Mesaiya, Kristus Mesaiya: pimpiku gii: ‘kaltu ri tipeni e wel talo paklu.’ E ta ninis ri bilbilseni lo biing ri wele tong kaltu. Mesaiya e ta kinen Ibru, Kristus e ta kinen Grik, un sunwar gii e ta tikii pimpik lo ru. Yesus e ta Kristus, Deo e wele una kepfamil re tongge.

felun nining Felun nining lo Tok Pisin gii ‘Haus Lotu’, ma lo Ingliis gii ‘Synagogue’. Fam felun nining ri fuun, ma ri ta fam fel kere fan Juda una nining ma tiimtiim una ongongni e sunwar. Ri tibi fafafen ine fam finafen ilo, anwarow Deo e tow e fafanau ini riu su fafafen ine fam finafen ilo bala Felun Nining Bakir ina Jerusalem.

Felun Nining Bakir Felun Nining Bakir lo Tok Pisin gii ‘Tempel’, ma lo Ingliis gii ‘Temple’. Felun Nining Bakir e ta fel na nining, sakle Deo e tow e fafanau ini fan Juda riu su fafafen ine finafen ilo, lo fam biing na pakpaketmet ire fan man una fafafen iri. I e ta ina Jerusalem ma e buk su tikii.

Farasi E ta neng e galu lo re fan Juda, gii ri ka sangsang rawas tikin una usi e fafanau ke Moses. Ma ming ri tatauf fam fafanau keri ulo poktow e fanenger a, iya ka pete taltal ine sinsinanguri. Fan Farasi ri titinge ini, e mel e matmatet mil kosnge minet, ma e mel e fan anggelo, ma e mel a fan tangwa.

Sediusi E ta neng e galu lo re fan Juda, gii ri ka titinge ini e tek ti matmatet mil kosnge minet, tek ti anggelo, ma e tek ti tangwa.

Silot Silot e ta neng e galu lo re fan Juda gii ri ka bura ini riu fasange tura fan sangsang ke gapman tingna Rom ma ri ku tii ini.