1 Kai kah anglatnah te betna yaknaem uh mai mako, tedae kai nan yaknaem uh gawn. 2 Pathen kah thatlainah vanbangla nangmih ham ka thatlai. Nangmihte tongpa pakhat taengkah oila cuem bangla Khrih taengah nawn ham kan oei. 3 Sue 3. 1-5,13.Ka rhih mai pawt cakhaw, rhul loh amah kah rhaithinah neh Evea hoilae bangla, nangmih kah poeknah loh moeihoeihnah neh Khrih dongkah cimcaihnah te ham poeih ve ne. 4 Hlang tloe te aka pawk loh Jesuha tloe hoe ngawn cakhaw anih te n'hoe uh moenih, na dang uh noek pawh mueihla tloe, na doe uh noek pawh olthangthena tloena dang uh akhaw, balhna yaknaem uh ngawn.

5 Te dongah caeltueih rhoek kah buhuenga pom te phavawt pawh ka ti mai. 6 Tedae olka ka lol cakhaw mingnah dongah tah ka lol pawh. Te dongah nangmih kah cungkuem dongah cungkuem la phoe coeng. 7 Tholhnah aka saii bangla ka tlarhoel daengaha nangmihna pomsang uh eh? Pathen kah olthangthen te nangmih hama yoeyap lam ni ka phong. 8 Hlangboel rhoek a hloeh la ka rhethtih nangmih kah bibi paang te ka bawt a? 9 Phil 4. 15-18.Nangmih taengah aka om tih aka vawtthoek pataeng pakhat khaw ka thinrhih sak moenih. Ka vawtthoeknah te Makedonia lamkah aka pawk manucarhoek long nia doo. Cungkuem dongah kamah khaw nangmih taengah hoengpoek la ka tuem uh vanbangla ka tuem uh pueng ni. 10 Ka khuiah Khrih kah oltak om ta. Te dongah ka khuikah hoemdamnah he tah Akhaia pingpang ah khaw buem uh mahpawh. 11 Balae tih, nangmih kan lungnah pawh? Pathen loha ming ngawn. 12 Tedae ka saii coeng te tah ka saii pueng ni. Te daengah ni rhoidoengnah aka ngaihrhoek kah rhoidoengnah te ka haih pah pueng eh. Te neha pomsang uh daengah ni mamih banglaa hmuh uh van eh. 13 Amih laithae caeltueih rhoek neh khuplat bibikungrhoek loh Khrih kah caeltueih bangla sa uh. 14 Tedae Satan loh amah neh amah vangnah puencawn laa sa uh te ngaihmang ham om pawh. 15 Anih kah tueihyoeihrhoek loh duengnah kah tueihyoeihrhoek bangla sa uh mai cakhaw olpuei moenih. Amih kaha hnukkhueng tah a khoboe vanbangla om bitni.

16 Koep ka thui, pakhat long khaw kai he ang tila poek uh boeh. Te pawt cakhaw aka ang banglam khaw kai n'doe uh mai. Te daengah ni kai loh pakhat lam khaw bet ka pomsang van eh. 17 Ka thui te Boeipa banglam pawt tih anglat vaengkah banglam ni hoemdamnah he ngaikhueknah neh ka thui. 18 A yet loh pumsa neha pomsang uh dongah ka pomsang van ni. 19 A cueih neh aka om long ni aka angrhoek te khaw liplipna yaknaem uh. 20 Nangmihte pakhat loh sal m'bi sak akhaw, pakhat loh n'yoop akhaw, pakhat loh han loh akhaw, pakhat loh m'poe akhaw, pakhat loh na maelhmai ah n'thoek akhawna yaknaem uh coeng. 21 Kaimih loh ka vawtthoek uh te rhaidaeng la ka ti. Tedae te nente khat khat long nia ngaingaih mai atah anglat la ka thuite ka ngaingaih mai coeng. 22 Hebrew hlang laa om atah kai khaw ka om van. Israel ca la om uh atah kai khaw ka om van, Abraham kah tiingan la om atah kai khaw ka om van. 23 Cael 16. 23.Khrih kah tueihyoeih laa om uh atah Kai loh muep ka angsai puei tih ka thui ngai ta. thakthaenah nen khaw ka tahoeng, thongim khuiah khaw vawptawp, lucik nen khaw nainoe, dueknah nen taitu. 24 Olr 25. 3.Judahrhoek lamkah voei nga ka yooktih likip ham pakhat vel a ngaih. 25 Cael 16. 22; Cael 14. 19.Voei thum m'boh uh. Vai n'dae uh. Sangpho loh voei thum m'poci puei, vuenhlaem tuidung khuiah ka yoka sut. 26 Cael 9. 23; Cael 14. 5.Yincaehnah khaw ninoe, tuiva kah khoponah, dingca kah khoponah, namtu lamkah khoponah, namtom lamkah khoponah, kho khuikah khoponah, kohong kah khoponah, tuipuei kah khoponah, laithae manuca kah khoponah loh yet. 27 thakthaenah neh patangnah dongah mikhue la ka om taitu. Khokha neh tuihalh dongah yaehnah neh ka om taitu. Khosik khuiah ka kolvang sut. 28 Te bueng kolla hlangboel boeih kah mawntangnah tah hnin takuem ka thinrhihnah laom. 29 U khaw a tattloel vaengah tah ka tattloel moenih a? U khaw a khah vaengah tah kai n'rhoh moenih a? 30 Pomsang hama kuek atah ka vawtthoeknah dongkah te ka pomsang eh. 31 Ka laithae pawt te kumhal due uemom la aka om Pathen neh Boeipa Jesuh kaha napa loha ming. 32 Cael 9. 23-25.Damasku ah kai tuuk ham te manghai Aretas kah khotawt loh Damasaku kho khaw a tawt. 33 Tedae voeihang neh bangbuet lamloh pangbueng kaep ah n'hlak dongah ni amih kut te ka poeng ka hal.