19
Cimnah Olkhueng
1 Moses te BOEIPA loh a voek tih, 2 Tho 11. 44,45; 1Pe 1. 16.“Israel carhoek rhaengpuei boeih te voek lamtah thui pah. Na Pathen BOEIPA kamah he ka cim dongah a cim la om uh.
3 Sng 20. 12; Olr 5. 16; Sng 20. 8; Olr 5. 12.Hlang boeih loh a manu neh a napate rhih lamtah ka Sabbath khaw tuem uh. Kai tah na BOEIPA Pathen. 4 Tho 26. 1; Sng 20. 23; 34. 17; Olr 17. 2-5.Mueirholrhoek taengla hooi uh boeh. Mueihlawn pathenrhoek khaw namamih ham saii uh boeh. Kai tah na Pathen BOEIPA ni.
5 BOEIPA taengah rhoepnah hmueih na nawn vaengah khaw nangmih taengah kolonah la nawn uh. 6 Na hmueih te amah khohnin neh a vuen ah ca. Tedae a thum hnin duela a coih atah hmai neh hoeh saeh. 7 A thum hnin ah dikyik dikyakte koep a caaklaa caak atah anihte moeithen mahpawh. 8 Te te aka ca. loh BOEIPA kah a cimcaihnah te a poeih dongah amah kathaesainahte phuei saeh. Tekah hlanghing te a pilnam lamloh hnawt saeh.
9 Tho 27. 15; Olr 24. 19-22.Na khohmuen kah cang na ah uh vaengah khaw na lo saate boeih at boel lamtah na cangvuei kah a mo khaw boeih yoep boeh. 10 Na misur khaw boeih yun boel lamtah na misur mo te koep rhut boeh. Te tah mangdaeng ham neh yinlai ham hnoo pah. Kai tah nangmih kah BOEIPA Pathen ni.
11 Sng 20. 15; Olr 5. 19; Sng 20. 16; Olr 5. 20.Huen uh boeh. Basa uh boeh. Hlang khat neh khat loh a imben taengah rhilat uh boeh. 12 Sng 20. 7; Olr 5. 11; Mat 5. 33.Kai ming neh a honghi te toemngam uh boeh kai BOEIPA na Pathen ming he na poeih uh ve.
13 Olr 24. 14,15.Na hui te hnaemtaek boeh, rheth khaw rheth boeh. Kutloh kah thaphute namah taengah mincang duela rhaeh sak boeh. 14 Olr 27. 18.Hnapangte tap boeh, mikdael hmai ah hmuitoel khueh boeh. Na Pathen te rhih lah. Kai tah BOEIPA ni.
15 Sng 23. 6-8; Olr 16. 19.Tiktamnah te dumlai la saii uh boeh. tattloel maelhmai khaw dan uh boeh, hlanglen maelhmai khaw hiin uh boeh. Na imben kah lai te duengnah neh tloek uh. 16 Na pilnam taengah caemtuh ham dongpoeng boeh, na hui kah a thiite pai thil boeh. Kai tah BOEIPA ni.
17 Mat 18. 15.Na manuca te na thin neh hmuhuet boeh. Na tluung tueng atah na imben khaw tluung lamtah anih kah tholhnah te tah rhooi boeh. 18 Mat 5. 43; 19. 19; 22. 39; Mrk 12. 31; Luk 10. 27; Rom 13. 9; Gal 5. 14; Jas 2. 8.Na pilnam koca taengah phulo boel lamtah lunguen boeh. Tedae na hui te namah pum bangla lungnah. Kai tah BOEIPA ni.
19 Olr 22. 9-11.Ka khosing he ngaithuen uh, na rhamsa khaw a coom neh kui sak boeh. Na lo ah cangti aka coom tuh boeh. Himbai khaw a coomlaa yaepte na pum dongah khueh boeh.
20 Hlang khat khat loh huta taengah yalhtih yangtui a hlah phoeiah hlang kah salnu te a veet mai ni. Te vaengah a lat ham dae lat uh pawt tih poenghalnah a paek pawt atah huta te lai la om cakhaw hlang hoeng la a om pawt dongah duek sak uh boel saeh. 21 Tedae tongpa loh hmaithennah tutalte tingtunnah dap thohka kah BOEIPA taengah hmaithennah la khuen saeh. 22 Tongpa khaw tholhnah neh lai a hmuh coeng dongah amah ham hmaithennah tutal neh BOEIPA mikhmuh ah khosoih. loh dawth pah saeh. Te vaengah anih te tholhnah neh a laihmuhkhui lamloh khodawkngai saeh.
