23
Chuaq Wèq Ban Au Tìah ca Mangai Ban Trìu
Đawit Achìh
1 Chuaq wèq ban au, tìah ca mangai ban trìu,
au ùh thìuq cleq.
2 Haq thê au padài nòi đùng nhat xenh lem,
ajèn au trùh nòi i diac lem catèm.
3 Haq ha'naoq hlài mahua yiang au,
ajèn au lam tiaq trong ta-atoq taiq hiniq Haq.
4 'Nhac ca lam nòi thòng da can cachìt,
au xôq ùh yùq crè,
ma jah 'màng aih Ìh ŏi ti au.
Long dùi wa long canhra da Ìh alòng au.
5 Chuaq don ca au dahwèq caq enh ngìa ca wì ma git ca au;
Ìh am xôq ca au; doi chrŏng au jah bình halùih.
6 Joq 'màng aih, khôn khaoq wa can xa-ŏch xam manoh loq waq jah
ŏi ti au rìm hì da can rìh au,
wa au jah ŏi ta hnem Chuaq
trùh hloi hloi.