यूहन्ना का प्रकाशितवाव्य
यूहन्ना को प्रकासितवाक्य
भूमिका
प्रकासितवाक्य कि किताब नयो नियम कि किताब हुन म से आखरी की किताब आय या यीसु मसी को जनम को करीब 95 साल बाद, यूहन्ना 1:1 को दुवारा लिखी गई हैं उनना यूहन्ना को दुवारा लिखियो वालो सुसमाचार अर 1 यूहन्ना 2 यूहन्ना अर 3 यूहन्ना कि तीन चिट्ठी हुन भी लिखी। यूहन्ना ख “जसो यीसु ख प्रेम हतो” ओको रूप म भी जानो पहिचानो जात रहा। यूहन्ना 13:23 ओ ना पतमुस टापू म प्रकासितवाक्य कि किताब लिखी काहेकि यीसु मसी प्रकासितवाक्य 1:9 कि खुसखबरी सुनान को लाने वहा भेजो गयो रहा।
प्रकासितवाक्य कि किताब लिखनो म यूहन्ना को मतलब हतो कि यीसु मसी ख जानन वाला इमानदारी रहेनो अऊर उनका आसा दिलान को लाने उत्साहित करनो हैं काहेकि की यीसु को फिर से आन को बखत जोने ही आन वालो हैं। 1:3; 22:7उनना आम तोर पर सभी मसी अनुयायी अर अध्याय 2—3 म सात खास कलेसिया हुन ख लिखो रहा। यूहन्ना न अपनो बखत ख लेखक हुन ख भविस्यवक्ता को रूप म उनको नाम फैलायो 1:3अऊर उनना जो चीज हुन ख देखी उनको बारे म लिखन को लाने पूरी किताब हुन म कई तरीका से बतान कि कोसीस करी हैं। किताब परानो नियम को कुछ भाग हुन को समान हैं खास कर ख जकर्याह 6:1-8 सात तुरई अऊर सात कटोरा भी वी मुसीबत को समान हैं जिनसे परमेस्वर न मिस्र ख दण्ड देन को लाने भेजियो रहा निर्गमन 7—9प्रकासितवाक्य, बखत को अंत को बारे म बात करा हैं, जोकी यीसु जीत हासिल करे, अऊर जो सब ओपर भरोसा करा हैं, उ हमेसा ओको संग म रहेगो। या किताब तुम सब ख चेतावनी देवा हैं अर तुमका आसा दिलावा हैं कि यीसु जल्दी ही आवन वालो हैं।
रूप रेखा:
1. यूहन्ना यू बोल ख सुरू करा हैं कि उ कोन आय ऊर ओखा या भविस्यवानी कसी मिली। 1:1-20
2. उ सिधो यीसु से सात कलेसिया। 1:1—3:22
3. फिर ओ ना सात मुहर हुन अऊर सात तुरई हुन को बारे म बतायो गयो हैं। 4:1—8:5; 8:6—11:19
4. ऐकोबाद यूहन्ना न सात सिर को संग सात इंसान पोरिया-पारी हुन को खिलाप अजगर को बारे म हैं। 12:1—14:20
5. तब उ घुस्सा का सात कटोरा को बारे म लिखा हैं। 15:1—16:18
6. आगे यूहन्ना बतावा हैं कि प्रभु परमेस्वर स्वर्ग म अपना बैरी हुन को खिलाप कसो जीत जीता हैं। 17:1—20:15
7. आखरी म उ नयो स्वर्ग अऊर नयी पृथ्वी कि रचना करा हैं जो आखरी म आन वालो हैं। 21:1—22:21
1
1 यू यीसु मसी को दर्सन आय, यू उनका परमेस्वर कि तरफ से मिल्यो जसो उ अपना चेला हुन ख आन वालो भविस्य म होन वाली घटना दिखाय। यीसु न अपनो स्वर्गदूत भेज ख यू दर्सन को ग्यान अपनो दास यूहन्ना ख बतायो, 2 यूहन्ना बतावा हैं कि ओ ना जो कई देख्यो हैं, उ परमेस्वर को वचन अर यीसु मसी कि गवाई हैं 3 भलो हैं उ इंसान जो या भविस्यवानी का पढ़ ख समझ रयो हैं, अर भला हैं वी जो ऐका वचन सुना हैं अर येमा लिखी बात हुन ख मनन करा हैं काहेकि उ बखत नजीक आ गयो हैं।
साती कलेसिया ख चितावनी
4 यूहन्ना कि तरफ से आसिया कि सात कलेसिया हुन का चेतावनी
ओकी तरफ से जो हैं अऊर जो थो अर जो आन वालो हैं; ओकी तरफ से अर वी सात आत्मा कि तरफ से जो ओको सिंहासन को जोने हमेसा रहवा हैं, 5 अऊर यीसु मसी कि तरफ से तुम सब इंसान हुन ओकी किरपा अर सान्ति मिलती रैय! जो भरोसा को काबिल अर गवाह अर मरीया वाला हुन म से जिन्दा होन वाला म पहिलऊठो अर दुनिया को राजा हुन को मुखिया आय,
उ हम से प्रेम करा हैं, अऊर ओ ना अपनो खून को दुवारा हमका पाप हुन से छुड़ायो हैं, 6 अर अपनो बाप परमेस्वर को लाने हम ख याजक हुन को राज्य बना भी दियो; ओकीच ही बड़ाई अर ओकी सक्ती हमेसा-हमेसा लक बनी रैय! आमीन!
