13
Ram Thai Ham a Rhoekbah
Te vaengkah Barnabas neh Niger la a khue Simeon, Kurena hoel Lukia, khoboei Herod kah thawnpuei Manaen neh Saul te Antiok kah aka poe hlangboel taengah tonghma neh saya la om uh. Amih khaw Boeipa taengkah thothueng neh a yaeh uh vaengah Mueihla Cim loh, “Barnabas neh Saul tah kai ham hoep uh laeh. Amih rhoi te kamah bibi ham ni ka khue,” a ti nah.
Te dongah caak yaeh neh aka thangthui rhoek loh amih rhoi te kut a tloeng thil uh tih a tueih uh.
Kupros Ham Olthangthen
Te phoeiah Mueihla Cim kah a tueih van bangla amih rhoi tah Seleukia la cet rhoi. Te lamloh Kupros la kat uh. Salami kah a om vaengah khaw Judah rhoek kah tunim ah Pathen kah olka te a doek rhoi tih Johan te tueihyoeih la a khueh rhoi. Paphos duela tuisanglak te boeih a hil rhoi vaengah laithae tonghma kholo hlangcueih hlang pakhat te a hmuh rhoi. Anih te Judah ming ah Bar-Jesuh la om. Anih tah tongpa lungming, Sergius khoboei Paul taengah om. Te long tah Pathen kah olka te yaak ham a toem dongah Barnabas neh Saul te a khue. Tedae amih rhoi te kholo hlangcueih Elymas loh a oelh. Amah ming loh a thuingaih tangloeng dongah khoboei pa te tangnah dong lamloh paimaelh ham a mae.
Tedae Saul [Anih tah Paul ni] tah Mueihla Cim neh a baetawt dongah anih te a hmaitang tih, 10 “Tuengkhuepnah cungkuem, omthae cungkuem neh aka baetawt tih duengnah boeih kah a rhal rhaithae capa aw Boeipa kah longpuei dueng na maelh te toeng boeh ne. 11 Tedae Boeipa kut loh nang n'nan thil coeng he. Mikdael la na om vetih khoning pakhat dongah khomik na hmu mahpawh,” a ti nah.
Te vaengah khomai neh yinnah loh anih te pahoi a tlak thil. Te dongah tinghil tih mawtkung a toem.
12 Hno aka om te khoboei pa loh a hmuh vaengah Boeipa kah thuituennah dongah let tih a tangnah.
Antiok ah Paul Olthui
13 Te phoeiah Paul taengkah rhoek tah Paphos lamloh nong uh tih Pamphylia kah Perga la pawk uh. Tedae Johan tah amih taeng lamloh mael tih Jerusalem la bal. 14 Amih ngawn tah Perga lamloh cet uh tih Pisidia kah Antiok la pawk uh. Tedae Sabbath hnin ah tah tunim la kun uh tih ngol uh. 15 Olkhueng neh tonghma rhoek kah cabu te taenah a boeih phoeiah amih te tamtaeng loh a tah tih, “Ka manuca neh ka hlang rhoek, pilnam ham thaphohnah olka te nangmih taengah pakhat khaw a om atah thui uh,” a ti nah.
16 Te dongah Paul loh pai tih kut a cavoih phoeiah, “Israel hlang rhoek neh Pathen aka rhih rhoek, hnatun uh lah. 17  Sng 1.7; Sng 12.51Israel pilnam kah Pathen loh a pa rhoek he ana tuek dongah Egypt kho ah yinlai la aka om pataeng pilnam la a pomsang. Te dongah ni a khui lamkah amih te a ban neh a sang la a doek. 18  Lmp 14.34; Olr 1.31Te phoeiah amih te kum likip tluk khosoek ah a parhaeng. 19  Olr 7.1; Jos 14.1Kanaan kho kah namtu parhih te a hlak tih a khohmuen neh kum yali sawmnga khuiah m'phaeng. 20  Ltk 2.16; 1Sa 3.20Te phoeiah laitloekkung rhoek neh tonghma Samuel taeng duela a paek. 21  1Sa 8.5; 1Sa 10.21Manghai a hoe uh vaengah Benjamin koca hlang pakhat, Kish capa Saul te amih ham kum sawmli khuiah Pathen loh a paek. 22  1Sa 13.14; 1Sa 16.12; Tgt 89.20Anih a khoe phoeiah a manghai la David te a thoh pah. Anih te, ‘Ka ko aka tong hlang, Jesse capa David he ka hmuh. Ka kongaih he anih loh boeih a saii bitni,’ a ti tih a phong.”
23 “A olkhueh bangla anih kah tiingan te ni Pathen loh Israel ham khangkung Jesuh la a poe sak. 24  Mrk 1.4; Luk 3.3A kunnah hmai ah Johan kah a rhan he Israel pilnam boeih ham yutnah baptisma la om. 25  Jhn 1.20; Mat 3.11; Mrk 1.7; Luk 3.16; Jhn 1.27Johan loh hma a khah vaengah, ‘Kai ulae nan sui uh. Kai he moenih, Tedae kai hnukah ha pawk coeng ke. A kho dongkah khokhom hlam ham pataeng ka koih moenih,’ a ti.
