5
Tlang kah Thuituennah
1 A hmuh neh hlangping taengah tlang la luei tih a ngol vaengah anih te a hnukbang rhoek loh a paan uh. 2 Te vaengah a ka a ong tih amih a thuituen.
Omngaih Hlang Rhoek
(Mrk 3.7-12; Luk 6.17-19)
3 Mueihla khodaeng rhoek tah a yoethen uh, vaan ram te amih kah la om. 4 Isa 61. 2.Aka nguek rhoek tah a yoethen uh, amih te a hloep uh ni. 5 Tgt 37. 11.Muelhtuet rhoek tah a yoethen uh, amih long ni diklai a pang eh. 6 Isa 55. 1,2.Duengnah te aka hal tih aka pong rhoek tah a yoethen uh, amih tah hah uh ni. 7 Hlang aka rhen rhoek tah a yoethen uh, amih te a rhen uh ni. 8 Tgt 24. 3,4.thinko aka caih rhoek tah a yoethen uh, amih long ni Pathen te a hmuh eh. 9 Rhoepnah la aka om rhoek tah a yoethen uh, amih ni Pathen kah ca rhoek la a khue uh eh. 10 1Pe 3. 14.Duengnah kongah a hnaemtaek rhoek tah a yoethen uh, vaan ram te amih kah ni. 11 1Pe 4. 14.Kai kongah nangmih te thuithet tih, hnaemtaek tih laithaethui rhoek loh nangmih soah a thae la boeih n' thui uh vaengah na yoethenuh. 12 2Kh 36. 16; Cael 7. 52.“Omngaih uh lamtah hlampan uh. Vaan ah nangmih kah thapang muep om. Nangmih hlankah tonghma rhoek khaw a hnaemtaek uh rhoe.
Lungkaeh Hmaivang
(Mrk 9:49–50; Luk 14:34–35; Php 2:12–18)
13 Mrk 9. 50; Luk 14. 34,35.Nangmih tah diklai lungkaeh la na om uh. Tedae lungkaeh he a dap atah, ba nen lae a al sak eh? Phawn a voeih tih hlang loh a taelh pawt atah coeng voel pawh. 14 Jhn 8. 12; 9. 5.Nangmih tah Diklai vangnah la na om uh. Tlang soah a thoong khopuei tah khuup thai tlaih pawh. 15 Mrk 4. 21; Luk 8. 16; 11. 33.Hmaiim te a tok uh tih voh hmuiah a khueh uh moenih. Hmaitung soah ni a khueh tih im khuikah rhoek te boeih a tue. 16 1Pe 2. 12.Nangmih kah vangnah khaw hlang hmaiah sae tangloeng saeh. Te daengah ni nangmih kah khoboe then te a hmuh uh vetih, vaan kah na pa te a thangpom uh eh.
Olkhueng A Soep sak
(Luk 12:57–59)
17 Olkhueng neh tonghma rhoek ol he phae hamla ka lo tila poek uh boeh, phae ham pawt tih soep sak ham ni ka lo. 18 Luk 16. 17.Nangmih taengah rhep kan thui, diklai neh vaan a khum hlan khuiah, olkhueng te boeih a soep hlan khuiah, catham khat neh a dek khat pataeng hmata mahpawh. 19 Te dongah he rhoek kah olpaek rhoek a diknoi khat ca khaw a phae tangkhuet tih hlang aka thuituen te tah vaan ram ah a dikhnawn la a khue ni. Tedae olpaek bangla a saii tih aka thuituen te tah vaan ram ah tanglue la a khue ni. 20 Nangmih taengah kan thui, cadaek rhoek neh Pharisee rhoek kah a voel ah duengnah loh nangmih te m'pueh pawt atah, vaan ram ah na kun kolla na om uh mahpawt nim.
Lungbuei lamloh Ngawnnah
(Luk 12:57–59)
21 Sng 20. 13; Olr 5. 17.Khosuen kah a thui te na yaak uh coeng. Hlang ngawn boeh, aka ngawn te tah laitloeknah om kuekluek saeh. 22 Tedae nangmih taengah kan thui, a manuca taengah kosi aka hong boeih tah laitloeknah om kuekluek saeh, a manuca te hlangyoe aka ti nah te khaw khoboei taengla pha kuekluek saeh. Hlang ang la aka thui te khaw hell hmai la pha kuekluek saeh. 23 Te dongah hmueihtuk la na kutdoe na khuen vaengah, na manuca loh nang soah khat khat ngaihlih a om te na poek atah, 24 Na kutdoe te hmueihtuk hmai ah pak hlah. Na manuca taengah cet lamhma lamtah moeithen dae, te phoeiah cet lamtah na kutdoe te pae. 25 Longpueng ah amah neh na om li vaengah a loe la na kocaelh te ko a hlawt ham saii laeh. Namah te kocaelh loh laitloekkung taengla n'thak ve. Te vaengah laitloekkung loh tueihyoeih taengla n'thak vetih thongim la n'hla ve. 26 Nangmih taengah rhep kan thui, a hnukkhueng pekhat hil na thuung hlan atah te lamkah na loeih mahpawh.
