इब्रानियो के नाम का पस्र
इब्रानियो को नाम की चिठ्टी
भूमिका
इब्रानियो कि किताब एक उत्साजनक चिठ्टी आय जे दर्सावा हैं कि कसो यीसु न पुरानो नेम कि कई भविस्यवानी हुन ख पुरो करियो। यहाँ एक उपदेस कि तरह से लिख्यो गयो थो। इब्रानियो म पुरानो नेम ख 60 से जादा संदर्भ आए जे स्पस्ट रूप से दिखावा हैं कि कसो यीसु न भविस्यवानी अऊर यहूदी बडो याजक को कर्तव्य हुन ख पुरो करियो। यू वजह से या किताब यहूदी इसाई हुन ख उत्साहित रखन वाली आय। इब्रानियो न दिखायो कि कसो यीसु न नेम ख पूरी करियो ताकि याजक हुन ख फिर कभी बलिदान नी देनू पड़े। यीसु पुरा बाप हुन को लाने एक बार अऊर हमेसा को लाने बलिदान हुयो। हमारो बखत म इसाई भी इब्रानियो ख चिठ्टी म प्रोत्साहन पा सकह हैं कि वी यीसु मसी को अनुसरन करह हैं, जे हमारो लाने परमेस्वर प भरोसा करनु संभव बनावा हैं, अऊर संग ही ओ पर भरोसा करते रहनु। 12:2
इब्रानियो ख कोना लिख्यो कोई नी जानह, पर विध्दानो न प्रेरित पोलुस, लूका या बरनबास जसो सुझाव दियो हैं। लिखन की तारीक भी पता नी हैं पर अधिकास को मानो आय कि यहाँ ईसा मसी को जनम को 70 साल पहिले लिखयो गयो थो। यरूसलेम ख 70 म खत्म कर दियो रह, पर या चिठ्टी ख लेखक यरूसलेम को बारा म बात करह हैं जसो कि यहाँ अभी लक खत्म नी हुओ थो। इब्रानियो ख रोम सहर 13:24 म लिख्यो गयो थो अऊर संभवत: की चर्चा हुन म प्ररसारित करियो गयो थो।
रूप-रेखा:
1. लेखक दिखावा हैं कि यीसु परमेस्वर आय भविस्यवक्ता हुन अऊर स्वर्ग दुत हुन से बडो आय। 1:1—4:13
2. फिर वाहा दिखावा हैं कि यीसु न यू याजक हुन से बडो जे यरूसलेम म परमेस्वर को मन्दिर म सेवा करह आय। 4:14—7:28
3. संग ही यीसु न सेवकाई उ पुरानो वाचा से भी बडो अपनो लोगो को संग आय जे परमेस्वर न अपना इंसान हुन को संग उ नेम को दुवारा कि जो ओ न मूसा ख दियो रह। 8:1—10:31
4. यहाँ समझावन को बाद यीसु ख पुरी तरह से बडो आय, लेखक कई व्यवहारिक निर्देस देवा हैं। 10:32—13:17
5. अन्त म लेखक कुछ प्रोत्साहन अऊर अभिवादक को संग चिठ्टी को संग खत्म करह हैं। 13:18-25
1
परमेस्वर को वचन, पोरिया व्दारा
1 पहले को जमाने म परमेस्वर न बापदादा से थोडो थोडो कर ख अर भाँति-भाँति से भविस्यवक्ता हुन को व्दारा बात करी, 2 इ आखरी दिन*आखरी दिन म ओ न हम से पोरिया को दुवारा बात करी, जिन ख उन न सब चीज को वारिस रखयो अर ओको दुवारा ओ ना सब दुनिया ख ओ न रची हैं। 3 यु पोरिया परमेस्वर कि महिमा वह उन की महिमा को उजाला अर उन को तत्व को छाप हैं, अर सब चीज अपनी सक्ति को वचन से संभालयो हैं। उ पाप ख धो ख ऊँचो जगह पर महामहिम परमेस्वर ख जेनो तरफ जा ख बठयो; 4 अर ओको पद स्वर्गदूत से उंचो ठहरो; काहेकि जे नाम ओ ख उत्तराधिकार म मिल्यो हैं, उ ओको नाम से कही गुना बडो हैं।
परमेस्वर को पोरिया स्वर्गदूत हुन से सर्वाच्चय हैं
5 काहेकि परमेस्वर न कभी कोई स्वर्गदूत से यहाँ कहयो,
“तु मोरो पोरिया आय,
आज मी न तो ख पैदा कियो हैं”
अऊर मी ओको लाने बाप बन जाऊँगो,
अऊर उ मोरो पोरिया होगा?
6 अर जब सबसे पहले पोरिया की दुनिया म फिर लावा हैं ते कवह हैं,
“परमेस्वर को पुरो स्वर्गदूत हुन ओ ख दण्डवत करहे।”
7 अर स्वर्गदूत को बारे म यू कहवा हैं,
“वह अपना दुत हुन ख हवा,
अर अपना सेवक ख धधक्ती आगी बनावा हैं।”
8 कि अपनो पोरिया को बारे म कहव हैं,
“हे परमेस्वर तोरो सिंहासन हमेसा हमेसा तक रय्हे:
तोरो राज को राजदण्ड न्याव को राजदण्ड आय।
9 तू न धरम से प्यार रखयो अर अधर्म से दुसमनी रखी;
एकोलाने हे परमेस्वर,
तोरो परमेस्वर न, तोरो संगी हुन से बड ख,
हर्सरुपी तेल से तोरो अभिसेक करयो।”
10 अऊर ओ न याहा भी कहयो
“हे प्रभु, आदि म तू न जमीन की नीव डाली,
अर स्वर्ग तोरो हात की बनावट आय।
11 वी तो खत्म हो जाये, पर तू बन्यो रय्हे;
अर वी सब कपड़ा को समान पुराना हो जाहे,
12 अर तू उन ख चादर को समान लपेटेगो,
अर वी कपड़ा को समान बदल जाहे:
पर तू बदलेगो नी,
अर तोरो साल कभी खत्म नी होवन को।”
13 परमेस्वर न कभी कोई स्वर्ग दूत हुन से असो नी कहयो,
“तू मोरो जेवनो तरफ बठ,
जब लक कि मी तोरा दुसमन ख तोरा पाय को नीचे की पीढ़ी नी कर दूँ?”
14 का वी सब सेवा टहल करन वाली आत्मा नी, जो उध्दार पावन वाला को लाने सेवा करन ख भेजी जावह हैं।
*1:2 आखरी दिन