1 ✡मत्ती २३:५“सावधान ईरी! नीव मंळसागोळी तोरसोर साटी तान न्याय इन क्याल्सा माळबाळेतीर, ईलारा नीव तान स्वर्गीय आप्प उन से येनु उच प्रतिफल ताकोम सकतीदिल.”

2 “इदुरसाटी याग नीव दान माळी, रा तान मुंद सैनाई मुर्सुसबाळी, ह्यांग कपटी लॉकुर, सभागोळ अदिक गलीगोळ दा माळतार, ताकी लॉकुर आंदुर बळाई माळुल. ना नीम से खरा माताळतीन कि आंदुर तान प्रतिफल ताकोम कोंडार. 3 लेकीन याग नीव दान माळी, रा जो नीम ऊम्मा कय माळतद, अद नीव तान डाक्या कय इक मालूम नळुगोळ बाळेतीर. 4 कि नीम दान होचकु ईरूल, अदिक आग नीम आप्प जो होचकु नोळतान, नीमी प्रतिफल कोट्टान.”

5 ✡लूका १८:१०-१४“याग नीव प्रार्थना माळीर, रा कपटीगोळ घाई आगबाळी, यतिकी लॉकुरी तोरसोर साटी सभागृह दा अदिक सळक इन मोळ मा निदुरकु प्रार्थना माळोद आंदरी वळ्लीद हततद. ना नीम से खरा माताळतीन कि आंदुर तान प्रतिफल ताकोम कोंडार. 6 लेकीन याग नीव प्रार्थना माळी, रा तान कमरा दा होगी; अदिक कवाळ बंद माळकु तान आप्प उन से गुप्त दा प्रार्थना माळीर. आग नीम आप्प जो होचकु नोळतान नीमी प्रतिफल कोट्टान.”

7 प्रार्थना माळाहोती गैरयहूदीगोळ घाई घळी-घळी माताळ बाळेतीर, यतिकी आंदुर सोचतार कि आंदुर्द हापाळ माताळदुर देल आंदुर्द केळकु आदीत. 8 इदुरसाटी नीव आंदुर्द घाई आगबाळी, यतिकी नीम आप्प नीम बेळा से पयला अच जान्सतान कि नीम येन येन जरवतगोळ आव. 9 इदुरसाटी नीव ईत्‍ता रीति देल प्रार्थना माळतोगी:

14 ✡मरकुस ११:२५,२६“इदुरसाटी अगर नीव मंळसागोळ्द अपराध माफ माळीर, रा नीम स्वर्गीय आप्प भी नीमी माफ माळ्यान. 15 अदिक अगर नीव मंळसागोळ्द अपराध माफ माळतीदील, रा नीम स्वर्गीय आप्प भी नीमव अपराध माफ माळतीदील.”

16 “याग नीव उपास माळीर, रा कपटीगोळ घाई नीम मार्रा मा उदासी ईरबाळुल, यतिकी आंदुर तान मार्रा हांग अच माळकु ईटतार, यतिकी लॉकुर आंदरी उपासी समसुल. ना नीम से खरा माताळतीन कि आंदुर तान प्रतिफल ताकोम कोंडार. 17 लेकीन याग नीव उपास माळीर रा तान ताल्ला मा याण्णा ऊदी अदिक मार्रा तोळी, 18 ताकी लॉकुर ईला लेकीन नीन आप्प जो गुप्त आन, नीनी उपासी जान्सुल ई दशा दा नीन आप्प जो गुप्त कर्मगोळी नोळकु, नीनी अऊर्द प्रतिफल कोट्टान.”

19 ✡याकूब ५:२,३“तान साटी पृथ्वी मा धन जमा माळबाळेतीर, यल किळा अदिक जंग नाश माळताव, अदिक यल काळ्लुर तिजोरी वडुतार अदिक काळ्लपनी माळतार. 20 लेकीन तान साटी स्वर्ग दा धन जमा माळी, यल न रा किळा, अदिक जंग नाश माळीत, अदिक यल काळ्लुर ना तिजोरी वळदार अदिक ना चोरी माळ्यार. 21 यतिकी यल नीम धन आद अल नीम मन भी हतकु ईत्‍तीत.”