23 Khohmuen la na kun uh tih caak ok kung khat khat na ling uh vaengah a thaih te yahhmui rhet banghui la a muel la ca boeh kum thum om sak dae. 24 A kum li dongkah a thaih boeih te tah BOEIPA taengah cangkoeinah buhcim la om saeh. 25 Tedae a kum nga dongkah a thaih te ca uh lamtah a vuei khaw nangmih ham tomthap saeh. Kai tah nangmih kah Pathen BOEIPA ni.
26 Sue 9. 4; Tho 7. 26,27; 17. 10-14; Olr 12. 16,23; 15. 23; Olr 18. 10.Thii te ca uh boeh, lungso uh boeh, kutyaek khaw so uh boeh. 27 Tho 21. 5; Olr 14. 1.Na lu kah baengkite rhuep uh boeh. Na hmuimul ngalh ngalh kuet uh boeh. 28 Hinglu ham namah saa te a boenahhma khueh uh boeh. Na pum dongah mangthun ngo khaw khueh uh boeh. Kai tah BOEIPA ni.
29 Olr 23. 17.Cukhalh dongah na tanu te poeih uh boeih. Te daengah ni khohmuen. loh cukhalh pawt vetih khohmuen ah khonuen rhamtat a baetawt pawt eh. 30 Tho 26. 2.Kai kah Sabbath he ngaithuen uh lamtah ka rhokso khaw rhih uh. Kai tah BOEIPA ni.
31 Olr 18. 11; 1Sa 28. 3; 2Mg 23. 4; Isa 8. 19.Nangmih aka poeih ham rhaitonghma taengla hooi uh boeh. Hnam khaw tlap uh boeh. Kai tah nangmih kah Pathen BOEIPA ni.
32 Sampok hmai ah thoh pah lamtah patong maelhmai hiin lah. Te phoeiah na Pathen khaw rhih lah. Kai tah BOEIPA ni. 33 Sng 22. 21; Olr 24. 17,18; 27. 19.Na khohmuen ah aka bakuep yinlai te vuelvaek boeh. 34 Nangmih taengah aka bakuep yinlai te namamih lamkah mupoe bangla om van saeh. Egypt kho ah yinlai la na om uh van dongah anih te namah pum bangla lungnah. Kai tah na Pathen BOEIPA ni.
35 Olr 25. 13-16; Olc 20. 10; Eze 45. 10.Laitloeknah dongkah cungnueh ham, a khiing ham neh khoe ham dumlai la saii boeh. 36 Nangmih taengah duengnah cooi, duengnah coilung, duengnah cangnoek, neh duengnah bunang mah dawk om saeh. Kai tah Egypt kho lamkah nangmih aka khuen na Pathen BOEIPA ni. 37 Ka khosing boeih te ngaithuen uh lamtah ka laitloeknah boeih te vai uh lah. Kai tah BOEIPA ni,” a ti nah.
19.2 Tho 11. 44,45; 1Pe 1. 16.
19.3 Sng 20. 12; Olr 5. 16; Sng 20. 8; Olr 5. 12.
19.4 Tho 26. 1; Sng 20. 23; 34. 17; Olr 17. 2-5.
19.9 Tho 27. 15; Olr 24. 19-22.
19.11 Sng 20. 15; Olr 5. 19; Sng 20. 16; Olr 5. 20.
19.12 Sng 20. 7; Olr 5. 11; Mat 5. 33.
19.13 Olr 24. 14,15.
19.14 Olr 27. 18.
19.15 Sng 23. 6-8; Olr 16. 19.
19.17 Mat 18. 15.
19.18 Mat 5. 43; 19. 19; 22. 39; Mrk 12. 31; Luk 10. 27; Rom 13. 9; Gal 5. 14; Jas 2. 8.
19.19 Olr 22. 9-11.
19.26 Sue 9. 4; Tho 7. 26,27; 17. 10-14; Olr 12. 16,23; 15. 23; Olr 18. 10.
19.27 Tho 21. 5; Olr 14. 1.
19.29 Olr 23. 17.
19.30 Tho 26. 2.
19.31 Olr 18. 11; 1Sa 28. 3; 2Mg 23. 4; Isa 8. 19.
19.33 Sng 22. 21; Olr 24. 17,18; 27. 19.
19.35 Olr 25. 13-16; Olc 20. 10; Eze 45. 10.