मरकुस के व्दारा लिखा सुसमाचार
मरकुस को दुवारा लिखो सुसमाचार
भूमिका
मरकुस को अनुसार भलो-समाचार (सुसमाचार) नयो नेम कि चार किताब म से एक हैं जो यीसु मसी को जीवन को बारे म बतावा हैं। ओमन से हर एक ख भलो-समाचार बोलो जाय हैं जेको मतलब हैं भलो-समाचार वी मत्ती, मरकुस, लूका अर यूहन्ना दुवारा यीसु कि माऊत को बाद लिखो गयो रह। मरकुस को अनुसार सुसमाचार चारी सुसमाचार म से सबसे छोटो हैं। असो भी मानो जाय हैं की यू भी यीसु मसी को जनम को 65-70 साल हुन को बीच कुछ बखत का सभी समाचार हुन को पहिले लिखो गयो हैं। कई ग्यानवान हुन को माननो हैं कि यू रोम म रोमन मसी हुन ख उनको होसला बड़ान को लाने लिखो गयो रहा।
मरकुस जेखा यूहन्ना मरकुस को नाम से भी जानो जाय हैं, चेला पोलुस अर बरनबास को लाने दोस हतो, लेकिन ओको मन ख ठेस लग्यो हतो जब उ अपनी सेवकाई 13:13को अनुसार ओको संग छोड़ दियो। बाद म मरकुस को संग फिर से मील गयो 15:37-39 मरकुस भी पतरस 5:13 को हिसाब से एक करीब ख दोस को रूप म पहिचानियो गयो रह हालाकी मरकुस यीसु को जीवन को एक आँखी से देखो वालो गवाह तो नी हतो ग्यान-वान हुन को माननो हैं कि मरकुस पतरस कि गवाही से बेजा कुच लिखो गयो हैं अर हैं कि सुसमाचार को लाने एक निसानी हैं। सुसमाचार म मरकुस आखरी को बखत म हैं अर यीसु को ग्यान (सिक्छा) से जुड़ो हैं।
रूप रेखा
1. मरकुस को किताब म परिचय। 1:1-13
2. यीसु गलील म लोग हुन की सेवा करा हैं। 1:14—9:50
3. गलील से यरूसलेम तक यीसु को यातरा को बारे म बतावा हैं। 10:1—12:44
4. यीसु को दुवारा भविस्य को बारे दियो खबर। 13:1-37
5. यीसु को मरनो अऊर जिन्दो होनू अऊर महान आदेस। 14:1—16:20
1
यूहन्ना पानी संस्कार देन वालो को परचार
(मत्ती 3:1-12; लूका 3:1-18; यूहन्ना 1:19-28)
1 परमेस्वर को पोरिया, प्रभु यीसु मसी को सुभ समाचार कि सुरूवात। 2 जसो यसायाह भविस्यवक्ता को सुसमाचार म लिखो हैं:
“देख, ‘मी मोरो दूत ख तोरा आगु भेजूगो,
जो तोरा लाने रस्ता सिधो करेगों।’
3 जंगल म एक हाका देन वालो की आवाज सुनाई देवा हैं, कि
प्रभु को राज म जान की रस्ता; सिधी करो, अर ओकी रोट ख सिधो बनाओ।”
4 एकोलाने यूहन्ना आयो, जे जंगल म बपतिस्मा देवा, अर पाप कि छमा को लाने मन फिराव को बपतिस्मा को प्रचार करत रहा। 5 पुरो यहूदिया प्रदेस ख, अर यरूसलेम सहर ख सब रहन वाला निकल ख यूहन्ना को कने गया अर अपना पाप हुन ख मान ख यरदन नद्दी म ओसे बपतिस्मा लियो।
