78
Israel Hnuksul
Asaph kah Hlohlai
1 Ka pilnam aw ka olkhueng he hnatun uh lah. Ka ka lamkah olthui dongah na hna hooi uh lah.
2 Mat 13. 35.Hlamat lamkah olkael te ka ka dongkah neh ka ong vetih ka thaa dae ni.
3 Tekah te n'yaak uh tih m'ming uh vanbangl a a pa rhoek loh mamih taengah han thui uh.
4 BOEIPA koehnah, a tlungalnah neh khobaerhambae a saii te, aka thui rhoek loh a ca rhoek lamkah hmailong cadilcahma taengah khaw phah uh boel sih.
5 Jakob ham laipainah a khueng tih Israel dongah olkhueng la a ling te ni a ca rhoek taengah patoeng ming sak ham a pa rhoek a uen.
6 Te daengah ni caldilcahma loh a ming uh eh. Hmailong ah a cun camoe rhoek long khaw a thoh uh puei vetih a ca rhoek taengah a tae pa eh.
7 Te vaengah a uepnah khaw Pathen pum ah a khueh uh vetih Pathen kah khoboe te hnilh uh mah pawh. A olpaek khaw a kueinah uh.
8 A napa rhoek bangla thinthah neh hlang koek cadil, a lungbuei aka cikngae pawt tih a mueihla loh Pathen aka tangnah mueh cadil la om uh pawt sue.
9 Liv a aka muk tih aka kaap Ephraim ca rhoek khaw caemrhal tue vaengah a hnuk la bung uh.
10 Pathen kah paipi te ngaithuen uh pawt tih a olkhueng neh pongpa ham khaw a aal uh.
11 Te dongah amah kah bibi neh khobaerhambae amih a tueng te a hnilh uh.
12 Sng 7. 8—12. 32.Egypt kho Zoan hmuen kah a napa rhoek mikhmuh ah khobaerhambae a saii pah.
13 Sng 14. 21,22.Tuitunli te a phih pah tih amih a kat puei vaengah tui khaw som bangla pai.
14 Sng 13. 21,22. Te phoeiah amih te khothaih ah cingmai neh khoyin puet te hmai vang neh a mawt.
15 Khosoek ah lungpang rhoek te a hep pah tih tuidung bangla muep a tul.
16 Sng 17. 1-7; Lmp 20. 2-13.Thaelpang khuikah tuicip a thoeng sak tih tuiva tui bangla a hlawn.
17 Tedae rhamrhae ah Khohni te a koek uh tih a taengah tholh ham koep a koei uh.
18 Sng 16. 2-15; Lmp 11. 4-23,31-35.Amih kah hinglu dongah caak a hoe uh te khaw a thinko neh Pathen ni a noemcai uh.
19 Pathen taengah khaw, “Khosoek khuiah caboei phaih ham Pathen te coeng thai aya?
20 Lungpang a boh tih tui a phuet vaengah soklong la long coeng ke. A pilnam ham buh khaw a paek thai vetih maeh a tael pah venim?,” a ti uh tih a thui uh.
21 BOEIPA loh a yaak vaengah a paan tih Jakob te hmai neh a kolh. Israel taengah khaw thintoek a khuen bal.
22 Pathen te tangnah uh pawt tih Boeipa kah khangnah dongah a pangtung uh pawt dongah ni.
23 Tedae a sokah khomong te a uen tih vaan thohkhaih rhoi te a ong.
24 Jhn 6. 31. Te dongah amih kah a cak ham manna a tlan sak tih amih te vaan cangpai a paek.
25 Hlang loh rhaelnu buh a caak tih lampu khaw amih ham kodam la a thak pah.
26 Vaan lamkah kanghawn a hlah tih a sarhi neh tuithim yilh khaw a thawn.
27 Te dongah maeh loh laipi bangla, vaa mul long khaw tuitunli kah laivin bangla amih soah tlan tih,
28 a dap kaepvai kah a lambong lakli ah a hlak pah.
29 Te dongah a caak uh tih muep cung uh. Amih kah ngaihlihnah vanbangla amih te a paek.
30 A ka dongah caak a paem uh pueng akhaw amamih kah hoehhamnah te kholong uh tak pawh.
31 Te dongah Pathen thintoek amih taengla pai. Te vaengah amih khuikah thaomthathueng rhoek te a ngawn tih Israel cadongcaloe rhoek te a tulh.
32 Te boeih khui lamkah tholh uh bal pueng tih Boeipa kah khobaerhambae te tangnah uh pawh.
33 Te dongah amih kah khohnin loh a honghi la, a kum khaw lungmitnah neh thok.
34 Amih te a ngawn van daengah ni Boeipa te a tlap uh. Mael uh tih Pathen a toem uh.
35 Te daengah amih kah lungpang Pathen neh amih aka tlan Khohni Pathen te a ngaidam uh.
36 Tedae amah te a ka neh a hloih uh tih a lai neh a taengah laithae uh.
37 Cael 8. 21.Amih kah lungbuei te khaw Boeipa taengah hong pawt tih a paipi te tangnah uh pawh.
38 A thinphoei lothaesainah khaw a dawth tih amih te phae pawh. Te dongah a thintoek khaw puet a hnop tih a kosi khaw boeih sah pawh.
