12
Jakob kah Dumlai
1 Ephraim loh khohli dongah luem tih kanghawn a hloem.
Hnin takuem ah laithae tih rhoelrhanah te a ping sak.
Assyria neh paipi a saii uh tih Egypt la situi a khuen.
2 BOEIPA he Judah neh tuituknah om.
Jakob te a longpuei bangla a cawh vetih
a khoboe bangla anih te a thuung ni.
Pathen te a thahuem neh a hnueih.
4 Sue 28.10-22Puencawn te khaw a hnueih tih a noeng.
Rhap tih anih te a hloep.
Amah te Bethel ah a hmuh tih
mamih taengah pahoi a thui.
5 YAHWEH ngawn tah
caempuei Pathen la a om dongah
amah mingthen khaw YAHWEH ni.
6 Tedae nang tah na Pathen taengla mael laeh.
Sitlohnah neh tiktamnah he ngaithuen lamtah
na Pathen te lamtawn yoeyah lah.
7 Hnoyoi loh a kut dongah thailatnah cooi a khueh tih
hnaemtaek ham a lungnah.
8 Ephraim loh, “Ka boei ngawn,
kamah hamla thahuem ka dang,
ka thaphu boeih ni, ka khuiah tholhnah la
thaesainah hmuh uh mahpawh,” a ti.
Israel sokah Laisoehnah
9 Tho 23.42,43Egypt kho lamkah parhi te
nangmih kah Pathen YAHWEH kamah long ni
nang te dap khuiah tingtunnah khohnin kah
bangla koep kho kan sak sak eh.
10 Tonghma rhoek lamloh kan thui tih
ka mangthui khaw yet coeng.
Tonghma rhoek kut lamlong khaw ka puet sak.
11 Gilead kah boethae a om atah
Gilgal ah om khaw a poeyoek.
Vaito a nawn uh akhaw amih kah hmueihtuk te
lai kong ah lungkuk bangla om.
Jokob kah Phainah
12 Sue 29.1-20Jakob te Aram khohmuen la yong coeng.
Israel he huta hamla thotat tih a yuu hamla a dawn.
13 Sng 12.50,51BOEIPA loh Israel te
Egypt lamloh tonghma kut neh a khuen tih
tonghma kut neh a ngaithuen.
14 Ephraim loh kosidung te a veet dongah
a thii te amah soah coe ni.
A kokhahnah te a boei loh
amah taengah a thuung ni.