1 Innayun bon nan ongal di abalinana an Dios an alyon di, Nomnomnomonyun dasao' nadan tatagun mumbaktu ya nadan mangmangngat hi adi maphod. Ot hay ato' an mundusa i dida ya umat hi aghoban nan dagami an ma''id ha mabati.4:1 1 Kulintu 3:13 2 Mu da'yun ha''on di takutanyu ya gapuh nan abalina' ya ma'attigon mipaphod ayu ta umat ayuh nan algon ma'apattal. Ya mun'am'amlong ayu mohpe an ay ayu nilubus ha ukkon di kabayu.

3 Ot i diyen pangata' ya pun'igatinyu nadan adi maphod di pangatda te mumbalindah ay pito' an pangigoppa'anyu. Ha"on an ongal di abalinanan Dios di mangalin tuwe.

4 Ot nomnomnomonyu nadan intanuddun din baal'un hi Moses. Te dadiyen tugun an indat'un hiyahdih nan billid hi ad Sinai ya mahapul an hiyay unudonyun namin an da'yun tinanud Israel.

5 Ya nomnomnomonyu bo an pa'aliyo' nan propeta an hi Elijah4:5 Matthew 11:14; 17:10; Mark 9:12 ya ahi madatngan hidiyen atatakut an punhumalyaa'. 6 Ta hiyay bumoddang hi e pun'u'unnudan di hina'amma ta adida mundudu''ugan ta wan adi da'yu dadagon i ha''on ya ta'on on nan numboblayanyu.