105
Pilnam taengah Pathen kah Sitlohnah
1 BOEIPA te uem uh lah. A ming te khue uh lah. A khoboe te pilnam rhoek taengah tukkil uh lah.
2 Amah te hlai uh lah. Amah te tingtoeng uh lamtah amah kah khobaerhambae boeih te lolmang taeng uh lah.
3 A ming cim neh thangthen uh lamtah, BOEIPA aka tlap rhoek kah a lungbuei tah a kohoe saeh.
4 BOEIPA neh amah kah a sarhi te tlap lah. A maelhmai khaw tlap taitu lah.
5 A kopoekrhainah a saii neh a ka dongkah laitloeknah bangla anih khobaerhambae khaw,
6 A sal Abraham tiingan neh a coelh Jakob koca rhoek loh thoelh uh lah.
7 BOEIPA amah ni mamih kah Pathen coeng. A laitloeknah khaw diklai pum ah om.
8 A paipi tekumhal duela a thoelh dongah cadilcahma thawngkhat ham olka a uen.
9 Suen 12. 7; 17. 8; Suen 26. 3. Abraham neh Isaak taengah a saii a olhlo te,
10 Suen 28. 13. Jakob taengah oltlueh la, Israel taengah kumhal paipi la a sut pah.
11 Te dongah, “Kanaan kho rhi te na rho la nang taengah kam paek ni,” na ti nah.
12 A hlang kah hlangmi te a sii la om pueng tih, a khuiah bakuep uh.
13 Te vaengah namtom taeng lamkah namtom taengla, ram pakhat lamkah pilnam pakhat taengla poengdoe uh.
14 Suen 20. 3-7. Amih aka hnaemtaek ham hlang khueh pah pawt tih amih kongah manghai rhoek khaw a tluung pah.
15 Ka koelh soah ben boel lamtah ka tonghma rhoek te thaehuet thil boeh,” a ti nah.
16 Suen 41. 53-57. Khokha a khue vaengah kho khuiah conghol neh caak boeih te a phae pah.
17 Suen 37. 28; 45. 5. Amih hmai kah a tueih hlang, Joseph te sal bangla a yoih.
18 Suen 39. 20—40. 23. A kho te hlong neh a phaep pah uh a hinglu ah thicung loh a toeh.
19 A olthui a thoeng tue a pha due BOEIPA kah olthui loh ol loh anih te a cil a poe.
20 Suen 41. 14. Manghai loh a tah dongah pilnam aka taem loh anih a doek tih a hlah.
21 Suen 41. 39-41. Amah im kah boei neh a hnopai boeih aka taemrhai hamla,
22 A hinglu bangla a mangpa rhoek te khoh tih a hamca rhoek te cueih sak ham te a khueh.
23 Suen 46. 6; Suen 47. 11. Te vaengah Israel loh Egypt la kun tih Jakob loh Ham kho ah bakuep.
24 Sung 1. 7-14. Tedae a pilnam te muep a pungtai sak tih a rhal rhoek lakah a yet sak.
25 BOEIPA loh a sal rhoek te rhaithi sak tih, a pilnam aka hmuhuet ham Egypt rhoek kah lungbuei te a maelh pah.
26 Sung 3. 1—4. 17. A sal Moses neh anih ham a coelh Aron te a tueih.
27 Amih rhoi loh Egypt rhoek taengah Boeipa kah miknoek olka a tueng sak rhoi tih, Ham kho ah khaw kopoekrhai hno te a tueng sak rhoi.
28 Sung 10. 21-23. Khohmuep a tueih tih a hmuep sak dongah Boeipa kah olthui olka te koek uh thai pawh.
29 Sung 7. 17-21. A tui te thii la a poeh sak tih a nga khaw a duek sak.
30 Sung 7. 25—8. 2. A kho kah bukak rhoek te a manghai rhoek kah imkhui la a khae sak.
31 Sung 8. 16-20; Sung 8. 12,13. Amah loh a uen tih a khorhi tom ah pil neh pilhlip uihli tlung.
32 Sung 9. 22-25. Khonal te rhael la a poeh sak tih a kho ah hmaisai hmai la coeng.
33 A misur neh a thaibu te khaw a haih pah tih a khorhi kah thing te a khaem pah.
34 Sung 10. 12-15. A uen bal tih kaisih neh lungang te tae na pawt la halo.
35 Te vaengah a kho kah baelhing boeih a caak tih a khohmuen kah a thaihtae khaw a caak pah.
36 Sung 12. 29. A kho khuikah caming boeih neh a thahuem boeih khuikah a thaihcuek te a ngawn pah.
37 Sung 12. 33-36. Te vaengah amih te cak neh, sui neh ham pawk puei dongah amah koca rhoek khuikah tah paloe pawh.
38 Amih Egypt rhoek te birhihnah loh a vuei tih amih rhoek a nong vaengah a kohoe uh.
39 Sung 13. 21,22. Himbaiyan bangla cingmai a yaal pah tih khoyin ah hmai a vang pah.
40 Sung 16. 2-15. A bih vaengah tanghuem a khuen pah tih vaan kah buh te amih a kum sak.
41 Sung 17. 1-7; Lam 20. 2-13. Lungpang a ong vaengah tui ha phuet tih rhamrhae ah tuiva la a long sak te,
42 a sal Abraham taengkah a olkhueh cim te a poek dongah ni.
43 A pilnam khaw omngaihnah tamlung a coelh neh a khuen.
44 Josh 11. 16-23. Te vaengah namtu rhoek kah a thakthaenah namtom khohmuen te a paek tih a pang uh te,
45 a oltlueh ngaithuen sak ham neh a olkhueng te kueinah sak ham ni. BOEIPA te thangthen lah.
105. 9 Suen 12. 7; 17. 8; Suen 26. 3.
105. 10 Suen 28. 13.
105. 14 Suen 20. 3-7.
105. 16 Suen 41. 53-57.
105. 17 Suen 37. 28; 45. 5.
105. 18 Suen 39. 20—40. 23.
105. 20 Suen 41. 14.
105. 21 Suen 41. 39-41.
105. 23 Suen 46. 6; Suen 47. 11.
105. 24 Sung 1. 7-14.
105. 26 Sung 3. 1—4. 17.
105. 28 Sung 10. 21-23.
105. 29 Sung 7. 17-21.
105. 30 Sung 7. 25—8. 2.
105. 31 Sung 8. 16-20; Sung 8. 12,13.
105. 32 Sung 9. 22-25.
105. 34 Sung 10. 12-15.
105. 36 Sung 12. 29.
105. 37 Sung 12. 33-36.
105. 39 Sung 13. 21,22.
105. 40 Sung 16. 2-15.
105. 41 Sung 17. 1-7; Lam 20. 2-13.
105. 44 Josh 11. 16-23.