THOTHUENGNAH
(The Book of Leviticus)
THOTHUENNAH CABU KAWNG
Thothuengnah cabu dongah he Boeipa loh Moses taengah olkhueng a paeknah kawng te koep a cong. He cabu dongah khosoih rhoek neh khosoih aka bom Levi koca rhoek ham a hut a bibi ham koi a thui. Levi he tah Boeipa kah tueihyoeih la om tih hmuencim ah thotat uh. He cabu dongah khosoih rhoek neh Levi rhoek kah a hut la aka om hmueihhutnah, nawnnah, bawknah ben khotue rhamtang, baelyak, hnicu kawng a thui. Caak ham neh caak ham pawt koi rhamsa kawng khaw a thui.
He cabu dongah a kum ngai tah olkhueng he om tih Pathen kah olpaek aka hnatun neh aka hnatun pawt tah pilnam khaw khosoih khaw metlam a taengah a om eh ti khaw a thui. Boe aka koek hlang tah Pathen loh tlek a toel tih tih boe aka ngai hlang ham tah olkhueh he om a ti khaw a toi la a tueng sak.
A QUICK LOOK AT THIS BOOK
Hmueihhlutnah ham Olkhueng 1. 1—7. 38
Khosoih rhoek koelhnah 8. 1-36
Aaron kah hmueih 9. 1-24
Khosoih panit a duek sak 10. 1-20
Aka cim neh cim pawh rhamsa 11. 1—15. 33
Tholh dawthnah khohnin 16. 1-34
A tloe tloe ham olkhueng 17. 1—20. 27
Khosoih rhoek ham olrhi 21. 1—22. 33
Bawknah ham olkhueng 23. 1—25. 55
Yoethennah neh dantatnah 26. 1-46
Boeipa taengkah nawnnah olkhueng27. 1-34
1
Hmueih
1 BOEIPA. loh Moses te a khue tih tingtunnah dap lamkah a voek vaengah, 2 “Israel carhoek te voek lamtah amih te thui pah., 'Nangmih khuikah hlang. loh BOEIPA taengah nawnnah a khuen vaengah rhamsa, saelhung, boivakhui lamkah khaw namamih kah nawnnah la khuen.
3 Nawnnah ham hmueihhlutnahte saelhung mai koinih a tal aka cuemte tingtunnah dap thohka ah nawn saeh lamtah BOEIPA mikhmuh ah a kolonah ham nawn saeh. 4 Te vaengah hmueihhlutnah kah a lu soah a kut tloeng saeh lamtah anih ham a dawth te doe saeh. 5 BOEIPA mikhmuh ah saelhung ca te ngawn saeh lamtah khosoih Aaron ca rhoek loh a thii te khuen saeh. Te vaengah thii te tingtunnah dap thohka kah hmueihtuk so neh a kaepvai ah haeh uh saeh. 6 Hmueihhlutnah te hlaih saeh lamtah maehpoel la tloek saeh. 7 Aaron koca khosoih rhoek loh hmueihtuk ah hmai toih uh saeh lamtah hmai soah thing hueng uh saeh. 8 Maehpoel, a lu, neh a tha te hmueihtuk sokah thing toih hmai soah Aaron koca khosoih rhoek loh tloeng uh saeh. 9 A kotak neh a khote tui neh sil saeh lamtah khosoih. loh BOEIPA taengah hmuehmuei botui hmueihhlutnah hmaihlutnah la hmueihtuk ah boeih phum saeh.
10 Tedae anih kah nawnnahte boivakhui lamkah koinih hmueihhlutnah ham tah tu khaw, maae tal aka cuemte khuen saeh. 11 Tekah te BOEIPA mikhmuh kah hmueihtuk kaep kah tlangpuei ben ah ngawn saeh lamtah Aaron koca khosoih rhoek loh a thii te hmueihtuk so neh a kaepvai ah haeh uh saeh. 12 A pum te maehpoel la tloek saeh lamtah a lu neh a thate khosoih. loh hmueihtuk sokah thing toih hmai dongah tloeng saeh. 13 Tedae a kotak neh a khorhoek te tui neh sil saeh. Te phoeiah khosoih loh khuen saeh lamtah BOEIPA taengah hmuehmuei botui hmueihhlutnah hmaihlutnah la hmueihtuk ah boeih phum saeh.
14 BOEIPA taengah anih kah nawnnah ham hmueihhlutnahte vaakhui lamkah koinih vahu mai khaw, vahui ca mai khaw amah kah nawnnah ham khuen saeh. 15 Te vaengah khosoih. loh hmueihtuk la khuen saeh. A lu te a paimaelh pah phoeiah hmueihtuk ah phum saeh. A thiite hmueihtuk pangbueng dongah ci saeh. 16 Tedae a tukpoe neh a dii te poelh saeh lamtah hmueihtuk khothoeng kah maehhloi hmuen ah voei saeh. 17 Vaate a phae let pah saeh lamtah boe boel saeh. Te phoeiah khosoih. loh BOEIPA taengah hmuehmuei botui hmueihhlutnah hmaihlutnah la hmueihtuk sokah thing toih hmai dongah phum saeh.