6 यूहन्ना ऊँट को रुआ को कपड़ा पहिनो अर अपनी कम्मर म चमडा को पट्टा लपेटो हतो रह अर हरो वालो टिड्डी हुन अर जंगल म की मोऊरस खावत करत रह। 7 अर असो प्रचार *उपदेस करह हैं, “यूहन्ना न इंसान हुन से कय्हो मोरो बाद उ आवन वालो हैं, जे मोसे जादा सक्तिसाली हैं; मी यु लायक नी हाय कि झुक ख ओको जूता की बददी छोड सकू। 8 मी न तो तुम ख पानी से बपतिस्मा दियो हैं पर यीसु तुम ख सुध्द आत्मा से बपतिस्मा देहे।”
प्रभु यीसु को बपतिस्मा अर परीक्छा
(मत्ती 3:13—4:11; लूका 3:21,22—4:1-13)
9 वी दिन म प्रभु यीसु न गलील प्रदेस को नासरत नगर से आ ख यरदन नद्दी म यूहन्ना से बपतिस्मा लियो। 10 जसो ही यीसु पानी म से डुपकी लगा ख ऊपर निकलियो, ते तुरत ओ न आकास ख खुल्यो अर आत्मा ख कबूतर ख जसो अपनो ऊपर उतरते देख्यो। 11 अर असी आकास से आवाज सुनाई दी†आकासवानी, “तु मोरो सबसे अच्छो पोरिया आय, तोसे मी बेजा खुस हैं।”
12 परमेस्वर कि आत्मा न तुरत ओ ख जंगल कि तरफ भेज्यो। 13 जंगल म चालीस रोज तक सैतान न ओकी परीक्छा लियो; अर उ जंगल ख जानवर हुन ख संग रयो; अर स्वर्ग दूत ओकी सेवा करत रह।
प्रभु यीसु न चार ढ़िमर हुन ख बुलायो
(मत्ती 4:12-17; लूका 4:14-15)
14 यूहन्ना का पकड ख जेल खाना म ड़ाल दियो जानु को बाद प्रभु यीसु न गलील प्रदेस म आका परमेस्वर को राज को सुभ समाचार को प्रचार सुनायो, 15 अर कय्हो, “बखत पुरो भयो, अर परमेस्वर को राज्य नजीक आ गयो हैं; बुरा काम हुन से मन फिराव अर सुसमाचार पर भरोसा करो।”
ढ़िमर हुन ख बुलायो जानु
(मत्ती 4:18-22; लूका 5:1-11)
16 गलील कि झील को किनारा-किनारा जाती बखत, ओ न समोन अर ओको भई अन्द्रियास ख झील म जाल डालते देखो; काहेकि वी ढ़िमर हता। 17 प्रभु यीसु न ओसे कय्हो, “मोरा पिछु आव; मी तुम ख मच्छी पकडन की जगा म अदमी हुन ख परमेस्वर को राज म लावन वालो बनाऊँगो।” 18 वी तुरत जाल हुन ख छोड़ ख ओको पीछु चल्या गया।
19 थोडो आगे बढ़ ख, यीसु न जबदी को पोरिया याकूब, अर ओको भई यूहन्ना ख नाव पर जाल हुन ख सुधारते देख्यो। 20 ओ न तुरत उनका बुलायो; अर वी अपनो बाप जबदी ख मजदूर हुन को संग नाव म छोड़ ख, यीसु को पीछु जान लग गया।
यीसु न अदमी को भूत निकालयो
(लूका 4:31-37)
21 तब वी कफरनहूम नगर म आया, अर उ तुरत छुट्टी करन को दिन प्रार्थना घर म जाय ख सिक्छा देन लग गयो। 22 एकोलाने इंसान ओको बतानु से भय चक्का हो गया; काहेकि उ उनका सासतिरी हुन को जसो नी, पर अधिकारी को जसो सिक्छा देत रह।
23 उत्ती बखत, उनको प्रार्थना घर म एक अदमी आयो हतो, जेमा एक बुरी आत्मा समायो हतो रह। 24 ओ न चिल्लाया ख कय्हो, “अरे यीसु नासरी, हमका तोरो से का काम? का तू हमका नास करन आयो हैं? मी तोखा जानु हैं, तू कोन आय? परमेस्वर को सुध्द जन!”
