुलतो हैं, बेजा सा इंसान हुन माना हैं कि 1 पतरस इफिसीयो को बाद मसी को जनम को लगभग 65 साल बाद लिखो गयो थो। पतरस न याहा चिठ्टी रोम से लिखो थो जसो ओ न बबुल 5:13 कहयो थो।

पतरस कहव हैं कि ओ न या चिठ्टी तुम ख प्रोत्साहित करनो अऊर या बात कि गवाही देवन को लाने लिखो हैं कि याहा परमेस्वर की सच्ची दया 5:12; 1पतरस 2:11—3:7; इफिसीयो 5:18; 6:9; कुलुस्सियो 3:18—4:6को बीच कई समानताए हैं। यी तीनी खंड पारिवारिक संबंध हुन अऊर हुकुम पालन अधिकारी हुन को बारा म निर्देस देवा हैं। वाहा मसी हुन ख भी प्रोत्साहित करह हैं कि जब दुख हो, ते मजबुत रहे काहेकि अन्त जोने हैं। 4:1

रूप रेखा

1 पतरस अपनो परिचय देवा हैं अऊर अपनो पाठको ख संबोधित करह हैं। 1:1-2

2. फिर वाहा उ उध्दार को लाने परमेस्वर ख धन्यवाद करह हैं जे से वी सब साझा करह हैं अऊर जे उन की जिन्दगी को लाने मायना रखह हैं। 1:3—2:10

3. ऐको बाद वाहा विस्वासी हुन ख निर्देस देवा हैं कि कसो दुनिया म अच्छी तरह से रहनो हैं अऊर पति अऊर अऊरत अऊर दास अऊर मालिक को बीच विभिन्न संबंधो ख संबोधित करह हैं। 2:11—4:11

4. ऐको बाद पतरस उन्हे दुख सहन म लगे रहवन को लाने प्रोत्साहित करह हैं। 4:12—5:11

5. फिर वाहा अपनी चिठ्टी ख समाप्त करह हैं। 5:12-14

अभिवादन

1 पतरस कि तरफ से, जे यीसु मसी ख प्रेरित आय,

परमेस्वर का वी चुनयो भयो अदमी हुन ख नाम जे पुन्तुस, गलातिया, कप्पदूकिया, आसिया अर बिथुनिया का इते-उते होय ख रवाह हैं, 2 जे परमेस्वर बाप को आन वालो ख ग्यान को जसो, आत्मा ख सुध्द करन ख लाने कहना मान ख अर यीसु मसी को खून ख छिड़को जान का लाने चुनो गयो हैं।

तुम ख दया अर सान्ति ढ़ेर सारा हुन से मिलती रहा।

एक जीवित आसा

3 हमारो प्रभु यीसु मसी ख परमेस्वर अऊर बाप को धन्यवाद होय। जो न यीसु मसी ख मरो हुओ म से जी उठन को दुवारा, अपनी बडी दया से हम ख जिन्दगी कि आसा को लाने नयो जनम लियो, 4 असो कि एक अविनासी, अर निर्मल, अर अजर मीरास का लाने जे तुमारा लाने स्वर्ग म रखी हैं; 5 जिन कि रक्छा परमेस्वर कि सामर्थ्य को भरोसा को दुवारा उ उध्दार को लाने, जे आवन वालो बखत म परगट होवन वाली हैं, की जावा हैं।

6 यूही तुम अदमी हुन ख लाने बड़ी खुसी कि खबर हैं, कि पक्को हैं कि अभी थोड़ा बखत दिन को लाने खुद ख हर एक तरीका को परेसानी सहन करनु पड़ रैया हैं; 7 अर यू एकोलाने होवत आय कि तुमारो परखनो वालो विस्वास हैं, जो आग से तपायो हुए नास होन वाला सोना से भी कही जादा किमती हैं, यीसु मसी ख परगट होना पर खुसी अर बड़ाई अर आदर का लाने रहवा हैं।✡ 8 ओसे तुम बिन देखे प्रेम करा हैं, अर अब तो ओपर बिन देख्यो भी भरोसा करा ख असो खुस अर मगन होय हैं जो कि कोई सीमा नी हाय अर महिमा से भरयो पड़ो हैं; 9 अर अपनो विस्वास को इनाम हैं, अपनी खुदकी आत्मा को उध्दार होनो।

