3
Namtom kah Laitloeknah
1 Te khohnin neh te vaeng tue ah
Judah neh Jerusalem thongtla te
ka mael rhoe ka mael puei ni.
2 Namtom boeih te ka coi vetih
amih Jehoshaphat kol la ka suntlak puei ni.
Ka pilnam neh ka rho Israel kongah
amih te lai ka soeh thil ni.
Namtom taengah a yaal uh tih
ka khohmuen he a tael uh dongah.
3 Ka pilnam ham hmulung a naan uh.
Te dongah tongpaca te pumyoi la a paek uh tih
hutaca te ok ham la misurtui la a yoih uh.
4 Isa 23.1-18; Ezk 26.1—28.26; Amo 1.9,10; Zek 9.1-4; Mat 11.21,22; Luk 10.13,14Isa 14.29-31; Jer 47.1-7; Ezk 25.15-17; Amo 1.6-8; Zep 2.4-7; Zek 9.5-7Tyre, Sidon neh Philistia saa boeih aw
nang neh kai balae benbo?
Kai soah aka thuung la na tiing uh nim?
Kai he nan thuung uh cakhaw
nangmih tiing bangla
na lu ah tlek kan thuung paitok ni.
5 Ka cak neh ka sui na loh uh tih
ka ngailaemnah hnothen te
na bawkim la na khuen uh.
6 Judah ca rhoek neh Jerusalem ca te
Greek ca taengla na yoih uh tih
a Khorhi dong lamloh amih te na lakhla sak.
7 Amih yoih nah hmuen lamloh amih te
pahoi ah ka haeng coeng he.
Te dongah na thaphu te na lu ah kan thuung ni.
8 Na canu na capa rhoek te
Judah ca rhoek kut ah ka yoih vetih
amih te Sabean taeng neh
khohla namtom taengah
a yoih uh ni tila BOEIPA loh a thui.
9 He he namtom taengah doek uh laeh.
Caemtloek te ciim uh laeh.
Hlangrhalh rhoek haenghang uh laeh.
Thoeih uh saeh lamtah
caemtloek hlang boeih te paan uh saeh.
10 Isa 2.4; Mai 4.3Na tuktong te cunghang la,
na vin te khaw cai la dae uh.
Tattloel long khaw ka, “Hlangrhalh,” ti saeh.
11 Kaepvai lamkah namtom
boeih capit uh lamtah paan uh lamtah tingtun uh laeh.
BOEIPA aw na hlangrhalh rhoek pahoi ah ael sak laeh.
12 Haenghang saeh lamtah
namtom te Jehoshaphat kol la cet uh saeh.
Kaepvai kah namtom boeih te
laitloek hamla kana ngol ni te.
13 Olp 14.14-16; Olp 14.19,20; 19.15Cangah ham hmin coeng tih
vinkui te tueih uh laeh.
Lo uh, misur rhom khaw bae tih
taemrhai uh laeh.
va-am rhoek a baepet bangla
amih kah boethae tah ping coeng.
14 Oltloeknah tuikol ah tah hlangping la
hlangping kak coeng ni.
Oltloeknah tuikol ah BOEIPA kah khohnin yoei coeng.
15 Khomik neh hla hmuep vetih
aisi rhoek loh a aa a hloh ni.
16 Amo 1.2BOEIPA tah Zion lamloh kawk tih
Jerusalem lamloh a ol a huel.
Vaan neh diklai hinghuen dae
BOEIPA tah a pilnam ham hlipyingnah neh
Israel ca ham lunghim la om.
Israel kah Yoethennah
17 Te dongah nangmih kah Pathen BOEIPA kamah he
ka cimcaihnah tlang Zion ah kho a sak tila ming uh.
Jerusalem he hmuencim la om vetih
kholong loh te te koep caeh pah mahpawh.
18 Te khohnin a pha vaengah tlang kah
thingtui cip vetih mol lamkah suktui long ni.
Judah sokca boeih te tui long ni.
Tuisih te BOEIPA im lamloh phuet vetih
Shittim soklong te a suep ni.
19 Egypt tah khopong la poeh vetih
Edom khaw khosoek khopong la om ni.
Judah ca rhoek kuthlahnah loh
a khohmuen kah ommongsitoe thii te a long sak.
20 Judah tah kumhal duela kho a sak vetih
Jerusalem khaw a cadilcahma neh
cadilcahma duela om ni.
21 A thii dongah ka hmil mueh te ka hmil ni.
BOEIPA he Zion ah kho a sak.