121
Anduane Homogo ibu inanaga mamage hagane kago ogo
1 I̱na hari wedaruha de handadaga berogoni.✡Iba 87.1, 123.1
I̱ ani bia berogonigoyu
mbirali i̱ biamogo bule ibulubadago agohayagi howa ibulubadabe.
2 Anduane Homogo ibugua hari daligabi dindi timbuni o kamagobi wabinigo✡Iba 115.15, 124.8
ibunime dege i̱ biamogo biaga kagoni.
3 Ibugua í̠ pilope nahabelo handayaho holebira.✡Iba 41.2, 66.9, 127.1
Ibu u napaliaga howa í̠ mamage kaore dege halu egabi laga biaga kagoni.
4 O larogo bayuwa hale habe.
Anduane Homogo ibu Isaraele wali agalinaga mamage haga kago howa
ibu u emene mbira napaliagaore ka.
Ibu umubi heba nalagaore kagoni.
5 Anduane Homogo ibugua í̠ kegoha kaware haparaho howa
í̠ mamage haabo haga kagoni.
Ibu ani kagola í̠ ibu gumbaha howa bayaleore dungulo holebere.
6 Horombe ni tandagabi daragome í̠ daba halu mo ko naholebira.✡Ais 49.10, Mo 7.16
Mbiraga ege daragomebi í̠ mo ko naholebira dege.
7 Mbirale ko hiriribi tara tara ngarume í̠ mo ko mbira holilono✡Iba 91.10-12
Anduane Homogo ibugua í̠ handayaho mamage holebira.
8 Í̠ í̠ni andagani palialu tagira pu haregoriani✡Iba 113.2, 115.18
ibugua mamage hama ibagabu holebira.
Í̠ andagani daibu paleregolabi
ibugua dege mamage holebira.
Áyubi awebi ibugua ani biaabo holebira.