THUITUENNAH OL
(Ecclesiastes)
Thuituennah Cabu Kawng
Thuituennah Ol Ecclesiastes he Judah rhoek thuidoeknah ol neh thuituennah la om. Hlang pakhat kah hingnah, awtkoi, thuidoeknah, hlohlai, olcueih neh khosaknah te a thui. Cabu ming he Hebrew ol lamtah (קֹהֶלֶת)Qoheleth , Greek ol la Ekklesiaa ti tih, “Hloep a boel,” ke a thuingaihnah. Cadaekkung he saya, thuituenkung, khopoekkung la om. Joba cabu dongkah bangla he cabu dongah hlanghing cueihnah a rhimong omnah kawng a thui. Hmailong kah he Pathen long ni dawk a ming. Pilnam long he Pathen kah suennah olhuep he a tuuk thai moenih. Only God knows what will happen in the future and people cannot control the mystery of God's creation. Hingnah kawng he hlang loh yaming hamla a khuituk dae yakming lekpawh. Cabu dongah “A honghi,” tila puet a tael te hmuh vaengah hlang kah khuehtawn loh patangnah, dueknah, hnothae lamkah a tungaep thai moenih ti a tueng sak. Hing khosak dongkah aka thoeng he Pathen kut ah ni a om. A cuinah la , “Pathen hinyah lamtah boengai, hingnah a sang koek ni,” tila a thui. Olpuei tah mahyawn bueng poeknah neh diklai hno dongah tlungmu aih he a toel. He cabu 970-931 b.c vaengah a tael.
Sawt Yoeinah
I. A cungkuem a honghi 1.1—1.3
II. Ol calsalnah 1.4—3.22
A. By the transitoriness of things 1.4—1.11
B. By the existence of evil 1.12—1.18
C. By the emptiness of pleasure, riches, and work 2.1—2.26
D. By the certainty of death 3.1—3.22
III. The subject developed 4.1—12.8
A. In consideration of injustices 4.1—4.16
B. In consideration of riches 5.1—5.20
C. In consideration of man’s end 6.1—6.12
D. In consideration of man’s sinfulness 7.1—7.29
E. In consideration of inscrutable divine providence 8.1—9.18
F. In consideration of disorders 10.1—10.20
G. In consideration of the vanity of youth and age 11.1—12.8
IV. The conclusion. revere God and observe His commandments 12.9—12.14
1
Poei-oep Boeih
1 Jerusalem manghai David capa kah thuituenkung ol.
2 A honghi, a honghi ni.
Thuituenkung loh,
“A honghi, a honghi,
a honghi boeih ni,” a ti.
3 Khomik hmuiah a thakthae bangla
a thakthaenah cungkuem lamloh
hlang taengah balae a rhoeikhangnah.
4 Thawnpuei loh cet tih cadil thoeng coeng dae
diklai he kumhal duela a pai moenih.
5 Khomik loh thoeng tih khomik he kun bal.
Te phoeiah amah hmuen te a hloem pahoi tih thoeng.
6 Tuithim la cet tih tlangpuei la aka mael khohli he a tinghil,
a tinghil doela cet.
Te phoeiah khohli he a hlaep la mael.
7 Soklong boeih khaw tuitunli la pawk.
Tedae tuitunli tah hah tlaih pawh.
Soklong rhoek khaw a long nah hmuen la mael tih cet.
8 Olka boeih he bonghnaek.
Hlang loh a thui hamla a noeng moenih.
Mik loh a hmuh te hah pawt tih
hna a yaak te cung pawh.
9 Mebang khaw aka om tangtae bangla om bal vetih,
mebang khaw a saii tangtae bangla a saii bal ni.
Te dongah khomik hmuikah he a thai boeih moenih.
10 “A thai he hmu lah,
he tah khosuen lamloh om oepsoeh coeng tih
mamih hlan lamloh om,’ a ti te ol om nim?
11 Lamhma kah neh hmailong kah khaw
poekkoepnah om pawh.
Aka om ham te khaw hmailong kah aka om taengah
poekkoepnah om mahpawh.
Cueinah Khaw A Honghi
12 Kai tah thuituenkung neh Jerusalem kah Israel soah manghai la ka om. 13 Vaan hmui kah a saii boeih te cueihnah neh dawtlet ham khaw, yaam ham khaw ka lungbuei ka paek. Hlang capa rhoek te amah phaep uh saeh tila Pathen loh yoethae bibi a khueh pah. 14 Khomik hmui kah a saii bitat boeih te ka hmuh. Te dongah a cungkuem he a honghi neh khohli doinah ni ne. 15 Aka khun he dueng hamla coeng pawt tih vitvawtnah khaw tae hamla coeng pawh. 16 1Mg 4.29-31Kamah tah ka lungbuei ah ka cal tih, “Ka pantai tih Jerusalem ah khaw ka mikhmuh kah aka om boeih lakah cueihnah ka thap, ka lungbuei long khaw cueihnah neh mingnah muep a hmuh la he,” ka ti. 17 Ka lungbuei he cueihnah ming ham neh anglatnah ming ham ka paek. Te dongah lunghmangnah he khaw khohli dongkah kohnek ni tila ka ming. 18 Cueihnah a cungkuem nen khaw konoinah cungkuem tih, mingnah a koei khaw nganboh ni a koei.