THESSALONIKA CAPAT
A Pacuek Nah
(First Letter to the Thessalonians)
THESSALONIKA CAPAT KAWNG
Paul loh Thessalonika hlang boel a pai sak (2.13,14) vaengah he amah loh bi mat a bi (2.9). Thessalonika he Greek tlangpuei ah olpuei khopuei la om. Kutsaii aka bawk he muep om dae Khrihca la boeih kun uh (1.9). Tedae amih te Boeipa dongah uepom la om uh tih amih kah olthang te paeng tom la yilhcet (1.8). Hekah capat he Olkhueh Thai khuiah lamhma cuek a tael la om coi ni.
Thessalonika ah he Paul aka tloelh khaw bet om tih amah te Athens kho la vik cet. Te dongah cadong Timothy te a tueih tih Khrihca bu metla a om khaw duem a dongvoeng sak (3.1-5). Timothy a bal vaengah tah amih kah tangnah neh lungnah kawng te Paul ham olthangthen la a khuen pah (3.6-10).
Hlangboel khuiah a lolhnah om. A ngen long tah Boeipa ha rhum pawn ni tila a poek tholh dongah bi aka bi mueh khaw om uh (4.11,12). A ngen bal tah Khrih a rhum hlan ah aka duek a huiko ham mawntangnah a khueh uh. Te dongah Paul loh Khrih a rhumnah kawng te cimphan la a thuicaih pah (4.13-15). Amih ham te tahae tue metlam kho n'sak eh ti khaw a thui pah (5.1-11). Hekah capat he AD 50-54 tluk vaengah a tael.
Sawt Yoeinah
Kuttuk nah (1. 1-3)
Pathen a ngaih khosaknah (1. 4—3. 13)
Pathen kongaih la khosaknah (4. 1-12)
Khrih koep halonah kawng (4. 13—5. 11)
Phihnah neh uentonah (5. 12-28)
1
Toidalnah
1 Cael 17. 1.Paul, Silvanas neh Timothyloh a pa Pathen neh Boeipa Jesuh Khrih ah Tesalonika kah hlangboel te kan yaak sak. Nangmih taengah lungvatnah neh ngaimongnah om saeh.
Uemcil Thuinah
2 Nangmih boeih kongah Pathen te ka uem uh taitu. Kaimih kah thangthuinah dongah poekkoepnah ka saii uh. 3 Nangmih kah tangnah bibi neh lungnah thakthaenah, a pa Pathen hmaiah Jesuh Khrih mamih Boeipa kah ngaiuepnah dongah uehnah te phat ka poek uh. 4 Pathen kaha lungnah manucarhoek nangmih kah tueknah te ming uh. 5 Kaimih kah olthangthen tah nangmih taengah olka bueng nen pawt tih thaomnah nen khaw Mueihla Cim nen khaw, ngaikhueknah soep nen khaw ha pawk. Na ming uh vanbangla nangmih khuiah ka om te khaw nangmih ham ni. 6 Cael 17. 5-9.Nangmih khaw Boeipa neh kaimih mueiloh la na om uh dongah phacip phabaemte yet khuiah olthang te omngaihnah Mueihla Cim nehna doe uh. 7 Te dongah Makedonia neh Akhaia kah aka tangnahrhoek boeih ham mueimae la na om uh. 8 Boeipa kah olka tah nangmih lamloh ha humtih Makedonia neh Akhaia ah bueng pawt tih Pathen na tangnah te hmuen takuem la cet coeng. Te dongah kaimih kah thui ham pakhat khaw a ngoe moenih. 9 Amih loh Kaimih kawng ah nangmih taengah kunnah metlaa om khaw, mueirhol lamloh aka hing oltak Pathen kah salbi ham Pathen taengah metlana mael uh khaw, 10 vaan lamkah a capa rhingoel te khaw, anihte duek khui lamloha thoh te khaw, aka thoeng ham kosi lamloh mamih aka hlawt Jesuh kawng te khaw ha puen uh coeng.