1 Pathen neh Khrih Jesuh hmaiah kang uen. A phoenah, a ram neh aka duek aka hing laitloek ham cai. 2 Ol te hoe pah. Na bihoep tamto akhaw pai thil laeh. Thinsennah thuituennah cungkuem neh toeltham lamtah, sim lamtah, hloep laeh. 3 Aka cuem thuituennah neh a yaknaem uh pawt vaengah ni a tue a pai eh. Tedae a hoehhamnah bangla amamih kah hnavue aka thak saya rhoek te a kuk uh ni. 4 Te phoeiah oltak lamkah a hna te a khong uh vetih cil taengla mael uh ni. 5 Tedae nang tah a cungkuem ah cue uh lamtah olthangthen bibi te patang doeah saii. Na bibi te khaw ming lah.

6 Ka phum uh coeng tih ka voeinah tue khaw ha pai coeng. 7 Aka then thingthuelnah te ka thingthuel coeng. Hma te ka khah coeng. Tangnah te ka kuem coeng. 8 Tahae lamkah kai ham duengnah rhuisam te a khueh coeng. Te te aka dueng laitloekkung boeipa loh tekah khohnin ah kai n'thuung ni. Te phoeiah kai bueng pawt tih a phoenah aka lungnah rhoek boeih te khaw a paek ni.

9 Kai taengah koe aka pawk la na haam mako. 10 Kol 4. 14; Phm 1. 24; 2Ko 8. 23; Gal 2. 3; Tit 1. 4.Demas loh kai n'phap tih ta kumhal kah he a lungnah. Te dongah Thessalonika la, Kresens te Galati la, Titu te Dalmatia la vik cet. 11 Kol 4. 14; Phm 1. 24; Cael 12. 12,25; 13. 13; 15. 37-39; Kol 4. 10; Phm 1. 24.Ka taengah Luka bueng ni aka om. Marku te lo lamtah namah neh ha puei uh. Kai ham tah bibi dongah congpang koila om. 12 Cael 20. 4; Eph 6. 21,22; Kol 4. 7,8.Tedae Tukhiko te Ephisa la ka tueih coeng. 13 Cael 20. 6.Na lo vaengah Troas kah Karpuh taengah himbai neh cayol olpuei la maehpho ka khueh te hang khuen. 14 1Ti 1. 20; Tgt 62. 12; Rom 2. 6.Rhohum aka bi Alexander loh kai soah thae muep a tueng sak. Boeipa loh anih te amah khoboe bangla a thuung bitni. 15 Mamih kah olka te bahoeng a kamkaih dongah nang khaw anih te ngaithuen. 16 Kai kah olthungnah lamhma vaengah kai taengla ha pawk uh pawh. Hlang boeih loh kai n'phap cakhaw amih te ngaiyaknah boel sih. 17 Tedae Boeipa loh kai m'pai puei tih kai n'thaphoh. Te daengah ni kai lamkah olhoe te a soep sak vetih namtom loh boeih a yaak eh. Te tlam ni sathueng ka lamloh n'hlawt. 18 Boeipa loh khoboe thae boeih lamkah kai n'hlawt vetih vaan kah amah ram khuila n'daem sak ni. Amah te kumhal ah kumhal duela thangpomnah om saeh. Amen.

19 Cael 18. 2; 2Ti 1. 16,17.Priska neh Aquila, Onesiphor imkhuikho te toidal ne. 20 Cael 19. 22; Rom 16. 23; Cael 20. 4; 21. 29.Erastu te Kawrin ah om tih Trophimu te a tloh dongah Miletu ah ka khueh. 21 Sikca hlanah pawk hamla na haam mako. Ubuluh, Puden, Linu, Kalaudia neh manuca rhoek boeih loh nang kutn'tuuk uh. 22 Boeipa loh na mueihla te om puei saeh. Lungvatnah tah nangmih taengah om saeh.