25
Hay Kanta An Pundayaw I Apu Dios
1 Apu Dios, he"a nan Dios an dayawo'. Ya nan amaphodmuy haphapito'.
Te dakol nadan nakaskasda'aw an ina'inatmu an ninomnommu tuwalih din nadne an aton.
2 Ta dadagom nan boble*25:2 Nan boblen dadagona ya hi ad Babilon te nadan tataguhdi ya ngohayondah Apu Dios. an ta'on on binattuy aladna ta mitapu"ul hinan luta.
Ta mama"id mo nan palasyuhdi an inyamman di tataguh udum hi boble.
Ya adi mo mabalin an mibangon boh diyen boble.
3 Ta hay ahi haphapiton nadan tatagu an ongal di abalinanda ya hanan anabaktum.
Ya ta'on aya on nadan mun'abungot an tatagu ya takutan da'a.
4 Te he"ay uggan pumpaboddangan nadan nun'awotwot an maligligatan.
Ya he"ay paddungnay ugganda ihi"ugan hi'on waday puwo' ya hi'on nalot di potang.
Te nunhiglay pangat di binuhulda an umat hinan aton di mabikah an puwo'
5 onu nan nunhiglan potang hinan na'appudut an luta.
Mu he"ay mangipadinong hi punlattuwagan nadan binuhulmi te he"a nan umat hi bugut an manandih nan potang ta adi mun'ohab nan luta.
Ta way aton nadan mun'abungot an duminong an mangikanantah nan nangaba'abakanda.
Hay Pamogpogan Apu Dios Hi Abalinan Di Ate
6 Hi Apu Dios an ongal di abalinana ya idadaanah nan nabillid an hi ad Zion di mun'aphod an makan an i'ayagnah an namin an tataguh tun luta.25:6 Nipa'innila 19:9 Ta nadan ap'aphodan an dotag di ipihdana ya nan maphod di napgotana an bayah di ipa'inumna. 7 Ya i diye bon nabillid di panga'aananah nan lummuh umukayungan di atagutaguh tun luta. 8 Ya pogpogona moy abalinan di ate hi inggana.25:8 1 Kulintu 15:54 Ta paddungnay pu'nahanan namin di luwan di tataguna.25:8 Nipa'innila 21:4 Ya pogpogonay ibabainanda hi abobbobleh tun luta. Hiyah tuwey inalin Apu Dios.
9 Ta ahi alyon nadan tatagu di, Immannung an hiya nan Dios an nangidinolan ta'u ta hiya nan inihwang dita'u. Ot maphod on mun'am'amlong ta'u hi nanaguwana i dita'u.
10 Ta athidi an ipapto' Apu Dios hituwen nabillid an ad Zion an gapuh nan abalinana.
Hay Pundusaan Apu Dios Hinadan I Moab
Mu nada'e an i Moab ya dadagona dida ta umatdah dagami an pun'igatina dida ta middumdah nan lugit. 11 Ta ta'on on ipatnadan bumangon ta umaandahdi mu adi iyabulut Apu Dios an onaot iyal'alla an ba'bainon dida ta ma"id ha ilattuwagda. 12 Ya pa"ihona nadan nun'atagen binattun alad di bobleda ta mumbalindah hupu'.