JOHAN KAH OLPHONG
(The Revelation to John)
OLPHONG CABU KAWNG
Caeltueih Johan loh Pathen ol neh Jesuh Khrih loh a saii tangtae a hmuh te tahae kah cabu dongah a thui (1.2). Te olthang te a boel pathum la om tih;
(1) Diklai ah boethae neh hlang muen muep phoe vetih Khrihca rhoek tah dueknah, hnaemtaeknah a yook ni.
(2) Jesuh tah Boei la om tih Pathen aka tloelh hlang boeih neh pilnam boeih te a uk.
(3) Pathen kah kopoekrhai kutdoe thapang te uepom pilnam taengah a thuung ni.
Tangnah dongah uepom la aka duek rhoek ham tah tahae kah olthang he a tha-om. Roman ukkung rhoek me tluk la tlung sitoe cakhaw a hnukhueng atah tuca boengai long ni a ta eh. Uepom hlang rhoek ham thaomnah a paek.
Bible Olkhueh Rhuem dongkah bangla olkael la boeih a thui te Khrihca rhoek long tah a yaakming te Roman ukkung loh yakming pawh. Thuinah ah a boel 18 dongah Babylon cungku pawn ni a ti he Roman uknah rhawk pawn ni a ti ngaihnah ni. Te dongah Khrihca rhoek ham ngaiuepnah a paek.
Capat a tongnah la hlangboel parhih taengah ca a pat. A thui ngaihnah tah hnaemtaeknah a pai vaengah tangca rhoek loh a saii ham koi te a thuingaihnah ni (2.1—3.22).
Pathen kah laitloeknah he a tloh la a tueng sak tih; Pathen kah laitloeknah ngolkhoel (4.1-11) Cabu cim neh tuca noe (5.1-14) he sawt vaengah a cungkuem he Khrih kut dongah ni a om. Te phoeiah kutnoek a ongnah kawng (6.1—8.5), olueng a uengnah kawng (8.6—11.19), bungnah parhih kawng (16.1-21) he diklai ah laitloeknah kawng ni a thui. Hekah cabu he AD 95 tluk ah a tael coini a ti.
Johan kah olphong (1.1-8)
Boeipa kah mangthuinah (1.9-20)
Hlangboel parhih ham capat (2.1—3.22)
Vaan ah Pathen bawknah kawng(4.1-11)
Cayol neh kutnoek parhih (5.1—6.17)
Pathen ngolkhoel hmaikah bawknah (7.1-17)
Olueng parhih kawng (8.1—11.19)
Tuihnam neh satlung kawng (12.1—13.18)
Pathen kah laitloeknah (14.1—15.8)
Pathen kah thintoek bunang parhih (16.1-21)
Pathen kah rhal tah boe coeng (17.1—20.10)
Hnukkhueng kah laitloeknah (20.11-15)
Vaan a thai neh diklai a thai (21.1-8)
Jerusalem thai (21.9—22.5)
Khrih ha rhum pawn ni (22.6-21)
1
Olrhoeknah
1 Jesuh Khrih kah pumphoenah te Pathen loh anih taengah a paek. Te te a sal rhoek taengah tueng ham thamaa la a thoeng a kuek. Te dongah a puencawn lamloh a tueih tih a sal Johan taengla a phoe sak. 2 Anih loh Pathen kah olka neh Jesuh Khrih kah olphong a hmuh boeih te a phong. 3 A tae vaengah tonghma ol dongkah ol te a yaak tih a khuikah a daek te aka tuem tah a yoethen. A tue tah yoei coeng.
4 Sng 3.14; Olp 4.5Johan loh Asia kah hlangboel parhih taengah a yaak sak. Om tih a om phoeiah aka lo li taengkah neh a ngolkhoel hmaiah aka om Mueihla parhih lamkah khaw, 5 Isa 55.4; Tgt 89.27Uepom laipai, aka duek rhoek khuikah caming omthang neh diklai manghai rhoek kah boei, mamih aka lungnah tih a thii neh mamih kah tholhnah lamkah mamih aka hlam Jesuh Khrih lamkah lungvatnah neh ngaimongnah nangmih taengah om saeh. 6 Sng 19.6; Olp 5.10Mamih khaw ram la n'saii tih a napa Pathen taengah khosoih la aka nawn amah te thangpomnah neh thaomnah kumhal kah kumhal duela soep saeh. Amen. 7 Dan 7.13; Mat 24.30; Mrk 13.26; Luk 21.27; 1Th 4.17; Zek 12.10; Jhn 19.34,37; Zek 12.10; Mat 24.30Khomai neh ha pawk coeng ke. Te dongah amah te mik cungkuem neh amah aka thun rhoek loh a hmuh uh ni. Te vaengah diklai kah koca boeih loh anih a rhaengsae thil uh ni. Thuem Amen. 8 Olp 22.13; Sng 3.14Kai tah Alpha neh Omega la ka om. A om tangtae neh aka om li tih aka lo tloengkhoelh Boeipa Pathen loh a thui.
Thoo koep Boeipa a Mangsak
9 Kai Johan, nangmih kah manuca neh phacip phabaem neh a ram ah aka bawn tih Jesuh ah uehnah loh Patmo la a khue tuisanglak ah Pathen kah olka neh Jesuh kah laipai ham ka pha. 10 Boeipa kah khohnin ah mueihla neh ka pha hatah ka hnukah olueng bangla ol ue ka yaak. 11 Te vaengah, “Na hmuh te cayol ah daek lamtah Ephesa, Smyna, Pergamum, Thyatira, Sardis, Philadelphia, neh Laodicea kah hlangboel parhih te pat,” a ti.
12 Te dongah kai taengah ol aka thui te sawt ham ka mael. Te phoeiah ka mael hatah sui hmaitung parhih ka hmuh. 13 Dan 7.13; Dan 10.5Hmaitung kah a laklo ah hlang capa phek te om. A dung la a hni a bai tih a rhang ah sui lamko a vah. 14 Dan 7.9Dan 10.6Anih kah a lu khaw, a sam khaw tumul aka bok neh vuelsong bangla bok tih a mik khaw hmai bangla tak. 15 Ezk 1.24; 43.2A kho tah hmai alh ah a rhoh tangtae rhohum ngo phek la om tih a ol tah tuipuei ol bangla len. 16 A kut bantang kut ah aisi parhih om tih a ka lamkah voeivang ah aka haat thunglang ha thoeng. A maelhmai tah a thaomnah neh khomik bangla sae.
17 Isa 44.6; 48.12; Olp 2.8; 22.13Anih ka hmuh vaengah aka duek bangla a kho kung ah ka bung. Te vaengah a bantang kut kai soah a tloeng tih, “Rhih boeh, Kai tah lamhma neh hnukkhueng la ka om. 18 Ka hing bal tih ka duek bal coeng dae kumhal kah kumhal duela aka hing la ka om coeng he. Dueknah neh saelkhui kah cabi khaw ka khueh. 19 Te dongah na hmuh te khaw, aka om rhoek neh hekah phoeiah aka thoeng ham te daek lah. 20 Aisi parhih kah olhuep tah kai kah bantang ah sui hmaitung parhih lah na hmuh coeng te. Aisi parhih tah hlangboel parhih kah puencawn la om uh tih hmaitung parhih tah hlangboel parhih ni,” a ti.