10
Tangnah nen Bueng ni
Khatben ah manuca rhoek, khangnah ham amih yueng Pathen taengah ka thinko kah kolonah tah rhenbihnah ni. Pathen kah kohlopnah a khueh uh te amih ham ka phong pah. Tedae mingnah nen moenih. Pathen kah duengnah vik te a mangvawt uh tih amah kah duengnah thoh ham ni a toem uh. Te dongah Pathen kah duengnah dongah boe a ngai uh moenih. Te dongah aka tangnah rhoek boeih te duengnah ham olkhueng kah a bawtnah tah Khrih ni. Tho 18.5Moses loh olkhueng kah duengnah kawng te a daek coeng. Te tla a saii daengah ni hlang loh te nen te a hing eh. Olr 30.12-14Tedae tangnah kah duengnah loh, “Na thinko ah, ‘Unim Vaan la aka luei eh? Te tah Khrih aka khuen la om. Te phoeiah, ‘Unim tangrhom dung la aka suntla eh? Te duek lamkah hang khuen ham tila Khrih ni,’ ti boeh,” a ti tangloeng.
Tedae balae n'ti lah eh? Olka te na taengah, na ka ah, na thinko ah om. Tekah aka om tangnah olka la ka hoe uh te. Boeipa Jesuh te na ka neh na phong tih duek lamkah anih aka thoh Pathen te na thinko ah na tangnah atah na daem ni. 10 Thinko neh a tangnah te duengnah la, ka neh a phong te khangnah la om. 11  Isa 28.16Te dongah cacim loh, “Amah te aka tangnah boeih tah yahpok mahpawh. 12 Judah neh Greek laklo ah hlihloehnah a om moenih. Boeipa amah tah hlang boeih kah ni. Amah aka phoei rhoek boeih taengah a khuehtawn sak. 13  Joe 2.32Te dongah boeipa ming aka khue boeih te tah daem ni.
Israel kah a Hnoel
14 Tedae a tangnah uh mueh la amah te metlam a khue uh eh? A yaak uh mueh la amah te metlam a tangnah uh eh? A hoe mueh la metlam a yaak uh eh? 15  Isa 52.7A tueih uh pawt atah metlam a hoe uh eh? A daek vanbangla
hnothen te aka phong rhoek kah
a kho tah sawtthen tangkik.
16  Isa 53.1Tedae olthangthen te hlang boeih loh a ngai uh moenih. Isaiah loh, “Boeipa kaimih kah olthang he u long a tangnah,” a ti.
17 Te dongah tangnah tah hnavue lamloh, hnavue tah Khrih kah olka lamloh ha om. 18  Tgt 19.4Tedae, “A yaak uh moenih a?” ka ti.
Amih kah oldi loh diklai pum la cet tih,
amih kah olka loh lunglai a bawtnah due a pha.
19  Olr 32.21Tedae, “Israel loh ming pawt nim?” ka ti. Moses loh lamhma la,
“Kai tah namtom pawt nen khaw
nangmih kan thatlai thil ni.
Lungmong namtom rhangneh
nangmih kan sai sak ni,” a ti.
20  Isa 65.1Te dongah Isaiah tah a rhalthen tih,
“Kai aka toem pawt rhoek loh m'hmuh tih
kai aka dawt pawt rhoek taengah aka phoe la ka om,” a ti.
21  Isa 65.2Te phoeiah Israel taengah, “Ka kut te hnin at puet pilnam ol aek neh boekoek taengah ka phuel coeng,” a ti nah.

10.5 Tho 18.5

10.6 Olr 30.12-14

10.11 Isa 28.16

10.13 Joe 2.32

10.15 Isa 52.7

10.16 Isa 53.1

10.18 Tgt 19.4

10.19 Olr 32.21

10.20 Isa 65.1

10.21 Isa 65.2