HAGGAI
(The Book of Haggai)
Haggai Cabu Kawng
Persia manghai Cyrus loh Jews pilnam te Babylon tamna lamloh Jerusalem la a mael sak tih bawkim khaw koep a thoh sak. Pilnam loh bawkim a sak hlan ah amamih im te a sak dongah Pathen ol te a caeh pah. Pathen loh Zerubbabel ham khaw, Judah khoboei rhoek ham khaw, khosoih Joshua ham khaw Haggai taengah a thui pah. Pathen bawkim te a sak hlan khuiah tah Judah rhoek he thaihtak mahpawh tila Haggai loh rhalrhing a paek. Bawkim te a sak daengah nih Boeipa loh pilnam a bom vetih kho a buh eh, rhalmongnah neh a yoe a then eh. A hnukkhueng ah tah Jerusalem pilnam loh bibi te a tong uh. Pathen loh ram kah khoboei la Zerubbabel te a tuek. Anih loh ram a thoh tih ram tloe te a thup.
Sawt Yoeinah
I. Bawkim koep thoh ham a hoe 1.1-15
II. Kum thawng khat kah bawkim 2.1-9
III. Bawkim a coeng vaengah Yoethennah 2.10-19
IV. Namtom kah saithainah yawk ni 2.20-23
1
Bawkim Thoh Ham Oluennah
Ezra 4.24—5.2; 6.14Darius manghai kah a kum nit nah, a hla la hla rhuk, hnin at vaengah, BOEIPA ol te tonghma Haggai kut lamloh, Judah rhalboei Shealtiel capa Zerubbabel ham neh khosoih Jehozadak capa Joshua puei ham pai tih, Caempuei BOEIPA loh he ni a thui. Pilnam he thui pah lah. ‘BOEIPA im sak ham tue he, a tue pai hlan’ a ti uh he,” a ti. BOEIPA ol he tonghma Haggai kut lamloh cet bal tih, Nangmih te namamih bueng na im khop ah khosak ham tue a? Tedae im he kaksap coeng he. Te dongah caempuei BOEIPA loh he ni a thui coeng. Na longpuei te na thinko ah dueh laeh.
Muep na tuh dae a yol la pawk. A caak dae a cungnah la om pawh. A ok akhaw rhuihmil hae pawh. Bai cakhaw a bae hae moenih. Kutloh loh a kutloh akhaw hnocun put hae.
Caempuei BOEIPA loh he ni a thui. Na longpuei te na thinko ah dueh laeh.
“Tlang la luei uh lamtah thing lo uh laeh. Im he sa uh laeh. A khui ah ngaingaih saeh lamtah ka thangpom khaw ka thangpom mai eh,” tila BOEIPA loh a thui. A yet la a mael thil dae a yol la poeh coeng te. Im la na khuen uh vaengah te te phawn ka hmuh. Balae tih caempuei BOEIPA kah olphong a om? Ka im he a kaksap vaengah nangmih kah hlang mai tah, amah im neh cungpoeh uh.
10 “Te dongah nangmih ham tah vaan loh buemtui a hloh uh vetih, diklai loh a cangpai a hloh ni.
11 “Diklai hman neh tlang soah khaw, cangpai so neh misur thai soah khaw, situi so neh diklai kah a thoeng boeih soah khaw, hlang so neh rhamsa soah khaw, kut dongkah thaphu boeih soah khaw kholing ka khue thil ni,” a ti nah.
Pilnam kah Doonah
12 Te dongah Shealtiel capa Zerubbabel neh khosoih puei Jehozadak capa Joshua long khaw, pilnam kah a meet boeih long khaw a Pathen BOEIPA ol neh tonghma Haggai ol te a ngai. Anih te a Pathen BOEIPA loh a tueih coeng dongah pilnam te BOEIPA mikhmuh ah rhih uh.
13 Te phoeiah BOEIPA kah puencawn Haggai loh BOEIPA kah olthui te pilnam taengah a thui pah. Te vaengah, “Kai tah nangmih taengah BOEIPA kah olphong ni,” a ti nah.
14 Te vaengah BOEIPA loh Judah rhalboei Shealtiel capa Zerubbabel kah mueihla te khaw, khosoih puei Jehozadak capa Joshua kah mueihla khaw, pilnam a meet boeih kah mueihla khaw a haeng pah. Te dongah kun uh tih a Pathen caempuei YAHWEH im ah bitat te, 15 manghai Darius kah kum bae nah, hla rhuk hnin kul hnin li vaengah a saii uh.

1:1 Ezra 4.245.2; 6.14