25 प्रभु यीसु न ओखा डाँट ख कय्हो, “चुप रहो; अर ओमा से निकल जा।”
26 तब भूत कि बुरी आत्मा ओखा मरोड़त ख, अर बडी जोर से चिल्लाया ख ओमा से निकल गई।
27 ये पर सबरा जन हाईब कर ख एक दुसरो से बहस करन (वाद विवाद) लग गया, “या कसी बात हैं? यु तो कोई नयो सिखावा हैं! उ हक को संग बुरी आत्मा ख भी कहा हैं, अर वी ओकी बात ख माना हैं।” 28 अर ओको नाम को बारे म तुरत गलील को आजू-बाजू सीवाना पुरो सी नाम फैल गयो।
यीसु न ढ़ेर सारा बीमार हुन ख अच्छो करनो
(मत्ती 8:14-17; लूका 4:38-41)
29 जसो ही उ तुरत प्रार्थना घर‡आराधनालय म से निकल ख, याकूब अर यूहन्ना को संग समोन अर अन्द्रियास को घर ख आयो। 30 समोन की सास जुड़ म पड़ी हती, अर उन न तुरत ओको बारे म यीसु ख बतायो। 31 तब ओको जोने म जाका ओको हात पकड़ ख ओखा उठायो; अर ओको जुड़ उतर गयो, अर वा उनकी सेवा-चाकरी करन लग गई।
32 संझा कि घड़ी जब दिन डुब गयो ते अदमी सबरा बीमार हुन ख अर, उनका जिनमा भूत हुन (दुस्टात्मा) समाया हता रह यीसु को कने लाया। 33 अर पुरा नगर ख सबरा अदमी उ दुवार को सामे जुढ़ गया। 34 ओ न बेजा सारा ख जे हर एक तरीका की बिमारी से दुखी हता, अच्छो करयो, बेजा सारी दुस्टात्मा ख निकालो, अर भूत हुन ख बोलन नी दियो, काहेकि वी ओखा जानत रह।
आकेलो म प्रभु यीसु को प्रार्थना करनु
(लूका 4:42-44)
35 भुनसारो ख दिन नीकलनु से बेजा पहले, यीसु उठका निकलो, अर एक जंगल वाली जगह म गया अर बिनती करन लगो। 36 फिर समोन अर ओखा संग म रहन वाला यीसु ख ढु़ढ़न गया। 37 जब उ मिलो, ते यीसु से कय्हो, “सबरा झन तोखा ढु़ढ़ा हैं।”
38 यीसु न उनसे कय्हो, “आव अपुन अऊर कही आजू बाजू कि बसती म जाहे, कि मी ओमा भी प्रचार करू, काहेकि मी एको लाने निकल्यो हैं।”
39 ओको बाद यीसु पुरो गलील म उनको प्रार्थना घर हुन म जा-जा ख प्रचार करत रह अर दुस्टात्मा ख निकालते रहयो।
कोढ से बिमार ख अच्छो करनु
(मत्ती 8:1-4; लूका 5:12-16)
40 एक कोढ वालो इंसान ओको कने आयो, ओको सामे विनती करी, अर ओको सामे टोगरिया टेक ख ओसे कय्हो, “अदि तू चाहे ते मोखा सुध्द कर सका हैं।”
41 ओ न ओपर तरस खा का हात बढ़ायो, अर ओखा छीका कय्हो, “मी चाहूँ हैं तू सुध्द हो जा।” 42 अर तुरत ओको कोढ चल दियो, अर उ सुध्द हो गयो 43 फिर यीसु न ओखा जता ख ओखा तुरत बिदा करयो, 44 अर ओसे कय्हो, “देख, कोई से कुछ मत कहजो, पर जा ख अपनो तुम ख याजक ख बता, अपनो सुध्द होन को बारे म जो कुछ मूसा न ठहरायो हैं ओखा भेट चढ़ा कि उन पर भी गवाई होए।”
45 पर उ बाहर जा ख या बात का बेजा प्रचार करन लग गयो अर असो तक फैलान लग गयो कि यीसु फिर अकेलो सहर म नी जा पायो पर बाहर जंगल वाली जगा म रहयो अर चारी तरफ से अदमी ओको कने आवत रह।