123
Waiq Xìn Can Loq Waq da Chuaq
1 Au ngoi ngan mat ca Ìh;
ôi Chuaq 'nang ha'ngui ta gèq bùa ŏi ta plình.
2 Mat mangai hapŏng ngèh dèh nòi tì cla craq calô,
wa mat mangai hapŏng cadrì ngèh dèh tì cla craq cadrì 'màng leq,
èh mat nhèn ha'miang ngan Chuaq Boc Plình nhèn hadai 'màng aih,
trùh jò Haq 'noh can xa-ŏch xam manoh loq waq ca nhèn.
3 Chuaq ôi! Xìn xa-ŏch ca nhèn, xìn xa-ŏch ca nhèn;
ma jah 'màng aih nhèn khoi mech ca bìac mangai khìn.
4 Mahua yiang dìq jaq mech ca bìac jù lê da mangai da-òih,
wa bìac patòq da mangai loq catèh.