Tobit
TOBIT CABU KAWNG
Tobit cabu dongah he bawknah yancil olbangla cueihnah kawng muep a tael. Tobit he Israel hlang uepom hlang la om dae Assyria ram Nineveh ah tamna la a khuen uh. Israel ram he Assyria loh BC 722 vaengah a loh. Hekah cabu loh olpuei n'cang puei tah; Pathen taengah uepom la om ham, khodae lungma bomcen ham, manu napa hinyah ham a kuek kawng a thui. Rhainah, dantatnah neh noemcai mai cakhaw Pathen tah thangthuinah rhoirhi kung Pathen la om. Amah taengah uepom la aka om tah anih ham Pathen khaw uepom la om van ni.
Hlangcueih olka neh thangthuinah te Tobit cil dongah a longim la tlueptluep a tael. Taengvai ah boekoeknah muep om mai cakhaw Tobit tah a dueng long neh hinyah kap la hing. Mikdael neh tattloel la om cakhaw Tobit long tah Pathen olkhueng te khak a tuuk. Te dongah miktueknah neh sadingnah te koep a dang.
A pabae ah Ecbatana kah Israel nu hula ca Sarah kawng te a thui. Anih te va sak dae imbuh a cah hlaem ah rhaithae a va te vikvik a ngawn pah. Te dongah a va parhih hil a duek pah. Tobit neh Sarah kah thangthuinah te Pathen loh a hnatun dongah Tobit capa Tobias neh vaan puencawn Raphael te Pathen loh a tueih pah. Pathen loh ka thangthuinah hnatun pawt mai coini n'ti vaengah khaw thangthuinah dongah uepom la pai ham he olpuei la a thui. Tobit cabu he tah AD 70 tluk ah tael mai coini a ti.
Sawt Yoeinah
Tobit kah mikdaelnah kawng (1:1—2:14)
Tobit neh Sarah thangthuinah (3:1–16)
Tobias ham hoihaengnah (4:1—5:22)
Tobias neh Raphael Media la caehnah (6:1—11:5)
Tobit a mik tueng (11:7—12:22)
Tobit kah laa (13:1—14:15)
1
1 He cabu long tah Naphtali koca, Asiel cadil, Rhaphel capa Gabael aka a ca Aduel capa, Haniel capa Tobiel kah a capa Tobit kah cil kawng te a thui 2 Anih tah Assyria kah manghai Shamnesrt tue vaengah Thisbe lamloh Phogor tlangpuei khotlak kah Asher kungkueng a so Galilee kah Naphtali Kehdesth tuithim ah tamna la a khuen.
Tobit kah A Rhoengnah
3 Kai, Tobit tah ka hing tue khuiah ah oltak neh duengnah longpuei ah ni ka pongpa. Assyria khohmuen kah Nineveh ah vangsawn la aka cet ka pilnam taeng neh ka manuca taengah khaw sitlohnah bibi he muep ka saii.
4 Kamah khohmuen Israel kho ah ka om vaengah camoe la ka om pueng. Te vaengah a pa Naphtali loh Jerusalem neh David imkhui te a thoh. Khopuei te tah Israel koca boeih khui lamloh a tuek coeng. Teah te Israel koca boeih loh hmueih nawn saeh. Teah tah Pathen om nah bawkim om. Te te kumhal kah cadilcahma boeih ham a ciim tih a thoh coeng
5 Israel manghai Jeroboam loh Dan neh Galilee tlang boeih a nawn vaito ca te ka manuca neh Naphtali imkhui kah a pa rhoek loh a bawk uh coeng.
6 Kai kamah bueng ni Jerusalem kah khoning vaengah khaw ka cet. Tetah kumhal kah oltloek neh Israel boeih hamla a saii coeng. Ka thaicuek neh, boiva dukcuek neh, saelhung parha pakhat neh, tu mul a rhuep cuek neh Jerusalem la ka cet paitok 7 Hmueihtuk kah Aaron koca, khosoih rhoek te he ni ka paek eh. Canghum parha pakhat, misurtui, olive situi, talae thaih, thaibu neh thingthaih boeih te Jerusalem kah bi aka bi Levi koca taengah ka pae eh. A kum rhuk dongah khaw parha ah panit te ka tung tih Jerusalem la ka caeh vaengah ka tael eh.
