25
'Binđat Doi Con Mangai Ùh Loh Cleq
1 Èh 'Binđat, mangai Sua, tèo hlài:
2 “Chuaq Haq Cwìang ma wèq cwìang, Joq đang ca yùq crè;
Haq broq hatroq ta ca rìm bìac nòi ha'nhèq da Haq.
3 Cabô jah rèn 'bình plình bàc 'biaq?
Cabô ma claih ca can 'ngah Haq xreo?
4 Broq 'màng leq con mangai jah ta-atoq ŏi jang ngìa Boc Plình?
Con mangai khoi jah gu cadrì xa-ông jah lem hreo 'màng leq?
5 Tàng khê ùh xreo 'ngah,
wa 'bài halŏng ùh hliang tôm tàu ŏi jang ngìa Haq,
6 ùh dèh ca con mangai pagah aih bu dàng hrai,
con caiq da con mangai tìah ca mòiq toq hadrùng.”