22 “नीन मय इन दिंग्या कण्ण हुन: इदुरसाटी अगर नीन कण्ण निर्मल आव रा नीन सप्पा मय भी ऊजुळ इन घाई आदीत. 23 लेकीन अगर नीन कण्ण बुरा ईरूल, रा नीन पुरा मय भी अंधकारमय आदीत; ईद कारण अद ऊजुळ जो नीन दा आद अगर अंधकारमय आद रा अद अंधार याट खोल आदीत!”

24 “यावारा मंळसा येढ्ढ स्वामीगोळ्द स्यावा माळ सकालुन, यतिकी आव ऊंद मंळसा से दुश्मनी अदिक दुसरा मंळसा से प्यार ईट्यान, या ऊंद से मेल मिलाप माळ्यान अदिक दुसरा मंळसा अक नीच जानस्यान. नीव परमेश्वर अदिक धन येढ्ढु स्यावा सांगुळल्या माळ सकालीर.”

25 “इदुरसाटी ना नीम से अनतीन कि तान जीवा अन्द साटी ईद चिन्ता माळबाळी कि नाव येन तिनदेव अदिक येन कुळदेव; अदिक तान मय इन साटी फळक्यागोळ्द चिन्ता माळबाळी. येन जीव भोजन देल, अदिक मय फळक्यागोळ देल अनमोल हैलेच? 26 आकाश ईनव पक्षीगोळी नोळी! अव ना बींजा हचताव, ना कोयताव, अदिक ना तान तिना जागा दा संगरूस्कु ईटताव: तरी भी नीम स्वर्गीय आप्प अवरी पाल्सतान. येन नीम किमत अऊर से यक्कुल हैलेच? 27 ‡अदिक थ्वाळासा जीऊसी; या अदिक थ्वाळासा ऊँचा वाळुसी.नीम दा टु हिंग याव आन, जो चिन्ता माळकु तान जिंदगी दा ऊंद घळी भी वाळुस सकतान?”

28 “अदिक फळक्यागोळ साटी येती चिन्ता माळतीर? आळी दाकळव फूलगोळ मा ध्यान माळी कि अव ह्यांग वाळुसताव; अव ना रा मयनत माळताव, ना तान साटी फळक्यागोळ माळताव. 29 तरी भी ना नीम से अनतीन कि सुलैमान राजा भी, तान पुरा जीवन दा अऊर दा टु यारदु घाई कपळागोळ हाक्‍कु ईला ईरोन. 30 इदुरसाटी याग परमेश्वर मैदान इन काड्डा अक, जो ईंद आद अदिक नाळ बेक्‍की दा झोक्सकु आदीत, हिंग कपळा हाकसुसतान, रा हे अल्पविश्वासीगोळा, आव नीमी ईऊर से वळ्लीद येती हाकसुसतिदिल?

31 “इदुरसाटी नीव विचार माळकु ईद अनबाळी कि नाव येन तिनदेव, या येन कुळदेव, या येन हाक्केव. 32 यतिकी गैरयहूदी ई सप्पा वस्तुगोळ्द खोज दा ईरतार, पर नीम स्वर्गीय आप्प जान्सतान कि नीमी ई सप्पा वस्तुगोळ्द जरवत आद. 33 इदुरसाटी पयले नीव परमेश्वर उन राज्य अदिक आऊन न्याय इन खोज माळी रा ई सप्पा वस्तुगोळ भी नीमी सिक्‍केदव. 34 इदुरसाटी नाळ इन चिन्ता माळबाळी, यतिकी नाळ इन दिन तान चिन्ता खुद माळ कोंडीत; ईंद इन साटी ईंद इन दा दुख काफी आद.