KOLOSA CAPAT
(Letter to the Colossians)
KOLOSA CAPAT KAWNG
Kolosa he khotlak Asia Minor kah Phrygia peng ah om tih Ephesa neh Rom khopuei kah longpuei ah om. Paul amah he Kolossa kho ah om pawh. Tedae amih kah tangnah a cak te a yaak (1.3-7; 2.6,7). Amih kah olthang te thongim ah a om vaengah (Philemon 23) Epaphras (1.7; 4.12,13) loh a thui pah tih hekah capat he pahoi a tael (1.14; 4.3,10,18).
Kolossa hlangboel kah Khrihca rhoek he namtom (Gentiles) (1.27) hlang yet ngai. Te dongah amih te kholong kah bawknah a tloe tloe loh muep a poek (2.16-23). Pumsa neh a tloe kah mueihla bawknah he Pathen pumpaeknah bangla a poek uh tholh. Te dongah Paul loh Khrih he vaan ah Pathen neh om coeng lunglai boeih khaw a uk tila a thui (3.1). Te dongah bawknah dongah he Khrih ni a kungpuei la khueh ham a thui. Kolosa capat he AD 60 tluk vaengah a tael.
Sawt Yoeinah
Kuttuknah (1. 1,2)
Uemnah neh thangthuinah (1. 3-8)
Khrih neh amah kah bibinah (1. 9—2. 19)
Khrih ah hingnah thai (2. 20—4. 6)
Phihnah olnoi (4. 7-18)
1
Kuttuuk
1 Pathen kah kongaih dongah Jesuh Khrih kah caeltueih Paul neh manuca Timothy loh , 2 Kolosa kah hlangcimrhoek neh Khrih ah uepom manuca rhoek te kan yaak sak. Nangmih taengah a pa Pathen taengkah lungvatnah neh ngaimongnah om saeh.
Omngaih Cil
3 Nangmih ham ka thangthui uh taitutih mamih Boeipa Jesuh Khrih kaha napa Pathen te ng'uem uh. 4 Jesuh Khrih ah nangmih kah tangnah neh hlangcimrhoek boeih taengah lungnahna khueh uh ka yaak te, 5 vaan ah nangmih ham a tung ngaiuepnah rhangnen ni. Te tah nangmih taengla aka lo olthangthen kah oltak olka dongahna yaak uh coeng. 6 Diklai pum ah khaw thaihtak la om tiha rhoeng vanbangla Pathen lungvatnah oltak lana yaak uh tihna ming uh khohnin vaeng lamloh nangmih khuiah khaw om van coeng. 7 Kol 4. 12; Phm 1. 23.Hetah mamih kah sal puei neh thintlo Epaphras lamkahna yaak uh. Anih he nangmih ham Khrih kah uepom tueihyoeih ni. 8 Amah loh nangmih kah lungnah, Mueihla dongkah te khaw mamih taengah a thuicaih.
Mueihla ben Rhoeng ham Thangthuinah
9 Te dongah kaimih khaw ka yaak uh khohnin lamkah te nangmih ham thangthui tih ka bih te ka toeng uh pawh. Te daengah ni cueihnah cungkuem neh mueihlaah yakmingnah dongah a kongaih mingnah tena cung uh eh. 10 A cungkuem dongah Boeipa kah kolo neh a tingtawk la pongpa sak ham, a cungkuem dongah bibi then neh thaihtak uh tih Pathen kah mingnah dongah rhoeng sak ham, 11 Amah thangpomnah dongkah thaomnah vanbangla uehnah neh thinsennah cungkuem dongla thaomnah boeih neh thaphoh sak ham ni. 12 Vangnah dongah hlangcimrhoek kah hmulung dongkah buham la nangmih aka saiia pa te omngaihnah neh uem uh. 13 Amah loh yinnah kah saithainah lamloh mamih n'hlawt tih a lungnaha Capa kah ram la m'puen sak coeng. 14 Eph 1. 7.Amah dongah tholh khodawkngainah, tlannah te n'dang uh.
A Hnun Koek he Khrih ni
15 Anih tah hmuhmueh Pathen kah mueimae, suentae boeih kah camingomthang ni. 16 Amah lamloh vaan neh diklai hmankah hmuhthai neh hmuhmueh boeih tea suen. Ngolkhoel khaw, taemrhainah khaw, boeilurhoek khaw, saithainah khawa cungkuem te amah loh amah hama suen. 17 Anih tah a cungkuemaom hlanah om tih cungkuem tah anih lamloh poe. 18 Eph 1. 22,23.Anih tah hlangboel pum kaha lu la om. Anih tah a tongnah neh duekkhui lamloh camingomthang la om. Te daengah ni cungkuem dongah om vetih amah khaw a lamhma pai eh. 19 Anih dongaha soepnah te boeih om sak ham neh anih rhangneha cungkuem te amah taengah moeithen ham a lungtlun. 20 Eph 2. 16.A thinglam dongkah thii rhangneh amah loh diklai dongkah neh vaan kah te khawa moeithen.
21 Hnukbuetah nangmih te n'hai tih khoboe thae lamloh kopoekah rhal la om. 22 Tedae nangmihte amah hmaiah hlangcim, cuemthuek neh cimbit la pai sak ham dueknah rhangneh a pumsa kah pum dongaha moeithen coeng. 23 Na oei tangnah te khakna sut van atahna yaak uh olthangthen kah ngaiuepnah lamloh nongcen uh boeh. Vaan hmuikah suentae boeih taengaha hoe coeng tih kai Paul tah a tueihyoeih la ka om.
Paul kah Bibi
24 Nangmih yueng la patangnah neh ka omngaih coeng. Amah pum yueng la ka pumsa dongah Khrih kah phacip phabaem lamloh vawtthoeknah te ka koei. Hlangboel tah amah pum ni. 25 Kai tah te olthangthen kah tueihyoeih la ka omtih Pathen kah hnokhoemnah vanbangla Pathen kah olka te nangmih taengah tomthap ham kai m'paek coeng. 26 Olhuep te khosuen lamkah neh suentae lamkaha thuh coeng dae tahae atah a hlangcimrhoek hama phoe pah. 27 Pathen loh he namtom taengah olhuep kah thangpomnah khuehtawn te phoe ham a ngaih. Te thangpomnah dongkah ngaiuepnah tah nangmih khuiah aka om Khrih ni. 28 Hlang tom aka rhalrhing sak tih cueihnah cungkuem neh hlang tom aka thuituen mamih loh amah kawng ni n'doek uh. Te daengah ni hlang boeih he Khrih ah lungcuei la m'pai sak eh. 29 Te ham khaw a bibi tarhingah thakthae neh ka thingthuel dae ka khuiah thaomnah neh ha tueng.