Lungbuei ah Samphaih nah
(Tho 18:1–30)
27 Sng 20. 14; Olr 5. 18.Samphaih boeh a ti te na yaak uh coeng. 28 Tedae nangmih taengah ka thui. Huta te a hue neh aka dan boeih tah, a thinko ah a samphaih puei oepsoeh coeng. 29 Mat 18. 9; Mrk 9. 47.Na bantang mik loh nang n' khah atah te te koeih lamtah namah lamloh voei. Na pumrho dongkah pakhat a poci akhaw na pum boeih hell la a voeih pawt te nang hamla rhoei bet. 30 Mat 18. 8; Mrk 9. 43.Na bantang kut loh nang n' khah atah te te tloek lamtah namah lamloh voei. Na pumrho dongkah pakhat a poci te nang hamla then ngai. Te daengah ni na pum boeih tah hell la a caeh pawt eh.
Yuu Hlaknah Kawng
(Olr 24:1–5; Luk 16:18)
31 Olr 24. 1-4; Mat 19. 7; Mrk 10. 4.“A yuu aka hla loh yuhlaknah te a yuu taengah pae saeh,” a ti. 32 Mat 19. 9; Mrk 10. 11,12; Luk 16. 18; 1Ko 7. 10,11.Tedae nangmih taengah kan thui coeng. Cukhalnah olka voel ah a yuu aka hla boeih loh a yuu te samphaih sak ham a saii. Te dongah a hlak tangtae aka yunah te khaw samphaih van.
Oltak te Thui
33 Tho 19. 12; Lmp 30. 2; Olr 23. 21.Khosuen kah a thui te koep na yaak coeng, basa boeh saw. Tedae na olhlo te boeipa taengah na thuung ni. 34 Jas 5. 12; Isa 66. 1; Mat 23. 22.Tedae nangmih taengah toemngam loengloeng boeh ka ti. Vaan nen khaw toemngam boeh. Te tah Pathen kah ngolkhoel ni. 35 Isa 66. 1; Tgt 48. 2.Diklai nen khaw toemngam boeh. Te tah amah kah kho kah khotloeng ni. Jerusalem nen khaw toemngam boeh, te tah manghai boei kah khopuei ni. 36 Na lu nen khaw toemngam boeh. Sam pakhat pataeng a bok neh a muem la na saii thai moenih. 37 Te dongah nangmih ol te ue atah ue, pawh atah pawh la om saeh. Tedae he rhoek kah a pueh tah a thae hno lamkah aka thoeng hno ni.
Meng Nit Khaw Caeh Puei
(Tho 24:17–23; Luk 6:27–36)
38 Sng 21. 24; Tho 24. 20; Olr 19. 21. “Mik ham te mik, no ham te no,” a ti te na yaak uh coeng. 39 Nangmih taengah kan thui, a thae te kamkaih boeh, tedae bantang kah na kamrhuh aka bael te pakhat ben khaw a taengla hooi pah. 40 Nang toe ham neh na angki loh aka ngaih te himbai khaw hlah pah thil. 41 Nang meng khat aka tanolh te, amah te meng nit khaw caeh puei. 42 Nang taengah aka bih te pae. Nang taengah puu hamla aka ngaih te khaw bal sak boeh.
Na Rhal Lungnah
43 “Na imben te lungnah, na rhal te thiinah,” a ti te na yaak uh coeng. 44 Tedae kai loh nangmih taengah kan thui, na rhal rhoek te lungnah lamtah, nangmih aka hnaemtaek rhoek ham thangthui pauh. 45 Te daengah ni vaan ah na Pa kah a ca rhoek la na om uh eh. Amah kah khomik te a thae neh a then boeih soah a thoeng sak tih, aka dueng khaw, halang khaw rhotui neh a sul thil. 46 Nangmih aka lungnah te na lungnah uh atah balae thapang na dang eh? Mangmucoi rhoek long pataeng te te a saii uh van moenih a? 47 Na manuca bueng na toidal uh koinih balae a pueh na saii uh tloe, namtom rhoek long khaw te te a saii uh moenih a? 48 Tho 19. 2; Olr 18. 13.Te dongah vaan kah na Pa loh lungcuei la a om bangla nangmih khaw lungcuei la om uh.
5. 4 Isa 61. 2.
5. 5 Tgt 37. 11.
5. 6 Isa 55. 1,2.
5. 8 Tgt 24. 3,4.
5. 10 1Pe 3. 14.
5. 11 1Pe 4. 14.
5. 12 2Kh 36. 16; Cael 7. 52.
5. 13 Mrk 9. 50; Luk 14. 34,35.
5. 14 Jhn 8. 12; 9. 5.
5. 15 Mrk 4. 21; Luk 8. 16; 11. 33.
5. 16 1Pe 2. 12.
5. 18 Luk 16. 17.
5. 21 Sng 20. 13; Olr 5. 17.
5. 27 Sng 20. 14; Olr 5. 18.
5. 29 Mat 18. 9; Mrk 9. 47.
5. 30 Mat 18. 8; Mrk 9. 43.
5. 31 Olr 24. 1-4; Mat 19. 7; Mrk 10. 4.
5. 32 Mat 19. 9; Mrk 10. 11,12; Luk 16. 18; 1Ko 7. 10,11.
5. 33 Tho 19. 12; Lmp 30. 2; Olr 23. 21.
5. 34 Jas 5. 12; Isa 66. 1; Mat 23. 22.
5. 35 Isa 66. 1; Tgt 48. 2.
5. 38 Sng 21. 24; Tho 24. 20; Olr 19. 21.
5. 48 Tho 19. 2; Olr 18. 13.