JEREMIAH
(The Book of the Prophet Jeremiah)
Jeremiah Cabu Kawng
Jeremiah dongah olphong, amah kawng, khokhuen, olthui boeih thum. He cabu he amah khokhuen kah aka thoeng hno dongkah te a thuicaih. A boel 36 hil he tah cabu he metla a culuinah ti te a thui. Pathen olthang thui ham la cadong ca a khuenah kawng te bitbit tueng. Jeremiah loh a hutnah te a doe tih Pathen kah uepom puencawn la naeh. Jeremiah loh a bibi he 627 b.c. ah a tong tih 586 b.c. hil phat a bi. Te vaengah Jerusalem te Babylon loh a loh coeng. Pathen tonghma la a om khuiah pilnam te Pathen taengah uepom la om ham a hoe, Judah te a rhalrhing sak. Pathen taeng lamkah aka hnukpoh Judah rhoek taengah oltak a thui dongah Jeremiah te a hnaemtaek uh. Anih te boekoek la a poek uh dongah a phaep uh, thong a hlak, a khoh uh, a boh uh phoeiah a ram lamloh a haek uh. Jeremiah loh tamna la aka cet pilnam taengah ngaiuepnah a thui, Israel neh Judah hamla olkhueh paipi thai a paek.
Sawt Yoeinah
I. Jeremiah Khuenah 1. 1-19
II. Jerusalem neh Judah ham olrho2. 1—45. 5
A. Josiah neh Jehoiakim tue 1. 1—20. 18
1. Namtu kah tholhnah 2. 1—3. 5
2. Tlangpuei ram cungkunah 3. 6—6. 30
3. Vangawn la khuennah7. 1—10. 25
4. Paipi hnukpohnah 11. 1—13. 27
5. Khokang 14. 1—15. 21;
Pumhong tonghma16. 1—17. 18;
Sabbath rhalrhing paeknah 17. 19-27
6. Ambop kah miknoek18. 1—20. 18
B. Jerusalem a cungku vaengkah 21. 1—39. 18
1. Zedekiah neh dantatnah21. 1—29. 32
2. Messiah ram painah 30. 1—33. 26
3. Zedekiah kah tholhnah 34. 1—35. 19
4. Jehoiakhin kah tloelhnah 36. 1-32
5. Jerusalem dumnah 37. 1—39. 18
C. Jerusalem a cungkunah hnukah 40. 1—45. 5
1. Khohmuen rhaengnaeng taengah bibinah40. 1—42. 22
2. Egypt ah bibinah 43. 1—44. 30
3. Baruch taengah olthang 45. 1-5
III. Namtom taengah a tonghmanah 46. 1—51. 64
A. Egypt 46. 1-28
B. Philistia 47. 1-7
C. Moab 48. 1-47
D. Ammon 49. 1-6
E. Edom 49. 7-22
F. Damascus 49. 23-27
G. Arabia 49. 28-33
H. Elam 49. 34-39
I. Babylon 50. 1—51. 64
IV. Judah kah khokhuen tomnah
A. Judah cungkunah 52. 1-30
B. Jehoiakhin a loeihnah 52. 31-34
1
1 Benjamin kho Anathoth kah Khosoih Hilkiah capa Jeremiah kah ol; 2 2Mg 22. 3—23. 27; 2Kh 34. 8—35. 19.Judah manghai Amon capa Josiah a manghai tue vaengkah kum hlai thum dongah anih taengah BOEIPA ol a om pah. 3 2Mg 23. 36—24. 7; 2Kh 36. 5-8; 2Mg 24. 18—25. 21; 2Kh 36. 11-21.Judah manghai Josiah capa Jehoiakim tue neh Judah manghai Josiah capa Zedekiah kah kum hlai khat thok tih a hla nga dongkah Jerusalem a khum duela om pueng.
Jeremiah a Khue
4 Te vaengah BOEIPA ol tah kai taengah om tih, 5 “Nang he bungko khuiah kan hlinsai khaw kan hlinsai hlan ah nang kan ming coeng. Bung khui lamkah na thoeng hlan ah nang kan ciim tih namtom rhoek ham tonghma la nang kang khueh coeng,” a ti. 6 Te vaengah, “Ya-oe ka Boeipa Yahovah aih khaw, kai camoe loh thui ham khaw ka ming moenih he,” ka ti nah.
7 Tedae BOEIPA loh kai te, “Ka camoe,” ti boeh. Hlang boeih taengah nang kan tueih vanbangla cet lamtah nang kang uen te boeih thui. 8 Amih maelhmai te rhih boeh, nang huul hamla namah taengah kai ka om. BOEIPA kah olphong ni. 9 BOEIPA loh a kut a yueng tih ka ka ham puei. Te phoeiah BOEIPA loh Kai taengah, “Na ka dongah ka ol kang khueh coeng he. 10 Tihnin namtom rhoek neh ram tom te phuk hamla, palet ham neh paltham sak ham, koengloeng ham, khoeng ham neh phung ham nang kan tuek he hmu laeh,” a ti.
Mangthui Panit
11 Te phoeiah kai taengla BOEIPA ol ha om tih, “Jeremiah balae na hmuh,” a ti. Te dongah, “Noe kah a hlaeng ka hmuh,” ka ti nah.
12 Te dongah BOEIPA loh kai te, “Na hmuh te thuem, kai tah ka ol bangla saii ham ka hak thil,” a ti. 13 BOEIPA ol te ka taengah koep om tih, “Balae na hmuh,” a ti. Te dongah, “Am aka tlawk te ka hmuh tih a rhai te tlangpuei hmai la mael,” ka ti nah.
14 Te vaengah BOEIPA loh kai taengah, “Tlangpuei lamkah yoethaenah loh diklai khosa boeih te a phuh ni. 15 Kai loh tlangpuei ram kah huiko boeih te BOEIPA kah olphong dongla ka khue coeng he. Ha pawk uh vaengah a ngolkhoel te Jerusalem vongka kah thohka neh a kaepvai kah vongtung boeih, Judah khopuei tomah te khaw rhip a hol thil uh ni. 16 Amih te kamah kah laitloeknah ka thui pah ni. Amih kah boethae boeih neh kai n'hnoo uh tih pathen tloe rhoek taengah a phum uh. Te phoeiah amah kut dongkah bisai te a bawk uh. 17 Nang tah na cinghen te yen lamtah pai laeh. Kai loh nang kang uen boeih te amih taengah thui pah. Amih mikhmuh ah rhihyawp boeh namah te amih mikhmuh ah kang rhihyawp sak ve. 18 Kai loh tihnin ah nang he hmuencak khopuei la, thi tung la, rhohum vongtung la Judah manghai rhoek kah khohmuen boeih, a mangpa rhoek, a khosoih rhoek, khohmuen kah pilnam taengah kang khueh coeng he. 19 Nang m'vathoh thil cakhaw nang te n'na uh mahpawh. Nang huul hamla nang taengah kamah ka om he BOEIPA kah olphong coeng ni,” a ti.