1 Sng 13. 21,22; Sng 14. 22-29.Manuca rhoek aw, a pa rhoek tah khomai hmuiah boeih om uh tih tuili dongah boeih a kat uh te na mangvawt uh ham ka ngaih moenih. 2 Te vaengah Moses taengla khomai neh tuili dongah boeih nuem uh. 3 Sng 16. 35.Hlang boeih loh mueihla buh te amah la a caak uh. 4 Sng 17. 6; Lmp 20. 11.A cungkuem loh mueihla tui te amah la a ok uh. Amih aka hmaithawn mueihla lungpang lamkah te a ok uh. Te dongah Khrih tah lungpang la om. 5 Lmp 14. 29,30.Tedae Pathen tah a yet ngai taengah a lungtlun pawt tih khosoek ah mitmoeng uh. 6 Lmp 11. 4.Te rhoek te mamih ham mueimae la ana thoeng coeng. Te daengah ni amih loh a nai bangla mamih taengah boethae huengaihnah te a om pawt eh. 7 Sng 32. 6.Amih taengkah hlangvang, mueibawk rhoek bangla om uh boeh. A daek vanbangla pilnam tah caak ham neh ok hamla ngol tih malawk hamla pai. 8 Lmp 25. 1-18.Amih khuikah hlangvang loh a cukhalh uh bangla cukhalh uh boel sih. Te dongah ni hlang thawngkul thawng thum loh khohnin pakhat ah ana cungku uh. 9 Lmp 21. 5,6.Amih khuikah a ngen loh a noemcai uh bangla Khrih te noemcai uh boel sih. Te dongah ni rhul loh a poci sakuh. 10 Lmp 16. 41-49.Amih khuikah hlangvang loh a kohuet uh bangla kohuet uh boeh. Te dongah ni aka phaekung lamloh a poci uh. 11 Te tah amih taengah mueimae la ana thoeng coeng. Tedae kumhal kah a bawtnah loh amih taengla a pha te mamih rhalrhingnah ham a daek coeng. 12 Te dongah a pai hamla aka poek long tah a bung pawt ham ngaithuen saeh. 13 Nangmih te hlanghing pawt koinih cuekhalhnah loh n'kae mahpawh. Tedae uepom Pathen amah loh na noeng uh kah a voelah noemcai ham n'hlah mahpawh. Tedae noemcainah te ueh thai ham caehlong khaw a saii bitni.

14 Te dongah ka thintlo rhoek mueibawknah lamloh rhaelrham uh laeh. 15 Hlang cueih rhoek bangla ka thui. Nangmih loh oltloek ham te ka thui. 16 Mat 26. 26-28; Mrk 14. 22-24; Luk 22. 19,20.yoethennah boengloeng te tah n'uem uh coeng. Te te Khrih thii bulbonah la a om moenih a? Vaidam n'aeh uh te Khrih pum te bulbonah la a om moenih a? 17 Vaidam tah pakhat, pum pakhat la tun n'om uh. Hlang boeih loh vaidam pakhat te ni n'cabol uh. 18 Tho 7. 6.Pumsa ah Israel te dan uh lah. Te rhoek tah hmueih aka ca neh hmueihtuk kah a pueipo la a om uh moenih a? 19 Te dongah ka thui coeng te ta. Khat khat tah mueirhol buh la om tih khat khat tah mueirhol la om ta. 20 Olr 32. 17.Tedae te te rhaithae ham a ngawn tih Pathen taengah a nawn uh moenih. Te dongah rhaithae kah pueipo la na om uh ka ngaih moenih. 21 Boeipa kah boengloeng neh rhaithae kah boengloeng hmaih na ok uh thai moenih. Boeipa kah caboei neh rhaithae kah caboei te na cabol thai moenih. 22 Olr 32. 21.Boeipa n'thatlai sak te khaw amah lakah thaom la n'om pawt nim?

23 1Ko 6. 12.A cungkuem loh thuem cakhaw a cungkuem khaw a rhoei moenih. A cungkuem loh thuem cakhaw a cungkuem loh a hlinsai moenih. 24 Amah kah te pawt tih hlang tloe kah te tlap saeh. 25 Maehkung kah a yoih boeih te mingcimnah lamloh boelh mueh la ca uh. 26 Tgt 24. 1.Diklai neh a khuiah aka baetawt he Boeipa kah ni. 27 Aka tangnahmueh khuikah khat khat loh nangmih te n'khue tih caeh na ngaih atah mingcimnah lamloh boelh kolla nangmih ham han tawn carhui tah ca uh. 28 Tedae khat khat loh nangmih taengah, “He he mueirhol buh ni,” a ti atah anih, aka puen neh mingcimnah kongah ca uh boeh. 29 Tedae anih bueng pawt tih hlang tloe kah mingcimnah te ka thui. Balae tih kai kah poenghalnah tah hlang tloe kah mingcimnah neh lai a tloek thil. 30 Kai loh lungvatnah neh ka cabol atah balae tih kai loh ka uem te n'soehsal? 31 Te dongah mebang na caak uh akhaw, na ok uh akhaw, mebang na saii uh akhaw, a cungluem te Pathen kah thangpomnah ham saii uh. 32 Judah rhoek taeng neh Greek rhoek taengah khaw, Pathen kah hlangboel taengah khaw a cuemhmuet la om uh. 33 Kai tah hlang boeih taengah boeih ka kolo. Kamah ka rhoeirhoep ham pawt tih a yet kah te ni ka toem. Te daengah ni a. daem uh eh.