123
Pathen kah Kolonah
[Tangtlaeng Laa]
1 Vaan ah aka ngol nang taengla
ka mik te ka huel.
2 A boei rhoek kut taengkah
salpa rhoek kah mik bangla,
a boeinu kut taengkah salnu mik bangla
mamih n'rhen duela mamih mik he
mamih kah Pathen BOEIPA taengah om van ne.
3 Nueihbu he muep ka cung coeng dongah
rhen kaimih he n'rhen lah.
BOEIPA aw kaimih he n'rhen lah.
4 Mongkawt kah tamdaengnah,
hlangoek kah nueihbu loh
kaimih hinglu te muep a cung sak coeng.