10 यू ही मुक्ति का बारा म उन ख भविस्य बातान वाला* न बेजा खोज बीन अर परख पड़ताल करी हैं, जीन न वा दया को बारे म जो तुम पा होन वाली हती, भविस्यवानी करी हती। 11 उन न या बात की खोज करी की कि मसी की आत्मा जे उन म थी, अऊर पहले ही से मसी ख दुख हुन कि ओर ओको बाद होवन वाली महिमा की गवाही देतो थो, वाहा कऊन से अऊर कसो बखत की ओर संकेत करतो थो।✡ 12 उन पर यू परगट कियो गयो कि वी अपनी नी पर तुमारी सेवा को लाने यी बात हुन कय्हो करिये हैं, जीन को बारा अब तुम ख ओको दुवारा मिलो जीन हुन न सुध्द आत्मा को व्दारा, जो स्वर्ग से भेजो गयो, तुम ख सुसमाचार को बारा सुनायो; अर बात हुन का स्वर्ग दूत भी ध्यान से देखन कि लोभ रख हैं।

सुध्द जीवन जीने कि आवाज

13 यू वजे से अपनी अपनी बुध्दि (मन) कि कमर बाँध ख, अर हुसयार रय्हे ख उ दया की पूरी आसा रख जो यीसु मसी को परगट होन का बखत तुम ख मिलन वाली हैं। 14 आदेस सुनन वालो पोरिया हुन को जसो अपनी ना समझ को बखत कि पुरानी लोभ हुन ख सदस्य नी बनी। 15 पर जसो तुमारा पुकारन वालो सुध्द हैं, असो ही तुम भी अपनो सारा चाल चलन म सुध्द बनो। 16 काहेकि सुध्द सास्र लिखो हैं, “सुध्द बनो, काहेकि मी सुध्द हैं।”✡

17 अर जब कि तुम अरे बाप कह ख ओ ख विनती करिये हैं, जो बिना तरफ दारी हर एक का काम को हिसाब से न्याव करह हैं, तो अपनो दुसरा देस होन का बखत डर से रहो।✡ 18 काहेकि तुम ख मालूम आय कि तुमारा बेकार चाल चलन जो बाप दादा हुन से चलते आयो हैं, ओ ख तुमारी छुडानो चाँदी सोना अर पर नास होन वाली चीज हुन से दुवारा नी भयो;✡ 19 पर बेकसूर अर बेदाग पिल्ला एकोमतलब मसी को किमती खून का दुवारा भयो। 20 ओको ग्यान ते दुनिया की सुरू से पहलो ही जानो गयो हतो, पर अब यू आखरी बखत म तुमारो लाने परगट भयो हैं। 21 ओको दुवारा तुम उ परमेस्वर पर विस्वास करिये हैं, जे न ओ ख मरो हुओ म से जिन्दो कियो अर बड़ाई करी कि तुमारा विस्वास अर आसा परमेस्वर पर होए।

22 अब जब कि तुम न भई चारा करी नी ते कोई कपट रीति को हिसाब से सच ख मानो से अपनो मान ख सुध्द† कियो हैं, ते तन मन लगा ख एक दुसरा से जादा प्रेम रख जो। 23 काहेकि तुम न खत्म होन नी वाली पर अविनासी बीज से, परमेस्वर को जिन्दो अर हमेसा रूकन वाला वचन को दुवारा नयो जनम मिलो हैं। 24 काहेकि हर एक जीव‡ घास का जसो हैं,

अर ओकी सारी सुन्दरता हुन फूल का जसो हैं,

चारा सूख जाव हैं।

अर फूल झड़ जाव हैं,

25 पर प्रभु को वचन सदा-सदा को लाने खड़ो रवह हैं।

अर यू अच्छो समाचार हैं जो तुम ख सुनायो गयो हतो। ✡

✡1:7 अय्यूब 23:13; भजन 66:10; यसायाह 48:10; याकूब 1:12

*1:10 भविस्यव्दताओ

✡1:11 2 पतरस 1:21; यसायाह 52:13-14; लूका 24:25-27

✡1:16 लैव्य 11:44; 19:2; 20:7

✡1:17 2 इतिहास 19:7; भजन 28:4; यसायाह 59:18; यिर्मयाह 3:19; 17:10

✡1:18 भजन 49:7-8; गलातियो 1:4; यसायाह 52:3

†1:22 सुध्द

‡1:24 प्रानी

✡1:25 यसायाह 40:6-8