6
लेवी
1 लेवी के बेटामन:
गेरसोन, कहात अऊ मरारी।
2 कहात के बेटामन:
अमराम, ईसहार, हेबरोन अऊ उजीएल।
3 अमराम के संतान:
हारून, मूसा अऊ मिरियम।
हारून के बेटामन:
नादाब, अबीहू, एलिआजर अऊ ईतामार।
4 एलिआजर ह पीनहास के ददा रिहिस,
पीनहास ह अबीसू के ददा,
5 अबीसू ह बुक्की के ददा,
बुक्की ह उज्जी के ददा,
6 उज्जी ह जरहयाह के ददा,
जरहयाह ह मरायोत के ददा,
7 मरायोत ह अमरयाह के ददा,
अमरयाह ह अहीतूब के ददा,
8 अहीतूब ह सादोक के ददा,
सादोक ह अहीमास के ददा,
9 अहीमास ह अजरयाह के ददा,
अजरयाह ह योहानान के ददा,
10 योहानान ह अजरयाह के ददा
जऊन ह सुलेमान के यरूसलेम म बनाय गे भवन म पुरोहित के काम करय,
11 अजरयाह ह अमरयाह के ददा,
अमरयाह ह अहीतूब के ददा,
12 अहीतूब ह सादोक के ददा,
सादोक ह सल्लूम के ददा,
13 सल्लूम ह हिलकियाह के ददा,
हिलकियाह ह अजरयाह के ददा,
14 अजरयाह ह सरायाह के ददा,
अऊ सरायाह ह योसादाक*इबरानी म यहोसादाक के ददा रिहिस।
15 जब यहोवा ह यहूदा अऊ यरूसलेम ला नबूकदनेसर के दुवारा बंधुवई म भेज दीस, तब योसादाक घलो बंधुवई म चल दीस।
16 लेवी के बेटामन:
गेरसोन, कहात अऊ मरारी।
17 गेरसोन†इबरानी म गेरसोम के बेटामन के नांव ये रिहिस:
लिबनी अऊ सिमी।
18 कहात के बेटामन:
अमराम, ईसहार, हेबरोन अऊ उजीएल।
19 मरारी के बेटामन:
महली अऊ मूसी।
अपन-अपन ददा के परिवार के मुताबिक लेवीमन के कुल ये होईन:
20 गेरसोन के संतान:
लिबनी, लिबनी ले यहत,
ओकर ले जिम्मा, 21 ओकर ले योआह,
योआह ले इद्दो, इद्दो ले जेरह,
जेरह ले यातरै।
22 कहात के संतान:
कहात के बेटा अमीनादाब, ओकर बेटा कोरह,
ओकर बेटा अस्सीर, 23 ओकर बेटा एलकाना,
ओकर बेटा एबियासाप, ओकर बेटा अस्सीर,
24 ओकर बेटा तहत, ओकर बेटा उरीएल,
ओकर बेटा उजियाह अऊ ओकर बेटा साऊल।
25 एलकाना के संतान:
अमासै अऊ अहीमोत,
26 ओकर बेटा एलकाना, ओकर बेटा सोपै,
ओकर बेटा नहत, 27 ओकर बेटा एलीआब,
ओकर बेटा यरोहाम, ओकर बेटा एलकाना,
अऊ ओकर बेटा समूएल।
28 समूएल के बेटामन:
ओकर जेठा योएल
अऊ दूसरा अबियाह।
29 मरारी के संतान:
महली, ओकर बेटा लिबनी,
ओकर बेटा सिमी, ओकर बेटा उज्जा,
30 ओकर बेटा सिमा, ओकर बेटा हग्गियाह
अऊ ओकर बेटा असायाह।
मंदिर के संगीतकार
31 यहोवा के भवन म सन्दूक ला रखे जाय के बाद, दाऊद ह यहोवा के भवन म संगीत के जिम्मेदारी जेमन ला दीस, ओमन ये अंय। 32 जब तक सुलेमान ह यरूसलेम म यहोवा के मंदिर ला नइं बनवा लीस, तब तक येमन पबितर-तम्बू, मिलापवाला तम्बू के आघू म संगीत के दुवारा सेवा करिन। येमन ओमन के ऊपर लागू बिधि के मुताबिक अपन काम करिन।
