1 Lmp 21.21-35; Olr 2.26—3.11Israel ca rhoek loh khohmuen manghai a ngawn tih a khohmuen te khocuk kah Jordan rhalvangan Arnon soklong lamkah Hermon tlang, khocuk kolken boeih, 2 Aroer lamloh a taem a rhai tih Heshbon ah Amori manghai Sihon loh a ngol thil Arnon soklong hmoi neh soklong bangli, Gilead ngancawn neh Ammon ca rhoek kah khorhi Jabbok soklong due, 3 Khocuk kah Kinnereth tuili kolken neh khocuk kah lungkaeh tuili kolken kah tuili due, Bethjeshimoth longpuei neh tuithim kah Pisgah tuibah kungdak khaw, 4 Ashtaroth neh Edrei ah aka ngol Rapha hlangrhuel, Bashan manghai Oga khorhi khaw, 5 Hermon tlang neh Salkhah, Bashan pum neh Geshuri khorhi duela aka taem, Maakathi neh Heshbon manghai Sihon khorhi Gilead ngancawn te khaw a loh uh. 6 Lmp 32.33; Olr 3.12Amih te BOEIPA kah sal Moses neh Israel ca rhoek loh a tloek tih Reuben, Gad neh Manasseh koca hlangvang taengah BOEIPA kah sal Moses loh rho la a phaeng.

7 Khohmuen manghai rhoek te Joshua neh Israel ca rhoek loh a tloek tih Jordan rhalvang khotlak ah Lebanon kolbawn Baalgad lamloh Seir la aka luei Halak tlang duela amamih boelnah bangla Israel koca rhoek te Joshua loh rho la a phaeng.

8 Tlang neh kolrhawk, kolken neh tuibah, khosoek neh Negev kah Khitti, Amori, Kanaan, Perizzi, Khivee neh Jebusi khaw a ngawn.

9 Te vaengah Jerikho manghai pakhat, Bethel kaep kah Ai manghai pakhat,

10 Jerusalem manghai pakhat, Hebron manghai pakhat,

11 Jarmuth manghai pakhat, Lakhish manghai pakhat,

12 Eglon manghai pakhat, Gezer manghai pakhat,

13 Debir manghai pakhat, Geder manghai pakhat,

14 Hormah manghai pakhat, Arad manghai pakhat,

15 Libnah manghai pakhat, Adullam manghai pakhat,

16 Makkedah manghai pakhat, Bethel manghai pakhat,

17 Tapuah manghai pakhat, Hepher manghai pakhat,

18 Aphek manghai pakhat, Lasharon kah manghai pakhat,

19 Madon manghai pakhat, Hazor manghai pakhat,

20 Shimronmeron manghai pakhat, Akshaph manghai pakhat,

21 Taanakh manghai pakhat, Megiddo manghai pakhat,

22 Kedesh manghai pakhat, Karmel kah Jokneam manghai pakhat,

23 Dore khamyai kah Dore manghai pakhat Gilgal kah namtom manghai pakhat,

24 Tirzah manghai pakhat neh manghai boeih he sawmthum pakhat lo uh.