83
Thunkha ham Thangthuinah
[Asaph kah Tingtoeng Laa]
1 Pathen aw, nang taengah dingsueknah tal nim.
Pathen aw omlip boel lamtah mong boeh.
2 Na thunkha rhoek loh hue a sak tih
na lunguet rhoek loh lu a dangrhoek uh soeh ke.
3 Na pilnam te baecenol neh muet uh tih
na khoem rhoek taengah uento uh thae.
4 Amih vik loh,
“Halo uh lamtah namtom bangla amih ke thup sih.
Te daengah ni Israel ming a thoelh uh voel pawt eh,” a ti uh.
5 Nang kah a voel ah lungbuei thikat la
toidal uh thae tih moi aka bop rhoek tah,
6 Edom dap rhoek neh Moab, Ishmael, Hagri,
7 Gebal, Ammon, Philistia, Amalek, neh
Tyre kah khosa hmaih rhoek,
8 Amih te Assyria loh a koei pataeng tih
Lot koca ham bantha la coeng uh.
(Selah)
9 Ltk 7.1-23; Ltk 4.6-22Amih te Kishon soklong kah Midian,
Sisera neh Jabin bangla saii lah.
10 Endor ah mitmoeng uh tih
diklai ah aek la poeh uh.
11 Ltk 7.25; Ltk 8.12Amih kah hlangcong rhoek te
Oreb neh Zeeb, Zebah bangla,
a boeimang boeih te Zalmunna bangla khueh lah.
12 Amih loh, “Pathen kah toitlim te
mamih ham huul uh sih,” a ti uh.
13 Ka Pathen aw amih te humhae bangla,
khohli hmai kah divawt bangla khueh lah.
14 Hmai loh duup a dom tih hmaisai loh
tlang a hlawp bangla han coeng sak.
15 Amih te na hlipuei neh hloem van lamtah
amih te na cangpalam neh let sak lah.
16 Amih maelhmai te yah bai lamtah
BOEIPA nang ming te toem uh saeh.
17 Amih te yahpok uh saeh lamtah let uh saeh.
A yoeyah la a hmai tal uh saeh lamtah milh uh saeh.
18 Te dongah diklai pum ah nang tah na ming YAHWEH tih,
namah bueng te Khohni tila ming uh saeh.