2
Israel Boys
(Start 35:23-26)
1 Dese Israel boys: Reuben, Simeon, Levi, Judah, Issakar, Zebulun, 2 Dan, Joseph, Benjamin, Naftali, Gad, an Asher.
Judah Ohana
(Ruth 4:18-22; Matthew 1:3-6)
3 Judah boys: Er, Onan, an Shelah. He get dese three boys by one wahine from Canaan, Shua girl. Er, da firs boy fo born, wen do real bad kine stuff da way Da One In Charge see um. Az why Da One In Charge wen kill um. 4 Tamar, Judah daughtah-in-law wen born Perez an Zerah. Judah wen get five boys.
5 Perez get Hezron an Hamul.
6 Zerah boys: Zimri, Etan, Heman, Kalkol, an Darda. Zerah get five boys.
7 ✡2:7: Josh 7:1Karmi boy: Akan, dat bring trouble on top da Israel peopo cuz he steal someting dat ony fo God.
8 Etan boy: Azariah.
9 Hezron boys was: Jerahmeel, Ram, an Caleb.
Ram Boys
10 Ram da faddah fo Amminadab. Amminadab da faddah fo Nahshon, da leada fo da Judah peopo. 11 Nahshon da faddah fo Salmon. Salmon da faddah fo Boaz. 12 Boaz da faddah fo Obed. Obed da faddah fo Jesse.
13 Jesse da faddah fo Eliab, da firs boy fo born. Da boy numba two was Abinadab, numba three Shimea, 14 numba four Netanel, numba five Raddai, 15 numba six Ozem, numba seven David. 16 Dea sistahs was Zeruiah an Abigail. Zeruiah boys was Abishai, Joab, an Asahel. 17 Abigail was Amasa muddah. His faddah Jetur, from da Ishmael ohana.
Hezron Boy Caleb
18 Caleb, Hezron boy, get kids from his wife Azubah (an by Jeriot). Dese her boys: Jesher, Shobab, an Ardon. 19 Wen Azubah mahke, Caleb marry Efrat. She wen born Hur fo Caleb. 20 Hur da faddah fo Uri. Uri da faddah fo Bezalel.
21 Laytas, Hezron sleep wit Makir girl. Makir da faddah fo Gilead. Hezron marry her wen he sixty year ol, an she born Segub fo him. 22 Segub da faddah fo Jair, dat stay in charge twenny-three towns inside Gilead. 23 But Geshur an Aram take ova Hawwot-Jair, an Kenat an da sixty towns aroun um. All dese guys come from Makir, Gilead faddah.
24 Afta Hezron mahke inside Caleb Efratah, Abijah, Hezron wife born Ashtur fo him. Ashtur da faddah fo Tekoa.
Hezron Boy Jerahmeel
25 Da boys fo Jerahmeel, da firs boy fo born from Hezron: Ram da firs boy fo born, Bunah, Oren, Ozem, an Ahijah. 26 Jerahmeel get anodda wife name Atarah. She Onam muddah. 27 Ram da firs boy fo born from Jerahmeel. He get dese boys: Maaz, Jamin, an Eker. 28 Onam boys: Shammai an Jada. Shammai boys: Nadab an Abishur. 29 Abishur wife name Abihail. She born him Ahban an Molid. 30 Nabad boys: Seled an Appaim. Seled mahke an no mo kids. 31 Appaim boys: Ishi, Sheshan faddah. Sheshan Ahlai faddah. 32 Jada boys, Shammai braddah: Jeter an Jonathan. Jeher mahke an no mo kids. 33 Jonathan boys: Pelet an Zaza. Dese da peopo dat come from Jerahmeel. 34 Sheshan no mo boys, ony girls. He get one worka guy from Egypt, name Jarha. 35 Sheshan give his girl fo marry his worka guy, Jarha, an she born Attai fo him. 36 Attai da faddah fo Natan. Natan da faddah fo Zabad. 37 Zabad da faddah fo Eflal. Eflal da faddah fo Obed. 38 Obed da faddah fo Jehu. Jehu da faddah fo Azariah. 39 Azariah da faddah fo Helez. Helez da faddah fo Eleasah. 40 Eleasah da faddah fo Sismai. Sismai da faddah fo Shallum. 41 Shallum da faddah fo Jekamiah. Jekamiah da faddah fo Elishama.
Da Caleb Families
42 Caleb boys, Jerahmeel braddah: Mesha his firs boy fo born. Mesha Zif faddah. His boy Mareshah, Hebron faddah.
43 Hebron boys: Korah, Tappuah, Rekem, an Shema. 44 Shema da faddah fo Raham. Raham da faddah fo Jorkeam. Rekem da faddah fo Shammai. 45 Shammai boy Maon. Maon da faddah fo Bet-Zur.
46 Caleb odda wife was Efah. She da muddah fo Haran, Moza an Gazez. Haran da faddah fo Gazez.
47 Jahdai boys: Regem, Jotam, Geshan, Pelet, Efah, an Shaaf.
48 Caleb odda wife was Maakah. She da muddah fo Sheber an Tirhanah. 49 She wen born Shaaf too. He da faddah fo Madmannah an Sheva. Sheva da faddah fo Makbenah an Gibea. Caleb girl was Aksah. 50 Dese Caleb kids.
Hur da firs boy fo born from Efratah. His boys: Shobal, da faddah fo Kiriat-Jearim. 51 Salma da faddah fo Betlehem, an Haref da faddah fo Bet-Gader.
52 Da ohana fo Shobai, da faddah fo Kiriat-Jearim was: Haroeh, half da Manahat peopo, 53 an da Kiriat-Jearim blood lines, da Iter peopo, da Put peopo, da Shumat peopo, an da Mishra peopo. Da Zorat peopo an da Eshtaol peopo come from dem.
54 Da Salma ohana: Betlehem, da Netofat peopo, Atrot Bet-Joab, da odda half da Manahat peopo, da Zor peopo, 55 an da blood lines fo da guys dat teach da Rules, dat live Jabez side, da Tirat peopo, da Shimeat peopo, da Sukat peopo. Dese da Ken peopo dat come from Hammat, da faddah fo da Rekab ohana.