1 Èh Bàu Chuaq doi ca au: 2 “Ô con mangai, long da long nho jah lem yi hnao ca 'bài long ma 'noiq ŏi ta rôm 'màng leq? 3 Long nho wìa đòiq broq bìac cleq, jah broq long gwac đòiq atua cleq ùh? 4 Tàng khoi bùh long aih ta ùnh, èh ùnh khoi cheo dìq lùch, phàn ta'ne hadai khoi wìa chah, èh jah yŏc haq đòiq broq cleq ùh? 5 Cô, jò long aih 'nhòq 'bìq cheo, hadai ùh jah broq cleq wìa, ùh dùh dèh ca jò ùnh hi cheo haq, ŏi jah wìa broq cleq hòm!

6 “ 'Màng aih, bàu Chuaq doi 'màng cô: Tìah ca Au khoi yŏc 'bài long 'noiq ta rôm đòiq broq long ùnh 'màng leq, Au hadai broq ca jàn Jê-ru-sa-lem 'màng aih. 7 Au 'nac Dèh hadrò tajraq hlài ca wì haq. 'Nhac ca wì haq loh khoi ca ùnh, ùnh xôq bùh đac wì haq. Jò aih pì jah loq Au cô Chuaq da wì haq jò Au 'nac Dèh hadrò tajraq hlài ca wì. 8 'Màng aih, Au jah broq ca taneh cô loh wìa nòi catù, taiq wì haq ùh wèq dèh bàu.” Aih bàu Chuaq Boc Plình doi.