8 Parha ah pathum tah cadah nuhmai neh amah Israel hlang la aka coeng hlang rhoek hamla ka tael pah. Te te ka khuen tih a kum thum dongah amih hamla ka tael pah. Te tah a pa Tobiel manu, Deborah kah oluen bangla, Moses kah olkhueng oltloek bangla ka caak. Kai khaw a pa duek tih cadah lam ni kai n'khueh. 9 Hlang la ka poeh vaengah tah ka huiko khuii lamkah te ka yuu la ka loh. Anih rhangneh kai he Tobias ka sui, tongpa pakhat kah a napa la ka poeh.
Nineveh La a Khuen
10 Assyria ah tamna la n'khuen tih Nineveh ah khaw tamna la ka om. Te vaengah ka huiko boeih te ka pilnam loh namtom kah buh te a caak. 11 Tedae kai tah namtom kah buh aka ca khui lamloh ka cue uh. 12 Ka hingnah boeih neh Pathen aka poek la ka om dongah. 13 Khohni loh kai tah Shalmaneser taengah khaw kolonah neh hnothen ni m'paek. 14 Anih a dueknah rhi Media la ka cet tih anih hamla ka thenpom pah. Media khohmuen kah ka om vaengah Gabri manuca Gabael taengah tangka sungkoi, talen parha aka ting te ka khueh pah. 15 Tedae Shalmaneser a duek vaengah tah a capa Sennkherih te anih yuengla manghai. Te vaengah Media longpuei tah rhih om coeng tih ka cet voel pawh.
Thinom neh Rhok Vueinah
16 Shalmaneser tue vaengah he ka pilnam neh ka huiko taengah sitlohnah bih he muep ka saii. 17 Ka buh te bungpong taengah, ka himbai te pumtling taengah ka paek. Nineveh vong hilp kah a voeih ka pilnam kah duek rhok te ka hmuh vaengah ka khoem pah.
18 Judea lamloh aka yong tih Sennakherib loh a duek sak rhoek kah rhok te khaw ka khoem pah. Te vaeng tue ah anih te amah kah salphamnah vanbangla vaan kah manghai loh a duek sak. A thintoek dongah Israel ca muep a duek sak. Tedae a huep la rhok ka khuen tih ka up. Te rhoek te Sennakherib loh a tlap dae a hmuh moenih. 19 Te dongah Nineveh hlang pakhat te cet tih manghai taengah kai kawng a thui. Te dongah kamah khaw ka thuh uh. Manghai loh kai kawng a ming tih kai duek sak ham n'tlap te ka ming vaengah tah ka rhih tih ka yong. 20 Ka koerhang boeih te khaw hang rhawt. Pakhat kangna khaw paih pawh. A cungkuem te manghai koe la a loh tih ka yuu Anna neh ka capa Tobias bueng te sueng.
21 Tedae khohnin likip a koe hlan ah Sennakherih te a ca rhoi loh a ngawn tih Ararat tlang la a yong tak rhoi. Te phoeiah tah a capa Esarhadon te anih yuengla manghai. Anih long tah ka manuca Hanael capa, Ahikat te a tuek tih ram tom kah boeih kah a soah a khueh. Uktaemnah boeih soah saithainah khaw anih te a paek. 22 Anih loh kai n'tungaep dongah Nineveh la ka mael. Te vaengah Ahikat tah tultael boeih, kutcin boei neh Assyria manghai Sennakherib kut hmuikah taemrhainah boeih aka hutnah la om. Te dongah Esarhadon te koep a tuek. Anih tah ka ca la om tih ka huiko rhep la om.