12
लड़ई म हारे राजामन के सूची
1 यरदन नदी के पार पूरब कोति, याने कि अरनोन घाटी ले लेके हेरमोन पहाड़ तक के देस अऊ अराबा के जम्मो पूरबी इलाका के जऊन राजामन ला इसरायलीमन मारके ओमन के देस ला अपन अधिकार म कर लेय रिहिन, ओ राजामन ये अंय:
2 अमोरीमन के राजा सीहोन, जऊन ह हेसबोन म राज करत रिहिस।
ओह अरनोन घाटी के तीर के अरोएर नगर ले लेके—घाटी के मांझा ले लेके—यब्बोक नदी तक, जऊन ह अमोनीमन के सीमना अय। येमा गिलाद के आधा भाग सामिल रिहिस।
3 ओह पूरबी अराबा ऊपर गलील*इबरानी म किन्नेरेत समुंदर ले लेके अराबा के समुंदर (जेला मिरतू सागर कहे जाथे), बेत-यसीमोत, अऊ तब दक्खिन कोति पिसगा पहाड़ के ढलान के खाल्हे तक राज करत रिहिस।
4 बासान के राजा ओग के इलाका, जऊन ह रपाईमन के बचे आखिरी राजामन ले एक झन रिहिस; ओह असतारोत अऊ एदरेई म सासन करत रिहिस।
5 ओह हेरमोन पहाड़, सलका नगर, गसूर अऊ माका के मनखेमन के सीमना तक पूरा बासान, अऊ हेसबोन के राजा सीहोन के सीमना तक आधा गिलाद म राज करत रिहिस।
6 यहोवा के सेवक मूसा अऊ इसरायलीमन ओमन ला हरा दीन; अऊ यहोवा के सेवक मूसा ह ओमन के देस ला रूबेनी, गादी अऊ मनस्से के आधा गोत्र के मनखेमन के अधिकार म दे दीस।
7 यरदन के पछिम कोति, लबानोन के घाटी म बाल-गाद सहर ले लेके सेईर कोति उठे हालाक पहाड़ तक के देस के जऊन राजामन ला यहोसू अऊ इसरायलीमन हराय रिहिन अऊ जेमन के देस ला यहोसू ह इसरायलीमन ला ओमन के गोत्र अऊ कुल के मुताबिक ओमन के उत्तराधिकार म दे दीस, ओमन ये अंय: 8 येमा पहाड़ी देस, पछिम म खाल्हे के पहाड़ीमन, अराबा, पहाड़ के ढलानमन, निरजन प्रदेस अऊ नेगेव सामिल रिहिन। येमन हित्ती, अमोरी, कनानी, परिज्जी, हिब्बी, अऊ यबूसीमन के देस रिहिन।
येमन ओ राजा रिहिन:
9 एक, यरीहो के राजा;
एक, बेतेल के लकठा के अई के राजा;
10 एक, यरूसलेम के राजा;
एक, हेबरोन के राजा;
11 एक, यरमूत के राजा;
एक, लाकीस के राजा;
12 एक, एगलोन के राजा;
एक, गेजेर के राजा;
13 एक, दबीर के राजा;
एक, गेदेर के राजा;
14 एक, होरमा के राजा;
एक, अराद के राजा;
15 एक, लिबना के राजा;
एक, अदुल्लाम के राजा;
16 एक, मकेदा के राजा;
एक, बेतेल के राजा;
17 एक, तप्पूह के राजा;
एक, हेपेर के राजा;
18 एक, अपेक के राजा;
एक, लसारोन के राजा;
19 एक, मादोन के राजा;
एक, हासोर के राजा;
20 एक, सिमरोन-मरोन के राजा;
एक, अछाप के राजा;
21 एक, तानाक के राजा;
एक, मगिद्दो के राजा;
22 एक, केदेस के राजा;
एक, करमेल म योकनाम के राजा;
23 एक, नपोत-दोर म दोर के राजा;
एक, गिलगाल†यूनानी अनुवाद म, गलील के गोयीम। म गोयीम के राजा;
24 एक, तिरसा के राजा;
ये किसम ले कुल इकतीस राजा होईन।