3
Kal Yeeso Musa mu
1 Tsaunǝn kee shayina fatakkwaya na chahal, kun pet na fad nun walgha adɗi na a talara, sheeman teena Yeeso fa, nǝm aarha tǝthlǝnda Faara tǝ ƙǝm firis na manggǝn sheeda nǝm. *3:1 Ibraniyaya 2:11; Ibraniyaya 2:17; Ibraniyaya 4:14 2 Ənaɗǝ taara tǝ ƙǝkafekkirha a niifɗi thlǝngga ndǝn ɓa, ƙǝla ǝnana Musa ƙǝkafekkirha ahu targhǝn ahur nafiya Faara.†3:2 Ɗeleewar thlǝtta 12:7 3 Heu tǝ kee, wal Yeeso fǝrra mamnggirha kaan ma Musa, ƙǝla niifa tǝngga ƙǝnna kalɗǝ ƙǝnɗi mamnggirha. 4 Ƙǝsǝr kala wure na niifasǝ tǝngga ndǝn, amma tǝ tǝn ǝngya heu Faara ni. 5 Nana Musa tǝ ƙǝkafek fa ahu ǝngya heu a mbed nafiya Faara, fǝrɗǝ shedawa tǝ ǝngya ɓana Faara thlǝkrha a mbee.‡3:5 Kyarhaɓa 14:31; Ɗeleewar thlǝtta 12:7 6 Amma Ƙǝrǝsti nǝghǝn tǝ ƙǝkafek fa tsaunǝn ndǝghǝn ni Wee na aten nafiya Faara heu. Ƙǝm ni wurighǝn, a ɗǝɗǝm mbeeɗǝ tǝ shembe tǝ shiiten ɗi nǝm a taala sǝ.
Ƙǝs thlǝmaarha aten yamid fǝrƙǝkafek
7 Nanǝn kee, ƙǝla ndana Sǝsǝna tǝ Peɗǝnda,
“A weeriya a sǝk ɗun kwad uradghǝn,
8 a na hur nun kakrak wa,
ƙǝla ǝna nun kakyathlanga,
a sayid ƙǝƙǝrra na a kaheerha wa.
9 A mbǝɗi ƙǝƙǝree na chichiyi nun sǝ,
ko nanǝn nanda taara ǝnani yi huraya kumnggit faɗa.
10 Ndǝghǝn ɗani sǝbna hurna ɗǝ tǝ nafiya ƙǝshiid farɗi ndǝn ndaani,
‘Na ahur ndan inggun ma nggi,
kar ǝna ˈya ndang ni kanda.’
11 Hǝrǝmna hurna sǝbrha ɗǝ aah Faara ni ndee,
‘Mba nda tam kyarha hu yiɓǝdna hai wa.’ ”§3:11 Ibr 4.3,5; Dzabura 95.7-11
12 Shayina, kwarama, naɗǝ hur nun naarha tǝ mbǝlfeerha, tǝ yamid fǝrƙǝkafek, na a kyakhrun hai malanggun Faara na tǝ yibrha wa. 13 Amma nama narha fǝrang kaali ndan kala ɗathla mbǝrha fa hai. Ənama taara tǝ fara nǝm aarha, “Weeriya,” amana niifa narha tal ahur hukrha ɗimiyirha ndǝn nagha hurghǝn kakrak.*3:13 Ibraniyaya 10:24,25; Afisaya 4:22 14 Nǝm a wumteena tǝ Ƙǝrǝsti a ish ɗǝm tǝ shembe ƙǝla ˈwa nǝm fǝrƙǝkafek ta mii ngwaladghǝn ɗǝ. †3:14 Mbǝdghǝn 6 15 Ƙǝla ndaana nda,
“A weeriya a sǝkɗun uradghǝn,
A tsang ɗun hur nun kakrak ƙǝla a sayid kakyathlang ɗi wa.”‡3:15 7:8; Dzabura 95:7,8 16 Nda wunni sǝkka uradghǝn, nggǝra nda ǝna kakyathlaanga tǝghǝn? Mbǝ nafina ni kyang na Musa kanda sǝ a chehweed Masar wa?§3:16 Ɗeleewar Thlǝtta 14.29; Dzabura 106.26 17 Nda wunni sǝbna hur Faara ɗǝ tǝ kanda yi hurarha kumnggit faɗa? Mbǝ nafina ni ǝnagha ɗimiyirha, mǝrna nda a kaheerha wa? 18 Nda wunni aah na Faara thlǝmnggǝn aten ndan tǝ ndaarha mba tam wal yibrha a mishim ndǝghǝn wa? Mbǝ nafina ni kargha miighǝn fa wa?*3:18 Ɗeleewar thlǝtta 14:20-23; Ibraniyaya 4:6 19 Ƙǝla nǝm hai kee ashe ka yamid fǝrƙǝkafekkid ndan ni walwa nanda yibrha a mishim ndǝghǝn.†3:19 Yahaya 3:36
*3:1 3:1 Ibraniyaya 2:11; Ibraniyaya 2:17; Ibraniyaya 4:14
†3:2 3:2 Ɗeleewar thlǝtta 12:7
‡3:5 3:5 Kyarhaɓa 14:31; Ɗeleewar thlǝtta 12:7
§3:11 3:11 Ibr 4.3,5; Dzabura 95.7-11
*3:13 3:13 Ibraniyaya 10:24,25; Afisaya 4:22
†3:14 3:14 Mbǝdghǝn 6
‡3:15 3:15 7:8; Dzabura 95:7,8
§3:16 3:16 Ɗeleewar Thlǝtta 14.29; Dzabura 106.26
*3:18 3:18 Ɗeleewar thlǝtta 14:20-23; Ibraniyaya 4:6
†3:19 3:19 Yahaya 3:36