1 Apu Dios, undan ahan tatawwa inganuya' hi inggana?

On anuud mo bahan ya ahiya' hanguton i he''a?

2 Nadne mahan mo tayyan ma"id ha linggop di punnomnom'u.

Ta abigabigat on ona' umukayungan.

Ot anuud bahan tatawwa ya ahim padinongon di pangaba'abakan nadan binuhul'u i ha"on?

3 Hanat donglom bahan Apu Dios tun dasal'u ta wan pabikahona' ta adiya' ni' mate.

4 Te onha mateya' ot alyon nadan binuhul'uy kilana ta nate.

Ya ahida mun'am'amlong i diyen na'at i ha"on.

5 Mu ta'on on athidi ya ma'dinnola' te innila' an munnananong nan pamhodmun ha''on.

Ya mun'am'amlonga' te ihwanga' i he"a.

6 Ot ikanta' di pundayaw'un he"a Apu Dios te immannung an ma''aphod'a i ha"on.