105
Pilnam taengah Pathen kah Sitlohnah
1 BOEIPA te uem uh lah.
A ming te khue uh lah.
A khoboe te pilnam rhoek taengah tukkil uh lah.
2 Amah te hlai uh lah.
Amah te tingtoeng uh lamtah
amah kah khobaerhambae boeih te lolmang taeng uh lah.
3 A ming cim neh thangthen uh lamtah,
BOEIPA aka tlap rhoek kah a lungbuei tah a kohoe saeh.
4 BOEIPA neh amah kah a sarhi te tlap lah.
A maelhmai khaw tlap taitu lah.
5 A kopoekrhai a saii neh a ka dongkah laitloeknah bangla
anih khobaerhambae khaw,
6 A sal Abraham tiingan neh a coelh
Jakob koca rhoek loh thoelh uh lah.
7 BOEIPA amah ni mamih kah Pathen coeng.
A laitloeknah khaw diklai pum ah om.
8 A paipi te kumhal duela a thoelh dongah
cadilcahma thawngkhat ham olka a uen.
9 Sue 12.7; 17.8; Sue 26.3Abraham neh Isaak taengah a saii a olhlo te,
10 Sue 28.13Jakob taengah oltlueh la,
Israel taengah kumhal paipi la a sut pah.
11 Te dongah, “Kanaan kho rhi te na rho la
nang taengah kam paek ni,” na ti nah.
12 A hlang kah hlangmi te a sii la om pueng tih,
a khuiah bakuep uh.
13 Te vaengah namtom taeng lamkah namtom taengla,
ram pakhat lamkah pilnam pakhat taengla poengdoe uh.
14 Sue 20.3-7Amih aka hnaemtaek ham hlang khueh pah pawt tih
amih kongah manghai rhoek khaw a tluung pah.
15 Ka koelh soah ben boel lamtah
ka tonghma rhoek te thaehuet thil boeh,” a ti nah.
16 Sue 41.53-57Khokha a khue vaengah kho khuiah conghol neh
caak boeih te a phae pah.
17 Sue 37.28; 45.5Amih hmai kah a tueih hlang,
Joseph te sal bangla a yoih.
18 Sue 39.20—40.23A kho te hlong neh a phaep pah uh tih,
a hinglu ah thicung loh a toeh.
19 A olthui a thoeng tue a pha due
BOEIPA kah olthui loh ol loh anih te a cil a poe.
20 Sue 41.14Manghai loh a tah dongah
pilnam aka taem loh anih a doek tih a hlah.
21 Sue 41.39-41Amah im kah boei neh
a hnopai boeih aka taemrhai hamla,
22 A hinglu bangla a mangpa rhoek te khoh tih
a hamca rhoek te cueih sak ham te a khueh.
23 Sue 46.6; Sue 47.11Te vaengah Israel loh Egypt la kun tih
Jakob loh Ham kho ah bakuep.
24 Sng 1.7-14Tedae a pilnam te muep a pungtai sak tih
a rhal rhoek lakah a yet sak.
25 BOEIPA loh a sal rhoek te rhaithi sak tih,
a pilnam aka hmuhuet ham
Egypt rhoek kah lungbuei te a maelh pah.
26 Sng 3.1—4.17A sal Moses neh anih ham
a coelh Aaron te a tueih.
27 Amih rhoi loh Egypt rhoek taengah
Boeipa kah miknoek olka a tueng sak rhoi tih,
Ham kho ah khaw kopoekrhai hno te a tueng sak rhoi.
28 Sng 10.21-23Khohmuep a tueih tih a hmuep sak dongah
Boeipa kah olthui olka te koek uh thai pawh.
29 Sng 7.17-21A tui te thii la a poeh sak tih
a nga khaw a duek sak.
30 Sng 8.1-6A kho kah bukak rhoek te a manghai rhoek kah
imkhui la a khae sak.
31 Sng 8.20-24; Sng 8.16,17Amah loh a uen tih a khorhi tom ah
pil neh pilhlip uihli tlung.
32 Sng 9.22-25Khonal te rhael la a poeh sak tih
a kho ah hmaisai hmai la coeng.
33 A misur neh a thaibu te khaw a haih pah tih
a khorhi kah thing te a khaem pah.
34 Sng 10.12-15A uen bal tih kaisih neh
lungang te tae na pawt la halo.
35 Te vaengah a kho kah baelhing boeih a caak tih
a khohmuen kah a thaihtae khaw a caak pah.
36 Sng 12.29A kho khuikah caming boeih neh
a thahuem boeih khuikah a thaihcuek te a ngawn pah.
37 Sng 12.33-36Te vaengah amih te cak neh,
sui neh ham pawk puei dongah
amah koca rhoek khuikah tah paloe pawh.
38 Amih Egypt rhoek te birhihnah loh a vuei tih
amih rhoek a nong vaengah a kohoe uh.
39 Sng 13.21,22Himbaiyan bangla cingmai a yaal pah tih
khoyin ah hmai a vang pah.
40 Sng 16.2-15A bih vaengah tanghuem a khuen pah tih
vaan kah buh te amih a kum sak.
41 Sng 17.1-7; Lmp 20.2-13Lungpang a ong vaengah tui ha phuet tih
rhamrhae ah tuiva la a long sak te,
42 a sal Abraham taengkah
a olkhueh cim te a poek dongah ni.
43 A pilnam khaw omngaihnah
tamlung a coelh neh a khuen.
44 Jos 11.16-23Te vaengah namtu rhoek kah
a thakthaenah namtom khohmuen te
a paek tih a pang uh te,
45 a oltlueh ngaithuen sak ham neh
a olkhueng te kueinah sak ham ni.
BOEIPA te thangthen lah.