2 तीमुथियुस के नाम पोलुस का पस्र
दुसरो तीमुथियुस को नाम पोलुस की चिठ्टी
भूमिका
2 तीमुथियुस कि किताब प्रचारक पोलुस कि ओर से अपनो सिस्य तीमुथियुस ख लिखी दुसरी चिठ्टी हैं। 2 तीमुथियुस ख पोलुस की जिन्दगी को अन्त म लिखो गयो थो। वाहा यू बखत 1:16 को दऊरान रोम म कैद थो। पोलुस ख तीमुथियुस को संग बेजा अच्छो संबंध थो अऊर अक्सर ओ ख एक पोरिया को रूप म संदर्भित करतो थो। फिलिप्पियो 2:22; 1तीमुथियुस 1:2; 1:18
याहा पोलुस ख चार चिठ्टी हुन म से एक हैं जो एक चर्च को बजाय एक अदमी को संबोधित कियो जावा हैं। अन्य तीन असी चिठ्टी 1तीमुथियुस, तीतुस अऊर फिलेमोन हैं। 2 तीमुथियुस ख लिखो जानो को बखत, रोमन समराज म मसी विस्वासी हुन ख सतायो जा रहयो थो। सायद याहा वजे हती की पोलुस जेल म थो अऊर तीमुथियुस ख कठिनाई सहन को निर्देस दे रहयो थो। जसो कि 1 तीमुथियुस म हैं, पोलुस तीमुथियुस ख झुटा सिक्छक हुन को बारा म कई चेतावनी देऊ हैं। 1तीमुथियुस 1:16-18 वाहा तीमुथियुस से याहा भी कहता हूँ कि आगे कठिन बखत होगो। 3:1
रूप रेखा:
1 पोलुस तीमुथियुस को अभिवादन करनो अऊर फिर ओ ख प्रोत्साहन करन को दुवारा चालू करह हैं। 1:1-18
2. फिर वाहा तीमुथियुस ख धीरज धरन की चुनोती देऊ हैं। 2:1-13
3. ऐकोबाद वाहा ओ ख कही सामान्य निर्देस देऊ हैं। 2:14-26
4. फिर वाहा ओ ख भविस्य की घटना हुन अऊर प्रतिक्रिया ख सही तरीका को बारा म चेतावनी देऊ हैं। 3:1—4:8
5. पोलुस तीमुथियुस को लाने कुछ अदमी गत टिप्पनी हुन को संग खत्म करह हैं। 4:9-22
1
नमस्कार
1 पोलुस की अर से जे, उ जिन्दगी को वादा के अनुसार जे मसी यीसु म हैं, परमेस्वर को इच्छा से मसी यीसु को प्रेरित आय,
2 प्यारो पोरिया तीमुथियुस को नाम:
परमेस्वर बाप अर हमरो प्रभु मसी यीसु की अर से तो ख दया अर दया अर सान्ति मिलती रह।
धन्यवाद अर प्रोत्साहन
3 जे परमेस्वर की सेवा म अपना बाप दादा को रिवाज पर सुध्द विवेक से करता हूँ, ओको धन्यवाद हो कि मी अपनी प्रार्थना हुन म तो ख लगातार स्मरण करु हूँ, 4 अर तोरो आँसु हुन की सुधि कर कर ख रात दिन तोसे भेट करन की लालसा रखू हैं कि खुसी से भर जाऊ। 5 मो ख तोरो उ निस्कपट भरोसा की सुधि आवा हैं, जे पहले तोरी नानी लोइस अर तोरी माता यूनीके म थो, अर मो ख भरोसा हैं कि तो म भी हैं। 6 यही वजह म तो ख सुधि दिलाउ हैं कि तू परमेस्वर को उ वरदान को जे मोरो हात रखन को व्दारा तो ख मिलह हैं प्रज्वलित कर देहे। 7 काहेकि परमेस्वर न हमेय भय की नी पर सक्ति अर प्रेम अर संयम की आत्मा दी हैं।
8 एकोलाने हमारो प्रभु की गवाई से अर मो से जो ओको कैदी हूँ, सर्मीद न हो, पर उ परमेस्वर की सक्ति को अनुसार चोक्खो सुसमाचार को लाने मोरो संग दुख उठा। 9 परमेस्वर न हमारो उध्दार करयो अऊर हम ख सुध्द जिन्दगी बितावन को लाने बुलायो हैं ओ ना हमारो कोई पुन्य को कारन नी, बल्कि अपनो उदेस्य तथा अपनो किरपा को लाने असो करियो हैं। वही किरपा अनन्त काल से यीसु मसी दुवारा हमे प्राप्त हती, 10 लेकिन अब हमारो उध्दार करतो मसी यीसु को पैदा होन को व्दारा प्रकासित हुओ, जे न मरनो ख नास किरयो अर जिन्दगी अर अमरता को उ चोक्खो सुसमाचार को दुवारा प्रकासमान कर दियो।
11 जे को लाने मी प्रचार अर प्रेरित, अर उपदेसक भी ठहरो। 12 यू वजह से मी इन दु: ख ख भी ऊठउ हैं लेकिन सरमऊ नी, काहेकि मी ओ ख जे पर मी न भरोसा कियो हैं, जानु हैं; अर मो ख भरोसा हैं कि वह मोरी धरोहर की उ दिन तक कि रखवाली कर सकह हैं। 13 जो खरी बात मोसे सुनी हैं उन ख उ भरोसा अर प्रेम को संग, जे मसी यीसु म हैं, अपना नमूना बना ख रख। 14 अर सुध्द आत्मा को दुवारा जो हम म बसो हुओ हैं, इस अच्छी धरोहर की रखवाली कर।
15 तू जानह हैं कि आसिया वाले सब मोसे फिर गया हैं, जे म फूगिलुस अर हिरमुगिनेस हैं। 16 उनेसिफुरुस को घराना पर प्रभु दया करे, काहेकि ओ न बेजा बार मोरो जी को ठंडा कियो अर मोरी जंजीरो से सर्मीदो नी हुओ। 17 बल्कि ओ न रोम नगर पहुँच ख मोरो पता लगावन को कस्ट करियो अऊर उ मोसे मीलन आयो। 18 प्रभु ओ ख यू वरदान देय कि उ दिन प्रभु कि दया प्राप्त करे। ओ न इफिसुस नगर म कित्ती सेवा की हैं, तुम यु अच्छी तरह जानते हो।