अऊ काकर ऊपर यहोवा के भुजबल परगट होईस?

अऊ सूखा भुइयां म एक जरी सहीं निकलिस।

अऊ ओकर रूप म अइसन कोनो चीज नइं रिहिस, जेला हमन देखे के ईछा करतेंन।

ओह दुखी मनखे रिहिस, अऊ पीरा ले ओकर जान-पहिचान रिहिस।

वइसे ओह तुछ समझे गीस अऊ हमन ओकर आदरमान नइं करेंन।

अऊ हमर दुख ला सहिस,

ओकर दुवारा मारे-कूटे अऊ दुख देय लईक समझेंन।

ओह हमर अधरम के काममन के कारन कुचरे गीस;

अऊ ओला मिले घावमन के दुवारा हमन ला चंगई मिलथे।

हमन म ले हर एक झन अपन-अपन रद्दा धर ले रहेंन;

ओकरे ऊपर लदक दीस।

तभो ले ओह कुछू नइं कहिस;

अऊ जइसने ऊन कतरइयामन के आघू म भेड़ ह चुपेचाप रहिथे,

वइसने ओह घलो अपन मुहूं ला नइं खोलिस।

तभो ले ओकर पीढ़ी के कोन ह ये सब बात के बिरोध करिस?

मोर मनखेमन के अपराध के कारन ओला दंड मिलिस।

अऊ मऊत के समय ओह धनवानमन के संगी होईस,

अऊ न ही ओकर मुहूं ले कोनो छल के बात निकले रिहिस।

अऊ हालाकि यहोवा ह ओकर जिनगी ला पाप के एक बलिदान बना देथे,

ओकर हांथ म यहोवा के ईछा पूरा होही।

ओह जिनगी के अंजोर ला देखही अऊ संतुस्ट होही;

अऊ ओमन के अधरम के बोझा ला उठाही।

अऊ ओह ताकतवर मनखेमन के संग लूटे चीजमन ला बांट दीही,

अऊ ओह अपराधीमन संग गने गीस।

अऊ अपराधीमन बर बिनती करिस।