134
Nite Time Song Fo Da Temple
Song fo sing wen you go up to da Temple Fo God
1 Tell Da One In Charge dat he good,
Cuz he stay do good tings
Fo all you guys dat work
Fo him nite time
Inside da Temple
Fo Da One In Charge!
2 Put up yoa hands an face da place
Dat stay spesho fo God.
Tell Da One In Charge dat he good!
3 Da One In Charge, he da One
Wen make da sky an da world,
An he stay on top Mount Zion.
I like he do good tings fo all you guys.