7 देखनु, उइच बददल हुन म आन वालो हैं, सब झन उनका देखेगो जिन्ना ओखा भेदो वी भी ओखा देखेगो, अर दुनिया का पुरा गोत ओको कारन छाती पीटेगो। यू हकीगत हैं हाँ आमीन!
8 प्रभु परमेस्वर, जो हैं अऊर जो हतो अऊर जो आन वालो हैं, उइच सर्वसक्तिमान प्रभु, असो बोला हैं, “मीच ही पहिलो अऊर आखरी आय।”
यूहन्ना ख मसी को दर्सन
9 मी यूहन्ना, जो तुमरो भई आय अर यीसु को कलेस अर राज्य अर धीरज म तुमरो संग सामिल आय। परमेस्वर को वचन सुननो अर यीसु मसी की गवाई को कारन पतमुस नाम को टापू म हतो 10 मी प्रभु को दिन आत्मा म आ गयो, अर अपनो पिछु तुरई को जसो आवाज का बडी जोर से असो कहते सुनियो, 11 “जो कुछ तुम देख रया हैं ओखा किताब म लिख अर ओखा सात कलेसिया हुन का भेज दा, इफिसुस, स्मुरना पिरगमुन, थुआतीरा, सरदीस, फिलदिलफिया, अर लउदीकिया का।”
12 तब मी न ओखा, जो मोसे बोलत रह हतो, देखन को लाने अपनो मुंडो घुमायो; अऊर पिछु घुमका मी न सोना की सात दीवट देखी 13 अर दीवट को बीच म इंसान को पोरिया जसो एक अदमी ख देखो, जो पाय तक को कपड़ा पहिनायो हतो अर छाती पर सोना को पट्टा बाँधियो हतो रह। 14 ओकी मुंडी का बाल सफेद ऊन वरन पालो को समान उजरो हतो, अर ओकी आँखी आगी की लपेट को समान हती। 15 ओखा पाय उत्तम पितर को समान हता जो मानलेव भट्टी म तपायो गयो होय, अर ओकी आवाज समुंदर कि लहर को समान गरजत करत रहा। 16 उ अपनो जेवनो हात म सात तारा लेका खड़ो हतो, अर ओको मुड़ो से झरझराट दो धार वाली तलवार निकलत रहा। ओको मुड़ो असो चमकत रहा जसो सूरज भर दोपहर म चमका हैं 17 जब मी न ओखा देखो ते ओखा पाय हुन पा उभडो मुड़ो गीड़ पडीयो। ओ ना मो पर अपनो जेवनो हात धर ख कय्हो, “मत डरा मी पहलो अर आखरी मीइच आय।” 18 जीवन को सोता मीइच ही आय। मी मर गयो रह अर अब देख मी हमेसा-हमेसा जिन्दो हैं; अर माऊत अर अधोलोक कि चाबी मोरो ही जोने हैं। 19 एकोलाने तुमना जो कई देख्यो हैं अऊर जो अबा हैं अऊर जो बाद म होन वालो हैं उ सब लिख ला। 20 एकोमतलब वी साती तारा को भेद जिनखा तुना मोरो जेवनो हात म देखो हतो, अर वी सात सोना की दीवट को भेद: वी सात तारा साती कलेसिया हुन का दूत आय, अर वी सात दीवट सात कलेसिया हुन आय।