1 A ham kai loh a coelh boeinu neh a carhoek te kan yaak sak. Oltak dongah amihte kai loh ka lungnah. Te dongah kai bueng long pawt tih oltak aka ming rhoek boeih long khaw a lungnah. 2 Oltak te mamih dongaha naeh dongah mamih taengah khaw kumhal due om ni. 3 Pa Pathen neh pa kah capa Jesuh Khrih tengkah lungvatnah, rhennah, ngaimongnah tah oltak neh lungnah lamloh mamih taengah om bitni.

4 Pa taengkah olpaek n'dang uh vanbangla, na carhoek lamloh oltak dongah pongpa uh tila ka hmuh vaengah bahoeng ka omngaih. 5 Jhn 13. 34; 15. 12,17.Te dongah boeinu nang ni kan hloep coeng. Nang taengah a thai la olpaek kan daek moenih, tedae te te a tongcuek lamkah n'khueh uh coeng. Te daengah ni khat neh khat n'lungnah uh thai eh. 6 Te dongah a olpaek bangla pongpa te ni lungnah la aka om coeng he. Te olpaek aka om taha tongcuek lamkah n'yaak uh vanbangla a khuiah pongpa uh sih. 7 Laithaelaidang rhoek tah Diklai la muep cet uh coeng. Te rhoek loh Jesuh Khrih pumsa ah ha pawk te a phong uh moenih. Anih tah laithaelaidang neh Khrihrhal la om. 8 Namamihte ngaithuen uh. Te daengah ni n'saii tena hlong uh pawt vetih thapanga cung la na dang eh. 9 Lamhma coeng dae Khrih kah thuituennah dongah aka naeh mueh boeih loh Pathena khueh moenih. Thuituennah dongah aka naeh loh Pa neh capa te boka khueh. 10 Khat khat loh nangmih taengla ha pawk tih hekah thuituennah han khuen pawt atah, anih te na im ah doe boeh, anihte omngaih nen khaw voek boeh. 11 Omngaih la anih aka voek long tah anih kah khoboe thae te a boek pah.

12 Nangmih taengah ca daek ham muep om dae cahawn neh cahang neh daek ka ngaih pawh. Tedae nangmih taengah om ham neh ka neh ka rhoi thui ham ka ngaiuep. Te daengah ni mamih kah omngaihnahloh a soeplaa om eh. 13 Coelh tangtae na ngannu kaha carhoek loh nang n'toidal uh.