12
Koehnah Laa
1 Tekah khohnin ah,
“BOEIPA namah ni kang uem eh,
kai taengah na thintoek dae
na thintoek khaw mael coeng tih kai nan hloep.
2 Sng 15.2; Tgt 118.14Kamah kah khangnah Pathen te ka pangtung vetih
ka sarhi ham khaw ka birhih mahpawh.
BOEIPA YAHWEH laa he khaw
kai ham khangnah la om,” na ti ni.
3 Khangnah tuisih lamkah omngaihnah neh tui na than uh van bitni. 4 Tekah khohnin ah,
“BOEIPA te uem uh lah, amah ming te khue uh lah,
a khoboe te pilnam taengah ming sak uh lah,
a ming a sang te thoelh uh lah.
5 Rhimomnah a saii te
diklai pum loh a ming coeng dongah
BOEIPA te tingtoeng uh lah.
6 Israel kah Hlangcim te
na lakli ah a tanglue coeng dongah
Zion nu rhoek loh hlampan uh lamtah
tamhoe uh laeh,” na ti uh van bitni.