4
1 Eph 6. 9.Boei rhoek, sal rhoek taengah a dueng neh vanatnah te tueng sak. Nangmih khaw vaan ah Boeipa na khueh uh te ming uh.
Pathen neh Hlangtloe taengah Olcal
2 Thangthuinah te khuituk uh. Amah dongah uemonah neh hak uh. 3 Kaimih ham khaw pahoi thangthui uh. Te daengah ni Khrih kah olhuep thui ham te Pathen loh olthang kah thohka te kaimih ham a ong eh. 4 Te ham m'pinyen van coeng. Te daengah ni ka thui ham a kuek vanbangla ka phoe eh. 5 Eph 5. 16.A voel kah rhoek taengah cueihnah neh pongpa uh. A tue te tlan uh. 6 Nangmih kah olka tah lungvatnah neh om taitu saeh. Lungkaeh neh aka hlihlim tangtae loh pakhat rhip taengah metla na doo uh hamla a kuek khaw a ming.
Khrihca Rhoek kah Toidalnah
7 Cael 20. 4; 2Ti 4. 12.Eph 6. 21,22.Kai kawng te thintlo ka manuca neh Boeipa ah uepom tueihyoeih neh sal puei Tukhiko loh nangmih taengah boeih a phoe bitni. 8 Te ham rhoe ni anih te nangmih taengah kan tueih. Te daengah ni Kaimih kawng te na ming uh vetih nangmih thinko te a hloep eh. 9 Phm 1. 10-12.Thintlo uepom manuca Onisema neh kan tueih bitni. Anih khaw nangmih khuiah ni a om. Hekah rhoek he nangmih taengah te boeih a phoe bitni. 10 Cael 19. 29; 27. 2; Phm 1. 24; Cael 12. 12,25; 13. 13; 15. 37-39.Kai kah thongtla puei Aristarkhu neh Barnabas kah a ca Marku loh nangmih te kut n'tuuk. Anih ham oluen te na dang uh coeng. Nangmih taengla anih ha pawk a tah doe uh. 11 Justu la a khue Jesuh long khaw nangmih kut n'tuuk. Yahvinrhetnah khuiah amih rhoek bueng ni Pathen kah ram ah bibipuei la aka om uh. Amih ni kai ham rhaemhalnah la aka om coeng. 12 Kol 1. 7; Phm 1. 23.Nangmih khuikah Epaphras, Khrih Jesuh kah sal loh nangmih kut n'tuuk. Thangthuinah dongah nangmih ham thingthuel taitu coeng. Te daengah ni lungcuei la na pai uh vetih a cungkuem ah Pathen kah kongaih te na ming uh eh. 13 Nangmih ham khaw, Laodicea neh Hierapolis ham khaw tloh mat a yook tila anih ham ka laipai. 14 2Ti 4. 11; Phm 1. 24; 2Ti 4. 10; Phm 1. 24.Ka thintlo siboei Luka neh Demas loh nangmih te kut n'tuuk. 15 Laodicea kah manuca rhoek long khaw Nympha neh a im kah hlangboel te han toidal uh. 16 Te phoeiah nangmih taengkah capat na tae uh takuem vaengah Laodicea kah hlangboel long khaw tae sak uh lamtah Laodicea kah capat te nangmih khaw tae uh. 17 Phm 1. 2.Akrippas ham khaw thui pauh. Boeipa ah na dang bibi te coeng sak ham ngaithuen. 18 Toidalnah he kamah Paul kah kut rhep ni. Kai kah hloong te poek uh. Lungvatnah tah nangmih taengah om saeh.