1 Dis da Esau Ohana story —dass da Edom peopo, you know.

2 ✡36:2: Start 26:34Esau, he marry two wahines from da Canaan ohana. Da firs one he marry, Adah, Elon da Het guy daughtah, an da odda one, Oholibamah, Anah daughtah. Anah was Zibeon da Hiv guy boy. 3 ✡36:3: Start 28:9Afta dat, Esau marry Basemat, she Ishmael daughtah an Nebaiot sistah. 4 Adah born Elifaz, an Basemat born Reuel, 5 an Oholibamah born Jeush, Jalam, an Korah. All dese boys born fo Esau, Canaan side.

6 Laytas, Esau take his wifes an his kids, all da peopo dat work fo him, his cows an sheeps an goats, all da stuffs he get wen he live Canaan side, an dey all go anodda land, mo far from his braddah guy Jacob. 7 Cuz da two braddah guys get plenny animal, az why dey no can live togedda. Da land wea dey live befo time, too small fo all dea sheeps an goats. 8 Dass how come Esau go live up country Seir side. (Esau, he get da odda name Edom.)

9 So, dis da Esau ohana story. Esau, he da ancesta guy fo da Edom peopo, dat live up country Seir side.

10 Da names fo da Esau boys: Elifaz, his muddah was Esau wife Adah. Reuel, his muddah was Esau wife Basemat. 11 Elifaz, his boys, Teman, Omar, Zefo, Gatam, an Kenaz. 12 Elifaz, Esau boy, had one wahine Timna dat was his odda wife. She wen born Amalek fo Elifaz. Dea granmuddah, Esau wife Adah. 13 Reuel, his boys, Nahat, Zerah, Shammah, an Mizzah. Dea granmuddah, Esau wife Basemat. 14 Oholibamah, dass Anah daughtah an Zibeon grandaughta, she was Esau wife. Her boys, Jeush, Jalam, an Korah.

15 Dis da importan guys dat come from Esau kids. From Esau numba one boy Elifaz, get Teman, Omar, Zefo, an Kenaz. Dey was da main guys fo dea ohanas. 16 Same ting fo Korah an Gatam an Amalek. Dass da main guys fo da Elifaz ohanas dat live Edom land. All dem wen come from Adah. 17 From Esau boy Reuel, get Nahat, Zerah, Shammah, an Mizzah dat was da main guys fo dea ohanas. Dese ohanas live Edom land, an dey all come from Reuel, an he come from Esau wife Basemat. 18 From Esau wife Oholibamah, get Jeush, Jalam, an Korah dat was da main guys fo dea ohanas. Dis da main guys fo da ohanas dat come from Oholibamah, Esau wife, Anah daughtah. 19 Dass da Esau Boys story, bout all da main guys fo da ohanas dat come from Esau. (Esau get da odda name, Edom.)

20 Dis da ohana dat wen born fo Seir da Hor guy. Dey wen live inside dat same land: Lotan, Shobal, Zibeon, Anah, 21 Dishon, Ezer, an Dishan. Dey da main guys fo da Hor peopo ohanas dat wen come from Seir, Edom land.

22 Lotan, his boys Hori an Hemam. Lotan sistah, her name Timna. 23 Shobal, his boys Alvan, Manahat, Ebal, Shefo, an Onam. 24 Zibeon, his boys Ayah an Anah. (Dis Anah guy, az da same one dat was inside da boonies fo take kea da donkeys fo his faddah guy Zibeon, an he wen find one place wea get hot watta come outa da groun.) 25 Anah, he get two kids, his boy Dishon an his daughtah Oholibamah. 26 Dishon, his boys, Hemdan, Eshban, Itran, an Keran. 27 Ezer, his boys, Bilhan, Zaavan, an Akan. 28 Dishan, his boys, Uz an Aran.

29 Dis da main guys fo da ohanas dat come from da Hor peopo: get Lotan, Shobal, Zibeon, Anah, 30 Dishon, Ezer, an Dishan. Dey da main guys fo da ohanas dat come from da Hor peopo, Seir side.

31 Ova dea Edom side had king guys dat was in charge, long time befo da Israel peopo get king guys. 32 Bela, Beor boy, he was king Edom side. His town get da name, Dinhabah. 33 Den Bela mahke, an Jobab, Zerah boy from Bozrah side come king. 34 Jobab mahke, an Husham, dat come from da land wea da Teman peopo live come king. 35 Husham wen mahke, an Hadad, Bedad boy, come king. He da one wen bus up da Midian peopo inside da boonies Moab side. His town get da name, Avit. 36 Hadad mahke, an Samlah from Masrekah come king. 37 Samlah mahke, an Shaul from Rehobot (da one by da Eufrates Riva) come king. 38 Shaul mahke, an Baal-Hanan, Akhbor boy, come king. 39 Baal-Hanan, Akbor boy, mahke, an Hadar come king. His town get da name, Pau. Hadar wife was Mehetabel. Mehetabel muddah was Matred, dat was Me-Zahab daughtah.

40 Dis da names fo all da main guys fo da Esau ohanas. Ery ohana get dea place. All da ohana names, dey come from dea main peopo: Timna, Alvah, Jetet, 41 Oholibamah, Elah, Pinon, 42 Kenaz, Teman, Mibzar, 43 Magdiel, an Iram. Dey da main peopo fo da Edom ohanas, dat wen come from Esau, da ancesta guy fo all da Edom peopo. Da places wea ery ohana live get da same name jalike da ohana name.