26 “Ka manuca neh ka hlang, Abraham imkhui koca rhoek neh nangmih khuiah Pathen aka rhih rhoek aw, mamih khangnah ol he han tueih coeng. 27 Jerusalem kah khosa rhoek neh a boei rhoek tah mangvawt uh. Te dongah Sabbath takuem kah a tae uh tonghma ol neh anih lai a tloek uh te soep coeng. 28  Mat 27.22,23; Mrk 15.13,14; Luk 23.21-23; Jhn 19.15Dueknah ham a paelnaehnah khaw hmu pawt dae anih te ngawn hamla Pilat taengah a bih uh. 29  Mat 27.57-61; Mrk 15.42-47; Luk 23.50-56; Jhn 19.38-42Anih kawng te boeih a daek soep uh phoeiah, thing dong lamloh a suh uh tih phuel la a khueh uh. 30 Tedae anih te Pathen loh duek khui lamkah a thoh. 31  Clt 1.3Anih te Galilee lamkah Jerusalem la aka luei rhoek taengah khohnin te yet khuiah a phoe pah coeng. Amih tah pilnam taengah boeipa kah laipai la om uh coeng. 32  Tgt 2.7A pa rhoek taengah aka thoeng olkhueh te ni nangmih taengah ka phong uh van. 33 Te te Pathen loh Jesuh a thoh sak dongah, tingtoeng lung dongkah a daek pabae vanbangla;
‘Nang tah ka ca la na om.
Tihnin ah kai loh nang kan sak coeng,’
a ti te a ca rhoek mamih taengah soep coeng. 34  Isa 55.3Anih te duek lamkah loh a thoh dongah pocinah la bal ham cai voel pawh. Te dongah, ‘Uepom David kah olcim te nangmih taengah kam paek ni,’ tila a thui pah. 35  Tgt 16.10Hmuen tloe ah khaw, ‘Na hlangcim te pocinah tong sak ham na paek moenih,’ a ti tangloeng. 36 Amah tuetang vaengah David loh Pathen kah mangtaengnah te a bi. A ih vaengah a napa rhoek taengla khoem uh tih pocinah a tong. 37 Tedae Pathen loh a thoh te tah pocinah tong pawh. 38 Ka hlang rhoek neh ka manuca rhoek, nangmih taengah khaw mingpha la om saeh. Anih rhang neh nangmih taengah tholh khodawkngainah khaw, Moses kah olkhueng dongah na tang uh thai pawt boeih te a doek tangloeng coeng. 39 Aka tangnah rhoek tah anih rhangneh boeih tang uh coeng. 40 Te dongah tonghma rhoek kah a thui loh n'thoeng thil pawt ham mah ngaithuen uh.
41  Hab 1.5Pahoeh palaeh rhoek aw, ming uh lamtah,
nangmih tue vaengah ka saii bibi ham
ngaihmang khobing neh milh uh nawn.
Khat khat loh nangmih taengah hang hoe lalah
khaw tekah bibi te na tangnah uh tlaih moenih,”
a ti nah.
Antiok kah Paul neh Barnabas
42 A bal uh vaengah tahae kah olka he a laklo kah Sabbath vaengah amih taengah thui sak ham caeltueih rhoek te a cael uh. 43 Tunim kah aka phih uh Judah rhoek neh poehlip aka bawk rhoek loh Paul neh Barnabas te muep a vai uh. Te dongah amih te a uen tih Pathen kah lungvatnah khuiah rhaeh rhong ham a koilaw uh.
44 Sabbath a pha bal vaengah vang pum banghui loh Boeipa olka hnatun ham tingtun uh. 45 Hlangping te Judah rhoek loh a hmuh uh vaengah kohlopnah neh muep hah uh. Te dongah Paul kah a thui te a tloelh uh tih a soehsal uh.
46 Te vaengah Paul neh Barnabas loh sayalh la, “Pathen kah olka te thui lamhma ham nangmih taengah om tangkik. Te te na tueihno uh parhi vaengah dungyan hingnah kah amih lai na tloek khaw na tiing uh moenih. Namtom taengla ka mael uh coeng ne. 47  Isa 42.6; 49.6Te dongah Boeipa loh,
‘Namtom rhoek taengah vangnah neh
diklai khobawt due khangnah la
na om ham nang kan khueh,’
tila mamih ng'uen bal coeng,” a ti rhoi. 48 Namtom rhoek loh a yaak uh vaengah omngaih uh tih Boeipa olka te a thangpom uh. Te dongah aka tangnah rhoek boeih tah dungyan hingnah ham mop la om uh. 49 Te dongah Boeipa kah olka loh paeng tom la thang. 50 Tedae aka bawk nu hlangcong rhoek neh khopuei kah hlang lamhma rhoek te Judah rhoek loh a vueh uh tih Paul neh Barnabas te hnaemtaeknah neh a puengpuelh uh. Te phoeiah amih rhoi te a vaang khui lamloh a haek uh. 51  Mat 10.14; Mrk 6.11; Luk 9.5; 10.11Te dongah amih te a kho dongkah tangdik a khoek thil tih Ikonium la pawk rhoi. 52 Hnukbang rhoek khaw omngaihnah, Mueihla Cim neh baetawt uh.

13:17 Sng 1.7; Sng 12.51

13:18 Lmp 14.34; Olr 1.31

13:19 Olr 7.1; Jos 14.1

13:20 Ltk 2.16; 1Sa 3.20

13:21 1Sa 8.5; 1Sa 10.21

13:22 1Sa 13.14; 1Sa 16.12; Tgt 89.20

13:24 Mrk 1.4; Luk 3.3

13:25 Jhn 1.20; Mat 3.11; Mrk 1.7; Luk 3.16; Jhn 1.27

13:28 Mat 27.22,23; Mrk 15.13,14; Luk 23.21-23; Jhn 19.15

13:29 Mat 27.57-61; Mrk 15.42-47; Luk 23.50-56; Jhn 19.38-42

13:31 Clt 1.3

13:32 Tgt 2.7

13:34 Isa 55.3

13:35 Tgt 16.10

13:41 Hab 1.5

13:47 Isa 42.6; 49.6

13:51 Mat 10.14; Mrk 6.11; Luk 9.5; 10.11