33 येमन ओ आदमी रिहिन, जेमन अपन बेटामन के संग सेवा करिन:
कहातीमन ले:
हेमान संगीतकार,
जऊन ह योएल के बेटा रिहिस, अऊ योएल ह समूएल के,
34 समूएल ह एलकाना के, एलकाना ह यरोहाम के
यरोहाम ह एलीएल के, एलीएल ह तोह के,
35 तोह ह सूप के, सूप ह एलकाना के,
एलकाना ह महत के, महत ह अमासै के,
36 अमासै ह एलकाना के, एलकाना ह योएल के,
योएल ह अजरयाह के, अजरयाह ह सपनयाह के,
37 सपनयाह ह तहत के, तहत ह अस्सीर के,
अस्सीर ह एबियासाप के, एबियासाप ह कोरह के,
38 कोरह ह ईसहार के, ईसहार ह कहात के,
कहात ह लेवी के, अऊ लेवी ह इसरायल के बेटा रिहिस;
39 अऊ हेमान के सहयोगी आसाप, जऊन ह ओकर जेवनी कोति रहिके सेवा करय:
आसाप ह बेरेकियाह के बेटा रिहिस, अऊ बेरेकियाह ह सिमा के,
40 सिमा ह मिकाएल के, मिकाएल ह बासेयाह के,
बासेयाह ह मलकियाह के, 41 मलकियाह ह एत्नी के,
एत्नी ह जेरह के, जेरह ह अदायाह के,
42 अदायाह ह एतान के, एतान ह जिम्मा के,
जिम्मा ह सिमी के, 43 सिमी ह यहत के,
यहत ह गेरसोन के, अऊ गेरसोन ह लेवी के बेटा रिहिस;
44 अऊ ओमन के सहयोगी, मरारीमन ओकर डेरी कोति रहंय:
एतान ह कीसी के बेटा रिहिस, कीसी ह अब्दी के,
अब्दी ह मल्लूक के, 45 मल्लूक ह हसबियाह के,
हसबियाह ह अमसयाह के, अमसयाह ह हिलकियाह के,
46 हिलकियाह ह अमसी के, अमसी ह बानी के,
बानी ह सेमेर के, 47 सेमेर ह महली के,
महली ह मूसी के, मूसी ह मरारी के,
अऊ मरारी ह लेवी के बेटा रिहिस।
48 ओमन के संगी लेवीमन ला पबितर-तम्बू, परमेसर के भवन म आने जम्मो किसम के काम दिये गे रिहिस। 49 पर सिरिप हारून अऊ ओकर बेटा अऊ ओकर संतानमन महा पबितर स्थान म करे गे जम्मो काम के संबंध म होम-बलिदान के बेदी अऊ धूप के बेदी म भेंट चघावंय अऊ इसरायलीमन बर प्रायस्चित करंय जइसन कि परमेसर के दास मूसा ह हुकूम दे रिहिस।
50 हारून के संतान येमन रिहिन:
ओकर बेटा एलिआजर, ओकर बेटा पीनहास,
ओकर बेटा अबीसू, 51 ओकर बेटा बुक्की,
ओकर बेटा उज्जी, ओकर बेटा जरहयाह,
52 ओकर बेटा मरायोत, ओकर बेटा अमरयाह,
ओकर बेटा अहीतूब, 53 ओकर बेटा सादोक,
ओकर बेटा अहीमास।
54 ओमन के इलाका म ओमन के बसाहट के मुताबिक जऊन भाग ओमन ला दिये गीस, ओमन ये रिहिन (हारून के संतान, जेमन कहाती कुल के रिहिन, ओमन ला ये भाग दिये गीस, काबरकि पहिली चिट्ठी ओमन के नांव म निकलिस):