39 Amih te pumsa lah om tih yilh loh a khum phoeiah ha mael pawt te khaw a poek.
40 Khosoek ah Boeipa mat a koek uh vanbangla khopong ah Boeipa te a noih uh.
41 Te dongah Pathen te koekthoek a noemcai uh tih Israel kah hlang Cim te a phen uh.
42 Rhal khui lamkah Boeipa kut loh amih a lat khohnin te poek uh pawh.
43 Amah kah miknoek te Egypt ah, kopoekrhai hno khaw Zoan hmuen ah a tueng sak.
44 Sng 7. 17-21.A sokko khaw thii la a poeh sak tih tuicip kangna khaw o uh thai pawh.
45 Sng 8. 20-24; Sng 8. 1-6.Amih aka yok ham pil neh amih aka phae ham bukak khaw a hlah pah.
46 Sng 10. 12-15.A cangthaih te phol taengla, a thaphu khaw kaisih taengla a paek pah.
47 Sng 9. 22-25.Amih kah misur te rhael neh, a thaihae khaw tlansing neh a ngawn pah.
48 A rhamsa te rhael taengla, a boiva khaw rhaekhmai taengla a uup pah.
49 A thintoek thinsa kah a thinpom khaw, yoethae puencawn rhoi at kah kosi neh citcai te khaw amih taengah a sah.
50 A thintoek ham a hawn a saelh coeng. Amih kah hinglu te dueknah lamkah khaw hnaih pawh. Te dongah a hingnah te duektahaw taengla a paek pah.
51 Sng 12. 29.Egypt kah caming boeih neh Ham dap kah thahuem tanglue te a ngawn pah.
52 Sng 13. 17-22.Tedae a pilnam te boiva bangla a khuen tih khosoek khuiah tuping bangla a hmaithawn.
53 Sng 14. 26-28.Amih te ngaikhuek la a mawt tih rhih uh pawt dae a thunkha rhoek te tuitunli loh a khuk.
54 Sng 15. 17; Jos 3. 14-17. Te dongah amah kah bantang kut neh a men tlang cim khorhi la amih te a khuen.
55 Jos 11. 16-23.Namtom rhoek te amih hmai lamkah a haek pah tih rho la rhilong te a suem pah. Te dongah Israel koca loh amih kah dap ah kho a sakuh.
56 Ltk 2. 11-15.Tedae Khohni Pathen te a noemcai uh tih a koek uh, a olphong khaw khoem uh pawh.
57 A napa rhoek bangla balkhong uh tih hnukpoh uh. Lii a pawl la poeh uh.
58 A hmuensang neh Boeipa a veet uh tih a mueidaep neh a thatlai sakuh.
59 Pathen loh a yaak vaengah lungoe tih Israel te rhep a hnawt.
60 Jos 18. 1; Jer 7. 12-14; 26. 6. Te dongah Shiloh pohmuen neh hlang lakli kah a khueh dap te a phap sut.
61 1Sa 4. 4-22.A sarhi te tamna la, a thangpomnah khaw rhal kut khuila a paek pah.
62 A pilnam te cunghang taengla a tloeng tih a rho taengah khaw lungoe.
63 Tongpang rhoek te hmai loh a hlawp dongah oila rhoek thangthen uh pawh.
64 A khosoih rhoek te cunghang dongah cungku uh tih a nuhmai rhoek khaw rhap uh pawh.
65 Te vaengah Boeipa loh aka ip muelh bangla, misurtui neh aka tamhoe hlangrhalh bangla haenghang.
66 A rhal rhoek te tloep a tloek tih amih te kumhal kokhahnah la a khueh.
67 Joseph kah dap khaw a hnawt tih Ephraim kah mancai te a tuek tloe moenih.
68 Tedae a lungnah Zion tlang kah Judah mancai te a tuek.
69 Te dongah a rhokso te a sang la a sak tih kumhal due diklai bangla a suen.
70 1Sa 16. 11,12; 2Sa 7. 8; 1Kh 17. 7.A sal David te a tuek dongah boiva vongup lamkah a loh.
71 A pilnam Jakob neh a rho Israel te luem puei ham ni anih te cacun hnuk lamkah a khuen.
72 Te dongah a thinko neh amih te a luem puei tih, a kut kah a lungcuei neh a mawt.
78. 2 Mat 13. 35.
78. 12 Sng 7. 8—12. 32.
78. 13 Sng 14. 21,22.
78. 14 Sng 13. 21,22.
78. 16 Sng 17. 1-7; Lmp 20. 2-13.
78. 18 Sng 16. 2-15; Lmp 11. 4-23,31-35.
78. 24 Jhn 6. 31.
78. 37 Cael 8. 21.
78. 44 Sng 7. 17-21.
78. 45 Sng 8. 20-24; Sng 8. 1-6.
78. 46 Sng 10. 12-15.
78. 47 Sng 9. 22-25.
78. 51 Sng 12. 29.
78. 52 Sng 13. 17-22.
78. 53 Sng 14. 26-28.
78. 54 Sng 15. 17; Jos 3. 14-17.
78. 55 Jos 11. 16-23.
78. 56 Ltk 2. 11-15.
78. 60 Jos 18. 1; Jer 7. 12-14; 26. 6.
78. 61 1Sa 4. 4-22.
78. 70 1Sa 16. 11,12; 2Sa 7. 8; 1Kh 17. 7.