55 ओमन ला चारों कोति के चरागन समेत यहूदा प्रदेस म हेबरोन मिलिस। 56 (पर सहर के चारों कोति के खेत अऊ गांवमन ला यपुन्ने के बेटा कालेब ला दिये गीस।) 57 हारून के संतानमन ला हेबरोन (एक सरन लेय के सहर), अऊ लिबना, यत्तीर, एसतमोआ 58 हीलेन अऊ दबीर, 59 आसान, यूता अऊ बेत-सेमेस अऊ ये सहरमन के संग ओमन के चरागनमन घलो दिये गीस।
60 अऊ बिनयामीन के गोत्र म ले ओमन ला गिबोन, गेबा, आलेमेत अऊ अनातोत सहर ओमन के चरागनमन के संग दिये गीस।
कहाती कुल के मनखेमन के बीच बांटे गय नगरमन के कुल संखिया तेरह रिहिस।
61 बाकि बांचे कहात के संतानमन ला मनस्से के आधा गोत्र के कुलमन ले दस नगर चिट्ठी डालके बांट दिये गीस।
62 गेरसोन के संतानमन ला ओमन के कुलमन के मुताबिक इस्साकार, आसेर अऊ नपताली के गोत्र अऊ बासान म रहइया मनस्से के गोत्र के भाग म ले तेरह नगर मिलिस।
63 मरारीमन के कुलमन के मुताबिक ओमन ला रूबेन, गाद अऊ जबूलून के गोत्र म ले बारह नगर चिट्ठी डालके बांट दिये गीस।
64 इसरायलीमन लेवीमन ला ओ नगरमन ला चरागन समेत दीन।
65 ओमन ला यहूदा, सिमोन अऊ बिनयामीन के गोत्र म ले ओ नगरमन चिट्ठी डालके दिये गीन, जेमन के नांव ऊपर दिये गे हवय।
66 कहाती के कुछू कुलमन ला ओमन के इलाका के नगरमन के रूप म एपरैम के गोत्र ले दिये गीस।
67 ये किसम ले ओमन ला एपरैम के पहाड़ी देस म सकेम सहर (सरन लेय के एक सहर), गेजेर, 68 योकमाम, बेत-होरोन, 69 अय्यालोन अऊ गत-रिम्मोन, ओमन के चरागन समेत मिलिस।
70 मनस्से के आधा गोत्र म ले इसरायलीमन आनेर अऊ बिलाम, ओमन के चरागन समेत दीन; ये नगरमन बाकि बांचे कहाती के कुलमन ला मिलिस।
71 गेरसोनीमन ला ये नगरमन मिलिन:
मनस्से के आधा गोत्र के कुल म ले ओमन बासान के गोलान अऊ असतारोत घलो पाईन, ये नगरमन के संग ओमन के चरागनमन घलो रिहिन;
72 इस्साकार के गोत्र म ले ओमन केदेस, दाबरत, 73 रामोत अऊ आनेम नगर पाईन, संग म ओमन के चरागनमन घलो रिहिन;
74 आसेर के गोत्र म ले ओमन मासाल, अबदोन, 75 हूकोक अऊ रहोब नगर पाईन, संग म ओमन के चरागनमन घलो रिहिन;
76 अऊ नपताली के गोत्र म ले ओमन ला गलील के केदेस, हम्मोन अऊ किरयातैम नगर मिलिस, संग म ओमन के चरागनमन घलो रिहिन।
77 मरारीमन (बाकि बांचे लेवीमन) ला ये नगरमन मिलिन:
जबूलून के गोत्र म ले ओमन योकनाम, करताह, रिम्मोन अऊ ताबोर नगर पाईन, संग म ओमन के चरागनमन घलो रिहिन;
78 यरीहो के पूरब कोति यरदन नदी के ओ पार, रूबेन के गोत्र म ले ओमन ला निरजन जगह म बेसेर मिलिस, अऊ यहस, 79 कदेमोत अऊ मेपात नगरमन के संग ओमन के चरागनमन घलो मिलिन;
80 अऊ गाद के गोत्र म ले ओमन गिलाद के रामोत, महनैम, 81 हेसबोन अऊ याजेर नगर पाईन, संग म ओमन के चरागनमन घलो रिहिन।